Honey Singh Return: ਹਨੀ ਸਿੰਘ ਜਲਦ ਹੀ ਵਾਪਸੀ ਕਰਨ ਲਈ ਤਿਆਰ ਹਨ। ਹਨੀ 3.0 ਵਰਜ਼ਨ ਦਾ ਐਲਾਨ ਕਰਦੇ ਹੋਏ ਸਿੰਗਰ ਨੇ ਦੱਸਿਆ ਕਿ ਇਹ ਉਨ੍ਹਾਂ ਲੋਕਾਂ ਲਈ ਢੁਕਵਾਂ ਜਵਾਬ ਹੈ ਜੋ ਸੋਚਦੇ ਸੀ ਕਿ ਹਨੀ ਸਿੰਘ ਦਾ ਕਰੀਅਰ ਹੁਣ ਖ਼ਤਮ ਹੋ ਗਿਆ।
Yo Yo Honey Singh New Album: ਪਿਛਲੇ ਲੰਬੇ ਸਮੇਂ ਤੋਂ ਹਨੀ ਸਿੰਘ ਦੇ ਗਾਣੇ ਸੁਣਨ ਨੂੰ ਨਹੀਂ ਮਿਲੇ। ਇਸ ਲਈ ਹੁਣ ਕਿਹਾ ਜਾ ਰਿਹਾ ਸੀ ਕਿ ਹਨੀ ਸਿੰਘ ਦਾ ਕਰੀਅਰ ਖ਼ਤਮ ਹੋਣ ਜਾ ਰਿਹਾ ਹੈ ਪਰ ਉਨ੍ਹਾਂ ਲੋਕਾਂ ਨੂੰ ਮੂੰਹ ਤੋੜ ਜਵਾਬ ਦੇਣ ਲਈ ਹਨੀ ਫਿਰ ਤੋਂ ਪੂਰੇ ਸਵੈਗ ਨਾਲ ਵਾਪਸ ਆ ਗਏ ਹਨ। ਪੰਜਾਬੀ ਗਾਇਕ ਨੇ ਹਨੀ 3.0 ਦਾ ਐਲਾਨ ਕਰਕੇ ਆਪਣੇ ਫੈਨਸ ਨੂੰ ਵੱਡਾ ਸਰਪ੍ਰਾਈਜ਼ ਦਿੱਤਾ ਹੈ। ਜਲਦੀ ਹੀ ਇਸ ਐਲਬਮ ਦੇ ਗਾਣੇ ਵੀ ਰਿਲੀਜ਼ ਕੀਤੇ ਜਾਣਗੇ। ਪਰ ਇਸ ਐਲਾਨ ਤੋਂ ਬਾਅਦ ਹਨੀ ਸਿੰਘ ਦੇ ਫੈਨਸ ‘ਚ ਉਤਸੁਕਤਾ ਕਾਫੀ ਵੱਧ ਗਈ ਹੈ।
ਕਿਵੇਂ ਹੋਵੇਗਾ ਹਨੀ ਸਿੰਘ ਦਾ ਨਵਾਂ ਗੀਤ?
ਹਨੀ ਸਿੰਘ ਨੂੰ ਅੱਜ ਦੀ ਤਰੀਕ ਵਿੱਚ ਕਿਸੇ ਜਾਣ-ਪਛਾਣ ਦੀ ਲੋੜ ਨਹੀਂ ਹੈ। ਹਨੀ ਸਿੰਘ ਦੀ ਆਵਾਜ਼ ਉਨ੍ਹਾਂ ਦੀ ਪਛਾਣ ਬਣ ਗਈ ਹੈ। ਰੈਪ ਦੀ ਦੁਨੀਆ ਦੇ ਬਾਦਸ਼ਾਹ ਹਨੀ ਸਿੰਘ ਹੁਣ ਇੱਕ ਨਵੇਂ ਗੀਤ ਨਾਲ ਨਜ਼ਰ ਆਉਣ ਵਾਲੇ ਹਨ। ਰੈਪਰ ਦੇ ਨਵੇਂ ਸੌਂਗ ਦੀ ਇੱਕ ਛੋਟੀ ਜਿਹੀ ਝਲਕ Epic Stardom ਨਾਂਅ ਦੇ ਯੂਟਿਊਬ ਚੈਨਲ ‘ਤੇ ਸ਼ੇਅਰ ਕੀਤੀ ਗਈ। ਦੱਸ ਦਈਏ ਕਿ ਹਨੀ ਸਿੰਘ ਦੀ ਨਵੀਂ ਐਲਬਮ ਦਾ ਨਾਂ ਹਨੀ 3.0 ਹੈ।
ਵੇਖੋ ਹਨੀ ਸਿੰਘ ਦੇ ਗਾਣੇ ਦੀ ਪਹਿਲੀ ਝਲਕ
ਅਕਸਰ ਹੀ ਆਪਣੇ ਗੀਤਾਂ ਨਾਲ ਲੋਕਾਂ ਦੇ ਦਿਲਾਂ ‘ਤੇ ਛਾਏ ਰਹਿਣ ਵਾਲੇ ਹਨੀ ਸਿੰਘ ਪਿਛਲੇ ਕੁਝ ਮਹੀਨਿਆਂ ਤੋਂ ਆਪਣੇ ਟੁੱਟੇ ਵਿਆਹੁਤਾ ਰਿਸ਼ਤੇ ਨੂੰ ਲੈ ਕੇ ਚਰਚਾ ‘ਚ ਰਹੇ। ਉਨ੍ਹਾਂ ਦਾ ਆਪਣੀ ਪਤਨੀ ਸ਼ਾਲਿਨੀ ਨਾਲ ਝਗੜੇ ਕਾਰਨ ਦੋਵਾਂ ਨੇ ਵੱਖ ਹੋਣ ਦਾ ਫੈਸਲਾ ਕੀਤਾ ਅਤੇ ਹੁਣ ਹਾਲ ਹੀ ਵਿੱਚ ਉਨ੍ਹਾਂ ਦੇ ਤਲਾਕ ‘ਤੇ ਵੀ ਮੋਹਰ ਲੱਗ ਗਈ ਹੈ। ਆਪਸੀ ਸਹਿਮਤੀ ਨਾਲ ਹਨੀ ਸਿੰਘ ਨੇ ਸ਼ਾਲਿਨੀ ਨੂੰ ਗੁਜਾਰੇ ਵਜੋਂ ਇੱਕ ਕਰੋੜ ਰੁਪਏ ਵੀ ਦਿੱਤੇ ਹਨ।
