Cristiano Ronaldo Viral Video: ਫੁੱਟਬਾਲ ਦੇ ਮਹਾਨ ਖਿਡਾਰੀ ਰੋਨਾਲਡੋ ਨੇ ਫੀਫਾ ਵਿਸ਼ਵ ਕੱਪ ਤੋਂ ਬਾਅਦ ਇੱਕ ਵਾਰ ਫਿਰ ਆਪਣੀ ਕਾਬਲੀਅਤ ਦਿਖਾਈ। ਵੀਰਵਾਰ ਨੂੰ ਕ੍ਰਿਸਟੀਆਨੋ ਰੋਨਾਲਡੋ ਨੇ ਅਲ ਨਾਸਰ ਨਾਲ ਇਕਰਾਰਨਾਮੇ ‘ਤੇ ਦਸਤਖਤ ਕਰਨ ਤੋਂ ਬਾਅਦ ਸਾਊਦੀ ਅਰਬ ਵਿਚ ਆਪਣਾ ਪਹਿਲਾ ਮੈਚ ਖੇਡਿਆ।
ਰਿਆਦ ਵਿੱਚ ਫਰਾਂਸ ਦੀ ਚੈਂਪੀਅਨ ਪੀਐਸਜੀ ਤੇ ਸਾਊਦੀ ਆਲ ਸਟਾਰ ਇਲੈਵਨ ਵਿਚਾਲੇ ਖੇਡੇ ਗਏ ਇਸ ਦੋਸਤਾਨਾ ਮੈਚ ਵਿੱਚ ਦੋਵਾਂ ਟੀਮਾਂ ਵਿਚਾਲੇ ਸਖ਼ਤ ਮੁਕਾਬਲਾ ਦੇਖਣ ਨੂੰ ਮਿਲਿਆ। ਇਸ ਮੈਚ ‘ਚ ਆਲ ਸਟਾਰ ਇਲੈਵਨ ਵਲੋਂ ਖੇਡ ਰਹੇ ਰੋਨਾਲਡੋ ਦਾ ਸਾਹਮਣਾ ਮੇਸੀ ਦੀ ਟੀਮ ਨਾਲ ਹੋਇਆ। ਇਸ ਦੌਰਾਨ ਰੋਨਾਲਡੋ ਨੇ ਇੱਕ ਵਾਰ ਫਿਰ ਆਪਣੇ ਤੂਫਾਨੀ ਗੋਲ ਨਾਲ ਮਹਿਫਲ ਨੂੰ ਲੁੱਟ ਲਿਆ।
#Messi 1-2 #Ronaldo@Cristiano rifles home the equaliser for the 2nd time in #PSGRiyadhSeasonTeam ✌️
Find out if #CR7 can score a hat-trick, LIVE on #JioCinema 👉 https://t.co/jsURp9FKSt 📲#MessivsRonaldo #MessivsCR7 pic.twitter.com/9E5fmvgc1w
— JioCinema (@JioCinema) January 19, 2023
ਰੋਨਾਲਡੋ ਨੇ 50ਵੇਂ ਮਿੰਟ ‘ਚ ਕੀਤਾ ਸ਼ਾਨਦਾਰ ਗੋਲ
ਰੋਨਾਲਡੋ ਨੇ 50ਵੇਂ ਮਿੰਟ ‘ਚ ਅਜਿਹਾ ਗੋਲ ਕੀਤਾ ਕਿ ਦੁਨੀਆ ਹੈਰਾਨ ਰਹਿ ਗਈ। ਜਿਵੇਂ ਹੀ ਗੇਂਦ ਅਲ ਨਾਸਰ ਦੇ ਖਿਡਾਰੀ ਨੂੰ ਅਸੀਸਟ ਹੋਈ, ਉਸ ਨੇ ਹੈੱਡ ਗੋਲ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਖੁੰਝ ਗਿਆ ਤੇ ਗੇਂਦ ਗੋਲਪੋਸਟ ਦੇ ਖੰਭੇ ਨਾਲ ਟਕਰਾ ਕੇ ਬਾਹਰ ਆ ਗਈ। ਵਿਰੋਧੀ ਖਿਡਾਰੀ ਨੇ ਫਿਰ ਇਸ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਰੋਨਾਲਡੋ ਨੇ ਗੇਂਦ ਵੱਲ ਤੇਜ਼ ਦੌੜ ਲਗਾਈ ਤੇ ਖੱਬੇ ਪੈਰ ਨਾਲ ਇੱਕ ਧਮਾਕੇਦਾਰ ਗੋਲ ਕੀਤਾ ਜਿਸ ਨੂੰ ਗੋਲਕੀਪਰ ਸ਼ਾਨਦਾਰ ਡਾਈਵ ਦੇ ਬਾਵਜੂਦ ਬਚਾਉਣ ਵਿਚ ਅਸਫਲ ਰਿਹਾ। ਇਸ ਤਰ੍ਹਾਂ ਰੋਨਾਲਡੋ ਨੇ 50ਵੇਂ ਮਿੰਟ ‘ਚ ਆਪਣੀ ਟੀਮ ਲਈ ਦੂਜਾ ਗੋਲ ਕਰਕੇ ਸਕੋਰ 2-2 ਕਰ ਦਿੱਤਾ। ਰੋਨਾਲਡੋ ਦੇ ਇਸ ਸ਼ਾਨਦਾਰ ਗੋਲ ਨੂੰ ਦੇਖ ਕੇ ਸਾਊਦੀ ਅਰਬ ਦਾ ਸਟੇਡੀਅਮ ਤਾੜੀਆਂ ਨਾਲ ਗੂੰਜ ਉੱਠਿਆ।
1700 ਕਰੋੜ ਤੋਂ ਵੱਧ ਦੀ ਡੀਲ ਹੋਈ
ਪੁਰਤਗਾਲ ਦੇ ਸਟਾਰ ਖਿਡਾਰੀ ਕ੍ਰਿਸਟੀਆਨੋ ਰੋਨਾਲਡੋ ਹਾਲ ਹੀ ‘ਚ ਸਾਊਦੀ ਅਰਬ ਦੇ ਕਲੱਬ ਅਲ ਨਾਸਰ ਨਾਲ ਜੁੜ ਗਏ ਹਨ। ਮਾਨਚੈਸਟਰ ਯੂਨਾਈਟਿਡ ਦੇ ਨਾਲ ਆਪਣੀ ਸਾਂਝ ਨੂੰ ਖਤਮ ਕਰਨ ਤੋਂ ਬਾਅਦ, ਅਨੁਭਵੀ ਖਿਡਾਰੀ ਨੇ ਵੱਡੇ ਸਾਊਦੀ ਕਲੱਬ ਨਾਲ ਸੌਦੇ ਨੂੰ ਅੰਤਿਮ ਰੂਪ ਦਿੱਤਾ। ਰਿਪੋਰਟਾਂ ਮੁਤਾਬਕ ਇਹ ਸੌਦਾ 1700 ਕਰੋੜ (200 ਮਿਲੀਅਨ ਯੂਰੋ) ਤੋਂ ਵੱਧ ਦਾ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
