ਸਮਾਰਟਫੋਨ ਬ੍ਰਾਂਡ Realme ਨੇ ਆਪਣਾ ਨਵਾਂ Realme GT Neo 5 SE ਲਾਂਚ ਕਰਨ ਦੀ ਤਿਆਰੀ ਕਰ ਲਈ ਹੈ। ਇਸ ਫੋਨ ਨੂੰ Realme GT Neo 5 ਦੇ ਲਾਈਟ ਵਰਜ਼ਨ ‘ਤੇ ਪੇਸ਼ ਕੀਤਾ ਜਾਵੇਗਾ। ਦੱਸ ਦੇਈਏ ਕਿ ਕੰਪਨੀ ਨੇ ਹਾਲ ਹੀ ਵਿੱਚ Realme GT Neo 5 ਨੂੰ ਘਰੇਲੂ ਬਾਜ਼ਾਰ ਵਿੱਚ ਪੇਸ਼ ਕੀਤਾ ਹੈ।
ਇਸ ਫੋਨ ਨੂੰ 240W ਫਾਸਟ ਚਾਰਜਿੰਗ ਸਪੋਰਟ ਨਾਲ ਪੇਸ਼ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਆਉਣ ਵਾਲੇ ਸਮਾਰਟਫੋਨ Realme GT Neo 5 SE ਦੇ ਲਾਂਚ ਹੋਣ ਤੋਂ ਪਹਿਲਾਂ ਫੀਚਰਸ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਲੀਕਸ ਦੇ ਅਨੁਸਾਰ, ਫੋਨ ਨੂੰ 144Hz ਰਿਫਰੈਸ਼ ਰੇਟ ਦੇ ਨਾਲ ਇੱਕ OLED ਡਿਸਪਲੇਅ ਨਾਲ ਪੇਸ਼ ਕੀਤਾ ਜਾਵੇਗਾ।
Realme GT Neo 5 SE ਦਾ ਸੰਭਾਵਿਤ ਸਪੈਸੀਫਿਕੇਸ਼ਨ
ਦੱਸ ਦੇਈਏ ਕਿ ਕੰਪਨੀ ਨੇ ਆਪਣੇ ਨਵੇਂ ਫੋਨ ਬਾਰੇ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਹੈ। ਫੋਨ ਦੀ ਜਾਣਕਾਰੀ ਲੀਕ ‘ਚ ਸਾਹਮਣੇ ਆਈ ਹੈ। ਲੀਕਸ ਦੇ ਮੁਤਾਬਕ, ਫੋਨ ‘ਚ 6.74-ਇੰਚ ਦੀ OLED ਡਿਸਪਲੇਅ ਦੇਖੀ ਜਾ ਸਕਦੀ ਹੈ, ਜੋ 144Hz ਰਿਫਰੈਸ਼ ਰੇਟ ਅਤੇ 1100 nits ਬ੍ਰਾਈਟਨੈੱਸ ਦੇ ਨਾਲ ਆਵੇਗੀ। ਫੋਨ ਦੀ ਪ੍ਰੋਸੈਸਿੰਗ ਦੀ ਗੱਲ ਕਰੀਏ ਤਾਂ ਇਸ ਨੂੰ Qualcomm Snapdragon 7+ Gen 1 ਪ੍ਰੋਸੈਸਰ ਨਾਲ ਲੈਸ ਕੀਤਾ ਜਾ ਸਕਦਾ ਹੈ।
