Ammy Virk in Another Hindi Film:ਹਾਲ ਹੀ ਵਿੱਚ ਅਕਸ਼ੈ ਕੁਮਾਰ (Akshay Kumar) ਫਿਲਮ ਰਾਮ ਸੇਤੂ ਵਿੱਚ ਨਜ਼ਰ ਆਏ ਸੀ ਅਤੇ ਉਹ ਇੱਕੋ ਸਮੇਂ ਕਈ ਪ੍ਰੋਜੈਕਟਾਂ ਵਿੱਚ ਕੰਮ ਕਰ ਰਿਹਾ ਹੈ। ਹੁਣ ਉਹ ਇੱਕ ਹੋਰ ਫਿਲਮ ਨਾਲ ਵੱਡੇ ਪਰਦੇ ‘ਤੇ ਵਾਪਸੀ ਕਰਨ ਲਈ ਤਿਆਰ ਹੈ। ਅਤੇ ਇਸ ਵਿੱਚ ਉਹ ਕਾਮੇਡੀ ਰੋਲ ਪਲੇਅ ਕਰੇਗਾ। ਜੀ ਹਾਂ, ਅਕਸ਼ੈ ਇੱਕ ਨਵੀਂ ਫ਼ਿਲਮ ‘ਖੇਲ ਖੇਲ ਮੇਂ’ (Khel Khel Mein) ਨਾਲ ਕਾਮਿਕ ਅਵਤਾਰ ‘ਚ ਵਾਪਸੀ ਕਰਨਗੇ। ਫਿਲਮ ਵਿੱਚ ਅਕਸ਼ੈ ਦੇ ਨਾਲ ਬਾਲੀਵੁੱਡ ਦੀਆਂ ਹਸੀਨਾਵਾਂ ਵਾਣੀ ਕਪੂਰ (Vaani Kapoor) ਅਤੇ ਤਾਪਸੀ ਪੰਨੂ (Taapsee Pannu) ਹਨ। ਇਸ ਨੂੰ ਨਿਰਦੇਸ਼ਕ ਮੁਦੱਸਰ ਅਜ਼ੀਜ਼ (Mudassar Aziz) ਡਾਇਰੈਕਟ ਕਰ ਰਹੇ ਹਨ।
ਇਸ ਤੋਂ ਇਲਾਵਾ ਪੰਜਾਬੀ ਫਿਲਮ ਕਿਸਮਤ ਫੇਮ ਐਕਟਰ ਐਮੀ ਵਿਰਕ ਨੂੰ ਹਾਲ ਹੀ ਵਿੱਚ ਅਕਸ਼ੇ ਕੁਮਾਰ ਦੀ ਖੇਲ ਖੇਲ ਮੇਂ ‘ਚ ਕਾਸਟ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਐਮੀ ਪਹਿਲਾਂ ਹੀ ਆਪਣੀਆਂ ਫਿਲਮਾਂ 83 ਅਤੇ ਭੁਜ: ਦ ਪ੍ਰਾਈਡ ਆਫ ਇੰਡੀਆ ਨਾਲ ਹਿੰਦੀ ਫਿਲਮਾਂ ‘ਚ ਕੰਮ ਕਰਕੇ ਆਪਣੀ ਫੈਨ ਫੋਲੋਇੰਗ ਨੂੰ ਕਾਫ਼ੀ ਵੱਧੀਾ ਚੁੱਕਿਆ ਹੈ। ਇਨ੍ਹਾਂ ਦੋਵਾਂ ਫਿਲਮਾਂ ਦੀ ਸਕਸੈਸ ਤੋਂ ਬਾਅਦ ਹੁਣ ਇੱਕ ਵਾਰ ਫਿਰ ਐਮੀ ਨੇ ਆਪਣੀ ਤੀਜੀ ਬਾਲੀਵੁੱਡ ਫਿਲਮ ਦੀ ਤਿਆਰੀ ਕਰ ਲਈ ਹੈ।
ਐਮੀ ਦਾ ਮੰਨਣਾ ਹੈ ਕਿ ਵੱਧੀਆ ਸਕ੍ਰਿਪਟ ਤੇ ਚੰਗੇ ਫਿਲਮ ਡਾਇਰੈਕਟਰਸ ਹੀ ਅਸਲ ਸਟਾਰ ਹੁੰਦੇ ਹਨ। ਲੱਗਦਾ ਹੈ ਕਿ ਐਮੀ ਇਸ ਫਿਲਮ ਦੇ ਨਾਲ ਹਰ ਵਾਰ ਦੀ ਤਰ੍ਹਾਂ ਸਭ ਤੋਂ ਵਧੀਆ ਕੰਮ ਕਰ ਫਿਰ ਤੋਂ ਆਪਣੇ ਫੈਨਸ ਨੂੰ ਸਰਪ੍ਰਾਈਜ਼ ਕਰੇਗਾ। ਉਸ ਨੂੰ ਇੰਨੀ ਵੱਡੀ ਕਾਸਟ ਨਾਲ ਦੇਖਣ ਲਈ ਉਸ ਦੇ ਫੈਨਸ ਪਹਿਲਾਂ ਹੀ ਐਕਸਾਈਟਡ ਹੋ ਰਹੇ ਹਨ।
ਦੱਸ ਦਈਏ ਕਿ ਇਸ ਪ੍ਰੋਜੈਕਟ ਦਾ ਅਜੇ ਅਧਿਕਾਰਤ ਐਲਾਨ ਹੋਣਾ ਅਜੇ ਬਾਕੀ ਹੈ ਪਰ ਖ਼ਬਰਾਂ ਮੁਤਾਬਕ ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਮਾਰਚ ਜਾਂ ਅਪ੍ਰੈਲ ‘ਚ ਸ਼ੁਰੂ ਹੋਵੇਗੀ। ਅਤੇ ਫਿਲਮ ਵੀ 2023 ਦੇ ਅੰਤ ਤੱਕ ਰਿਲੀਜ਼ ਹੋਵੇਗੀ। ਨਾਲ ਹੀ ਦੱਸ ਦਈਏ ਕਿ ਖੇਲ ਖੇਲ ਮੇਂ ਇੱਕ ਪੁਰਾਣੀ ਹਿੰਦੀ ਫਿਲਮ ਹੈ ਜਿਸ ਵਿੱਚ ਨੀਤੂ ਕਪੂਰ, ਰਿਸ਼ੀ ਕਪੂਰ, ਅਤੇ ਰਾਕੇਸ਼ ਰੋਸ਼ਨ ਨੇ ਅਹਿਮ ਰੋਲ ਪਲੇਅ ਕੀਤੇ ਸੀ।
ਹੁਣ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਅਕਸ਼ੈ ਕੁਮਾਰ ਅਤੇ ਐਮੀ ਵਿਰਕ ਦੀ ‘ਖੇਲ ਖੇਲ ਮੇਂ’ ਪਿਛਲੀ ਫਿਲਮ ਦਾ ਰੀਮੇਕ ਹੈ ਜਾਂ ਇਨ੍ਹਾਂ ਮੈਗਾਸਟਾਰਾਂ ਲਈ ਕੋਈ ਨਵੀਂ ਕਹਾਣੀ ਬਣਾਈ ਗਈ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
