ਕੀ ਤੁਸੀਂ ਆਪਣੀ ਨੌਕਰੀ ਤੋਂ ਖੁਸ਼ ਹੋ? ਇਸ ਸਵਾਲ ਦਾ ਜ਼ਿਆਦਾਤਰ ਲੋਕਾਂ ਦਾ ਜਵਾਬ ਨਾਂਹ ‘ਚ ਹੀ ਹੋਵੇਗਾ। ਅਸਲ ‘ਚ ਲੋਕ ਕੰਮ ਕਰਨ ਦੀ ਬਜਾਏ ਆਰਾਮ ਕਰਕੇ ਪੈਸੇ ਕਮਾਉਣ ਨੂੰ ਤਰਜ਼ੀਹ ਦਿੰਦੇ ਹਨ। ਜਾਂ ਨੌਕਰੀ ਅਜਿਹੀ ਹੋਣੀ ਚਾਹੀਦੀ ਹੈ, ਜਿਸ ‘ਚ ਤੁਹਾਨੂੰ ਮਿਹਨਤ ਘੱਟ ਅਤੇ ਪੈਸਾ ਵੱਧ ਮਿਲੇ। ਜੇ ਕਰ ਅਸੀਂ ਕਹੀਏ ਤੁਹਾਨੂੰ ਚਾਕਲੇਟ, ਟੌਫੀ ਜਾਂ ਸੋਨ ਵਰਗੀਆਂ ਚੀਜ਼ਾਂ ਦੇ ਬਦਲੇ ਮੋਟੀ ਰਕਮ ਮਿਲੇਗੀ। ਤੁਸੀਂ ਮਹਿਸੂਸ ਕਰੋਗੇ ਕਿ ਅਜਿਹੀ ਨੌਕਰੀ ਸਿਰਫ਼ ਸੁਪਨੇ ‘ਚ ਹੀ ਮਿਲ ਸਕਦੀ ਹੈ ਪਰ ਇਹ ਅਸਲੀਅਤ ਹੈ। ਅਸਲ ਦੁਨੀਆ ਵਿੱਚ ਵੀ ਕੁਝ ਅਜੀਬ ਨੌਕਰੀਆਂ ਹਨ ਜਿਸ ਦਾ ਲੋਕਾਂ ਨੂੰ ਭੁਗਤਾਨ ਕੀਤਾ ਜਾਂਦਾ ਹੈ। ਲੋਕਾਂ ਨੂੰ ਘੁੰਮਣ-ਫਿਰਨ ਅਤੇ ਹੱਸਣ-ਰੋਣ ਆਦਿ ਲਈ ਪੈਸੇ ਦਿੱਤੇ ਜਾਂਦੇ ਹਨ। ਅਸੀਂ ਤੁਹਾਨੂੰ 5 ਅਜਿਹੀਆਂ ਨੌਕਰੀਆਂ ਬਾਰੇ ਦੱਸਣ ਜਾ ਰਹੇ ਹਾਂ , ਜੋ ਸੁਣਨ ‘ਚ ਬਹੁਤ ਹੀ ਅਜੀਬ ਲੱਗਦੀਆਂ ਹਨ ਪਰ ਇਨ੍ਹਾਂ ਕੰਮਾਂ ਲਈ ਲੋਕਾਂ ਨੂੰ ਪੈਸੇ ਦਿੱਤੇ ਜਾਂਦੇ ਹਨ।
ਵਾਟਰ ਪਾਰਕਾਂ ‘ਚ ਸਲਾਈਡਾਂ ਨੂੰ ਟੈਸਟ ਕਰਨ ਦੀ ਜੌਬ
ਵਾਟਰ ਪਾਰਕਾਂ ‘ਚ ਸਲਾਈਡਾਂ ‘ਤੇ ਝੂੱਟੇ ਲੈਣ ਲਈ ਲੋਕ ਮਹਿੰਗੀਆਂ ਟਿਕਟਾਂ ਖਰੀਦਦੇ ਹਨ ਪਰ ਉਸੇ ਸਲਾਈਡ ਨੂੰ ਟੈਸਟ ਕਰਨ ਦੀ ਨੌਕਰੀ ਵੀ ਹੁੰਦੀ ਹੈ। ਤੁਸੀਂ ਇਸ ਜੌਬ ਨੂੰ ਜ਼ਰੂਰ ਕਰਨਾ ਚਾਹੋਗੇ। ਇਸ ‘ਚ ਸਲਾਈਡਾਂ ਨੂੰ ਕਈ ਵਾਰ ਟੈਸਟ ਕੀਤਾ ਜਾਂਦਾ ਹੈ ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਸਲਾਈਡ ਕਿੰਨੀ ਸੁਰੱਖਿਅਤ ਹੈ?
