ਵਿਜੇ ਹਜ਼ਾਰੇ ਟਰਾਫੀ ‘ਚ ਮਹਾਰਾਸ਼ਟਰ ਅਤੇ ਉੱਤਰ ਪ੍ਰਦੇਸ਼ ਵਿਚਾਲੇ ਮੈਚ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ‘ਚ ਮਹਾਰਾਸ਼ਟਰ ਦੇ ਬੱਲੇਬਾਜ਼ ਰਿਤੂਰਾਜ ਗਾਇਕਵਾੜ ਨੇ ਇਕ ਓਵਰ ‘ਚ 7 ਛੱਕੇ ਲਗਾ ਕੇ ਇਤਿਹਾਸ ਰਚ ਦਿੱਤਾ। ਰਿਤੁਰਾਜ ਗਾਇਕਵਾੜ ਨੇ ਇਹ ਕਾਰਨਾਮਾ ਮੈਚ ਦੇ 49ਵੇਂ ਓਵਰ ਵਿੱਚ ਕੀਤਾ। ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇੱਕ ਓਵਰ ਵਿੱਚ ਸਿਰਫ਼ ਛੇ ਗੇਂਦਾਂ ਹੁੰਦੀਆਂ ਹਨ ਤਾਂ ਰਿਤੂਰਾਜ ਗਾਇਕਵਾੜ ਨੇ ਸੱਤ ਛੱਕੇ ਕਿਵੇਂ ਲਗਾਏ। ਆਓ ਦੱਸਦੇ ਹਾਂ ਕੀ ਹੈ ਪੂਰਾ ਮਾਮਲਾ।
ਦਰਅਸਲ, ਮਹਾਰਾਸ਼ਟਰ ਅਤੇ ਉੱਤਰ ਪ੍ਰਦੇਸ਼ ਵਿਚਾਲੇ ਖੇਡੇ ਜਾ ਰਹੇ ਮੈਚ ‘ਚ ਉੱਤਰ ਪ੍ਰਦੇਸ਼ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲੀ ਪਾਰੀ ਦਾ 49ਵਾਂ ਓਵਰ ਕਰਨ ਲਈ ਉੱਤਰ ਪ੍ਰਦੇਸ਼ ਤੋਂ ਸ਼ਿਵਾ ਸਿੰਘ ਆਏ। ਰਿਤੁਰਾਜ ਨੇ ਓਵਰ ਦੀਆਂ ਪਹਿਲੀਆਂ 4 ਗੇਂਦਾਂ ‘ਤੇ 4 ਛੱਕੇ ਜੜੇ। ਸ਼ਿਵਾ ਸਿੰਘ ਨੇ ਓਵਰ ਦੀ ਪੰਜਵੀਂ ਗੇਂਦ ਨੂੰ ਨੋ-ਬਾਲ ਵਜੋਂ ਸੁੱਟਿਆ ਅਤੇ ਰਿਤੂਰਾਜ ਨੇ ਉਸ ਗੇਂਦ ‘ਤੇ ਛੱਕਾ ਵੀ ਲਗਾਇਆ। ਓਵਰ ਵਿੱਚ 4 ਗੇਂਦਾਂ ਵਿੱਚ ਪੰਜ ਛੱਕੇ ਜੜੇ। ਰਿਤੂਰਾਜ ਨੇ ਬਾਕੀ ਦੋ ਗੇਂਦਾਂ ‘ਤੇ ਵੀ ਛੱਕਾ ਲਗਾ ਕੇ ਇਤਿਹਾਸ ਰਚ ਦਿੱਤਾ। ਉਸ ਨੇ ਓਵਰ ਵਿੱਚ ਕੁੱਲ 43 ਦੌੜਾਂ ਬਣਾਈਆਂ। ਰਿਤੂਰਾਜ ਗਾਇਕਵਾੜ ਨੇ ਮੈਚ ‘ਚ 159 ਗੇਂਦਾਂ ‘ਚ 220 ਦੌੜਾਂ ਬਣਾਈਆਂ, ਜਿਸ ‘ਚ ਉਨ੍ਹਾਂ ਨੇ 10 ਚੌਕੇ ਅਤੇ 16 ਛੱਕੇ ਲਗਾਏ। ਖ਼ਬਰ ਬਣਨ ਤੱਕ ਮੈਚ ਦੀ ਪਹਿਲੀ ਪਾਰੀ ਹੀ ਖ਼ਤਮ ਹੋਈ ਹੈ। ਮਹਾਰਾਸ਼ਟਰ ਦੀ ਟੀਮ ਨੇ 50 ਓਵਰਾਂ ‘ਚ 5 ਵਿਕਟਾਂ ਦੇ ਨੁਕਸਾਨ ‘ਤੇ 330 ਦੌੜਾਂ ਬਣਾਈਆਂ ਹਨ। ਉੱਤਰ ਪ੍ਰਦੇਸ਼ ਦੀ ਟੀਮ ਹੁਣ ਬੱਲੇਬਾਜ਼ੀ ਕਰ ਰਹੀ ਹੈ।
Must Watch – Ruturaj Gaikwad's record-breaking
-run over that has got everyone talking
#MAHvUP | #VijayHazareTrophy | #QF2 | @mastercardindia
Sit back and relive his magnificent striking display
https://t.co/1SoeAdY6QG
— BCCI Domestic (@BCCIdomestic) November 28, 2022
ਇਸ ਮੈਚ ਤੋਂ ਬਾਅਦ ਰਿਤੁਰਾਜ ਗਾਇਕਵਾੜ ਨੇ ਲਿਸਟ ਏ ਕ੍ਰਿਕਟ ‘ਚ ਰੋਹਿਤ ਸ਼ਰਮਾ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ। ਸਾਲ 2013 ‘ਚ ਰੋਹਿਤ ਸ਼ਰਮਾ ਨੇ ਆਸਟ੍ਰੇਲੀਆ ਖਿਲਾਫ 16 ਛੱਕੇ ਲਗਾ ਕੇ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਦਾ ਰਿਕਾਰਡ ਬਣਾਇਆ ਸੀ। ਇਸ ਰਿਕਾਰਡ ਨੂੰ ਬਾਅਦ ਵਿੱਚ ਇਓਨ ਮੋਰਗਨ ਨੇ 17 ਛੱਕਿਆਂ ਨਾਲ ਤੋੜਿਆ। ਪਰ ਅੱਜ ਰਿਤੂਰਾਜ ਗਾਇਕਵਾੜ ਨੇ 16 ਛੱਕੇ ਲਗਾ ਕੇ ਇਸ ਰਿਕਾਰਡ ਦੀ ਬਰਾਬਰੀ ਕਰ ਲਈ। ਇਸ ਮੈਚ ਵਿੱਚ ਰਿਤੂਰਾਜ ਗਾਇਕਵਾੜ ਨੇ ਇੱਕ ਓਵਰ ਵਿੱਚ 43 ਦੌੜਾਂ ਬਣਾਈਆਂ। ਉਹ ਲਿਸਟ ਏ ਕ੍ਰਿਕਟ ‘ਚ ਅਜਿਹਾ ਕਾਰਨਾਮਾ ਕਰਨ ਵਾਲਾ ਦੁਨੀਆ ਦਾ ਇਕਲੌਤਾ ਖਿਡਾਰੀ ਬਣ ਗਿਆ ਹੈ। ਅਜਿਹਾ ਕਰਕੇ ਉਸ ਨੇ ਇਹ ਵਿਸ਼ਵ ਰਿਕਾਰਡ ਆਪਣੇ ਨਾਂ ਕਰ ਲਿਆ ਹੈ।