Realme GT Neo 5 ਦੀ ਤਰ੍ਹਾਂ ਇਸ ਫੋਨ ‘ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਵੀ ਉਪਲੱਬਧ ਹੋਵੇਗਾ। ਫੋਨ ‘ਚ ਪ੍ਰਾਇਮਰੀ ਕੈਮਰਾ 64 ਮੈਗਾਪਿਕਸਲ, ਦੂਜਾ ਸੈਂਸਰ 8 ਮੈਗਾਪਿਕਸਲ ਦਾ ਅਲਟਰਾ ਵਾਈਡ ਅਤੇ ਤੀਜਾ ਸੈਂਸਰ 2 ਮੈਗਾਪਿਕਸਲ ਦਾ ਮੈਕਰੋ ਲੈਂਸ ਹੋ ਸਕਦਾ ਹੈ। ਸੈਲਫੀ ਅਤੇ ਵੀਡੀਓ ਕਾਲ ਲਈ ਫੋਨ ‘ਚ 16 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਜਾ ਸਕਦਾ ਹੈ।
ਫੋਨ ਦੀ ਬੈਟਰੀ ਲਾਈਫ ਦੀ ਗੱਲ ਕਰੀਏ ਤਾਂ ਫੋਨ ‘ਚ 5,500mAh ਦੀ ਬੈਟਰੀ ਪੈਕ ਕੀਤੀ ਜਾ ਸਕਦੀ ਹੈ, ਜਿਸ ਦੇ ਨਾਲ 100W ਫਾਸਟ ਚਾਰਜਿੰਗ ਦੇਖੀ ਜਾ ਸਕਦੀ ਹੈ। ਫੋਨ ‘ਚ ਹੋਰ ਕੁਨੈਕਟੀਵਿਟੀ ਦੀ ਗੱਲ ਕਰੀਏ ਤਾਂ ਇਸ ‘ਚ ਚਾਰਜਿੰਗ ਲਈ 5ਜੀ, ਵਾਈ-ਫਾਈ, ਬਲੂਟੁੱਥ ਅਤੇ USB ਟਾਈਪ-ਸੀ ਪੋਰਟ ਮਿਲੇਗਾ।
ਇਹ ਫੋਨ 10 ਮਿੰਟ ‘ਚ ਚਾਰਜ ਹੋ ਜਾਂਦਾ ਹੈ
Realme ਨੇ ਹਾਲ ਹੀ ਵਿੱਚ Realme GT Neo 5 ਨੂੰ ਵੀ ਲਾਂਚ ਕੀਤਾ ਹੈ। ਇਹ ਫੋਨ ਫਲੈਗਸ਼ਿਪ Snapdragon 8+ Gen 1 ਪ੍ਰੋਸੈਸਰ ਅਤੇ 240W ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ ਆਉਂਦਾ ਹੈ। ਇਸ ਦੀ ਚਾਰਜਿੰਗ ਦੇ ਬਾਰੇ ‘ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ 240W ਚਾਰਜਿੰਗ ਨਾਲ ਫੋਨ ਨੂੰ 80 ਸਕਿੰਟਾਂ ‘ਚ 0 ਤੋਂ 20 ਫੀਸਦੀ, 4 ਮਿੰਟ ‘ਚ 50 ਫੀਸਦੀ ਅਤੇ 10 ਮਿੰਟ ਤੋਂ ਵੀ ਘੱਟ ਸਮੇਂ ‘ਚ 100 ਫੀਸਦੀ ਤੱਕ ਚਾਰਜ ਕੀਤਾ ਜਾ ਸਕਦਾ ਹੈ।
ਫੋਨ ‘ਚ ਚਾਰਜਿੰਗ ਲਈ USB ਟਾਈਪ-ਸੀ ਪੋਰਟ ਉਪਲਬਧ ਹੈ। Realme GT Neo 5 ਨੂੰ 6.74-ਇੰਚ AMOLED ਡਿਸਪਲੇਅ ਨਾਲ ਪੇਸ਼ ਕੀਤਾ ਗਿਆ ਹੈ, ਜੋ ਕਿ 1.5K, 10-ਬਿਟ ਡਿਸਪਲੇਅ ਹੈ। ਫੋਨ ਦੀ ਸ਼ੁਰੂਆਤੀ ਕੀਮਤ 39,000 ਰੁਪਏ ਹੈ।