ਗੱਦੇ ‘ਤੇ ਸੌਣ ਦੀ ਜੌਬ
ਤੁਹਾਨੂੰ ਇਹ ਪੜ੍ਹ ਕੇ ਹੈਰਾਨੀ ਹੋਵੇਗੀ ਕਿ ਗੱਦੇ ‘ਤੇ ਸੌਣ ਵਾਲੀ ਵੀ ਕੋਈ ਜੌਬ ਹੋ ਸਕਦੀ ਹੈ। ਹਾਂ ਅਜਿਹੀ ਜੌਬ ਵੀ ਹੁੰਦੀ ਹੈ ਇਸ ‘ਚ ਦਿਨ ਭਰ ਗੱਦੇ ‘ਤੇ ਸੌਣ ਦੇ ਬਦਲੇ ਬਹੁਤ ਸਾਰਾ ਪੈਸਾ ਦਿੱਤਾ ਜਾਂਦਾ ਹੈ। ਇਸ ਨੌਕਰੀ ‘ਚ ਤੁਹਾਨੂੰ ਗੱਦੇ ਅਤੇ ਸਿਰਹਾਣੇ ਦੀ ਜਾਂਚ ਕਰਨ ਦਾ ਕੰਮ ਦਿੱਤਾ ਜਾਂਦਾ ਹੈ। ਇਹ ਜਾਂਚ ਗੱਦਿਆਂ ਤੇ ਸਿਰਹਾਣਿਆਂ ‘ਤੇ ਸੌ ਕੇ ਕੀਤੀ ਜਾਂਦੀ ਹੈ। ਤੁਹਾਨੂੰ ਬਸ ਇਸ ‘ਤੇ ਚੰਗੀ ਨੀਂਦ ਲੈਣੀ ਹੰਦੀ ਹੈ ਤੇ ਕੰਪਨੀ ਨੂੰ ਉਸ ਗੱਦੇ ਬਾਰੇ ਆਪਣਾ ਰਿਵਿਊ ਦੇਣਾ ਹੁੰਦਾ ਹੈ।
ਚਾਕਲੇਟਾਂ ਨੂੰ ਡਿਜ਼ਾਈਨ ਤੇ ਟੇਸਟ ਕਰਨ ਦੀ ਜੌਬ
ਚਾਕਲੇਟ ਨਾਲ ਸਬੰਧਤ 2 ਨੌਕਰੀਆਂ ਹਨ। ਇਨ੍ਹਾਂ ਵਿੱਚੋਂ ਸਭ ਤੋਂ ਪਹਿਲੀ ਨੌਕਰੀ ਚਾਕਲੇਟ ਦਾ ਸੁਆਦ ਟੇਸਟ ਕਰਨਾ ਹੈ। ਇਹ ਜੌਬ ਕਾਫ਼ੀ ਮਜ਼ੇਦਾਰ ਹੋਣ ਦੇ ਨਾਲ-ਨਾਲ ਥੋੜਾ ਅਜੀਬੋ-ਗਰੀਬ ਵੀ ਹੈ। ਚਾਕਲੇਟ ਨਾਲ ਜੁੜੀ ਦੂਜੀ ਜੌਬ ਇਸ ਦਾ ਡਿਜ਼ਾਈਨ ਤਿਆਰ ਕਰਨਾ ਹੈ।
ਕੁਰਸੀ ‘ਤੇ ਬੈਠਣ ਦੀ ਜੌਬ
ਕੁਰਸੀ ‘ਤੇ ਬੈਠਣਾ ਵੀ ਇਕ ਕੰਮ ਹੈ। ਅਸਲ ‘ਚ ਇਹ ਕੰਮ ਫਰਨੀਚਰ ਦੀ ਜਾਂਚ ਕਰਨਾ ਹੈ। ਤੁਹਾਨੂੰ ਇਹ ਟੈਸਟ ਕਰਨਾ ਹੋਵੇਗਾ ਕਿ ਫਰਨੀਚਰ ਕਿੰਨਾ ਆਰਾਮਦਾਇਕ ਤੇ ਮਜ਼ਬੂਤ ਹੈ। ਤੁਹਾਨੂੰ ਸਿਰਫ਼ ਕੁਰਸੀ ‘ਤੇ ਬੈਠਣਾ ਹੈ ਅਤੇ ਸੌਣਾ ਹੈ। ਇਸ ਕੰਮ ‘ਚ ਇਸੇ ਤਰ੍ਹਾਂ ਫਰਨੀਚਰ ਦੀ ਜਾਂਚ ਕੀਤੀ ਜਾਂਦੀ ਹੈ।
ਡੌਗ ਸਰਫਿੰਗ ਇੰਸਟ੍ਰਕਟਰ ਦੀ ਜੌਬ
ਕੁਝ ਕੰਪਨੀਆਂ ਘੁੰਮਣ-ਫਿਰਨ ਦੀ ਨੌਕਰੀ ਵੀ ਆਫਰ ਕਰਦੀਆਂ ਹਨ। ਉਨ੍ਹਾਂ ਦਾ ਮਕਸਦ ਵੱਖ-ਵੱਖ ਹੁੰਦਾ ਹੈ। ਉੱਥੇ ਹੀ ਕੁਝ ਲੋਕ ਜਾਨਵਰਾਂ ਨੂੰ ਟ੍ਰੇਨਿੰਗ ਦੇਣ ਦੀ ਜੌਬ ਵੀ ਆਫ਼ਰ ਕਰਦੇ ਹਨ। ਇਨ੍ਹਾਂ ਵਿੱਚੋਂ ਇੱਕ ਨੌਕਰੀ ਹੈ ਡੌਗ ਸਰਫਿੰਡ ਇੰਸਟ੍ਰਕਟਰ। ਇਸ ‘ਚ ਕੁੱਤਿਆਂ ਨੂੰ ਸਰਫਿੰਗ ਦੀ ਸਿਖਲਾਈ ਦਿੱਤੀ ਜਾਂਦੀ ਹੈ। ਇਸ ਕੰਮ ‘ਚ ਵੀ ਲੋਕਾਂ ਨੂੰ ਪੱਕੀ ਤਨਖਾਹ ਦਿੱਤੀ ਜਾਂਦੀ ਹੈ। ਉਂਜ ਵੀ ਇਸ ਸਮੇਂ ਡੌਗ ਸਰਫਿੰਗ ਇੰਸਟ੍ਰਕਟਰ ਦੀ ਕਾਫੀ ਮੰਗ ਹੈ।
