Salman Khan Health Update: ਬਾਲੀਵੁੱਡ ਦੇ ਭਾਈਜਾਨ ਸਲਮਾਨ ਖ਼ਾਨ (Salman Khan) ਦੀ ਸਿਹਤ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਸਲਮਾਨ ਖ਼ਾਨ ਨੂੰ ਡੇਂਗੂ (dengue) ਹੋ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸਲਮਾਨ ਖ਼ਾਨ ਦੀ ਸਿਹਤ ਪਿਛਲੇ ਚਾਰ-ਪੰਜ ਦਿਨਾਂ ਤੋਂ ਖ਼ਰਾਬ ਚੱਲ ਰਹੀ ਹੈ। ਡੇਂਗੂ ਕਾਰਨ ਉਨ੍ਹਾਂ ਦੀ ਫਿਲਮ ਅਤੇ ਸ਼ੋਅ ਦੀ ਸਾਰੀ ਸ਼ੂਟਿੰਗ ਰੋਕ ਦਿੱਤੀ ਗਈ ਹੈ।
ਸਲਮਾਨ ਖ਼ਾਨ ਨੂੰ ਡੇਂਗੂ
ਸਲਮਾਨ ਖ਼ਾਨ ਨੂੰ ਡੇਂਗੂ ਹੋ ਗਿਆ ਹੈ, ਇਹ ਜਾਣ ਕੇ ਫੈਨਸ ਉਸ ਦੇ ਜਲਦੀ ਤੰਦਰੂਸਤ ਹੋਮ ਦੀ ਦੂਆਵਾਂ ਕਰ ਰਹੇ ਹਨ। ਖ਼ਬਰਾਂ ਮੁਤਾਬਕ ਸਲਮਾਨ ਖ਼ਾਨ ਪਿਛਲੇ ਦੋ ਹਫ਼ਤਿਆਂ ਤੋਂ ਫਿਲਮ ‘ਕਿਸ ਕਾ ਭਾਈ, ਕਿਸੀ ਕੀ ਜਾਨ’ ਦੀ ਸ਼ੂਟਿੰਗ ‘ਚ ਰੁੱਝੇ ਹੋਏ ਸੀ। ਇਸ ਦੌਰਾਨ ਉਸ ਨੂੰ ਡੇਂਗੂ ਹੋਣ ਦਾ ਪਤਾ ਲੱਗਾ। ਸਲਮਾਨ ਦੀ ਸਿਹਤ ਨੂੰ ਦੇਖਦੇ ਹੋਏ ਫਿਲਮ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ ਹੈ। ਇਹੀ ਕਾਰਨ ਹੈ ਕਿ ਸਲਮਾਨ ਖ਼ੀਨ ਵੀ ‘ਵੀਕੈਂਡ ਕਾ ਵਾਰ’ ਨੂੰ ਹੋਸਟ ਨਹੀਂ ਕਰਨਗੇ।
ਬਿੱਗ ਬੌਸ ਨੂੰ ਹੋਸਟ ਕਰਨਗੇ ਕਰਨ ਜੌਹਰ
ਟੀਵੀ ਦੇ ਸਭ ਤੋਂ ਵੱਡੇ ਰਿਐਲਿਟੀ ਸ਼ੋਅ ਬਿੱਗ ਬੌਸ ਦੀ ਪਛਾਣ ਸਲਮਾਨ ਖ਼ਾਨ ਨਾਲ ਹੈ। ਜੇਕਰ ਸਲਮਾਨ ਖ਼ਾਨ ਇਸ ਦੇ ਹੋਸਟ ਨਹੀਂ ਹਨ ਤਾਂ ਸ਼ਾਇਦ ਹੀ ਕੋਈ ਇਸ ਨੂੰ ਇੰਨੇ ਉਤਸ਼ਾਹ ਨਾਲ ਦੇਖਣਾ ਚਾਹੇਗਾ। ਪਰ ਤੁਹਾਨੂੰ ਆਉਣ ਵਾਲੇ ਵੀਕੈਂਡ ਦੀ ਜੰਗ ਸਲਮਾਨ ਖ਼ਾਨ ਤੋਂ ਬਿਨਾਂ ਹੀ ਇਸ ਸ਼ੋਅ ਦਾ ਵੀਕਐਂਡ ਕਾ ਵਾਰ ਵੇਖਣਾ ਪਵੇਗਾ। ਕਿਉਂਕਿ ਸਲਮਾਨ ਖ਼ਾਨ ਨੂੰ ਡੇਂਗੂ ਹੋ ਗਿਆ ਹੈ। ਇਸ ਲਈ ਕਰਨ ਜੌਹਰ ‘ਵੀਕੈਂਡ ਕਾ ਵਾਰ’ ਨੂੰ ਹੋਸਟ ਕਰਨ ਜਾ ਰਹੇ ਹਨ। ਸ਼ੋਅ ਦਾ ਪ੍ਰੋਮੋ ਵੀ ਆ ਗਿਆ ਹੈ ਜਿਸ ‘ਚ ਕਰਨ ਜੌਹਰ ਮੁਕਾਬਲੇਬਾਜ਼ਾਂ ਦੀ ਕਲਾਸ ਲੈਂਦੇ ਨਜ਼ਰ ਆ ਰਹੇ ਹਨ।
ਬਿੱਗ ਬੌਸ ਤੋਂ ਪਹਿਲਾਂ ਕਰਨ ਜੌਹਰ ਬਿੱਗ ਬੌਸ ਓਟੀਟੀ ਨੂੰ ਵੀ ਹੋਸਟ ਕਰ ਚੁੱਕੇ ਹਨ। ਕਰਨ ਜੌਹਰ ਨੇ ਆਪਣੇ ਹੀ ਅੰਦਾਜ਼ ਨਾਲ ਬਿੱਗ ਬੌਸ ਓਟੀਟੀ ਪਰ ਟੀਵੀ ਦਰਸ਼ਕਾਂ ਨੂੰ ਸਲਮਾਨ ਖ਼ਾਨ ਨੂੰ ਸ਼ੋਅ ਵਿੱਚ ਦੇਖਣ ਦੀ ਆਦਤ ਹੈ। ਅਜਿਹੇ ‘ਚ ਕਰਨ ਜੌਹਰ ਲਈ ਵੀਕੈਂਡ ਕਾ ਵਾਰ ਦੀ ਕਮਾਨ ਸੰਭਾਲਣਾ ਵੱਡੀ ਜ਼ਿੰਮੇਵਾਰੀ ਹੈ।
ਤਾਜ਼ਾ ਪ੍ਰੋਮੋ ਵਿੱਚ ਕਰਨ ਜੌਹਰ ਗੋਰੀ ਨਾਗੋਰੀ ਨੂੰ ਝਿੜਕਦੇ ਹੋਏ ਨਜ਼ਰ ਆ ਰਹੇ ਹਨ। ਪ੍ਰੋਮੋ ਨੂੰ ਦੇਖ ਕੇ ਲੱਗਦਾ ਹੈ ਕਿ ਉਹ ਪ੍ਰਸ਼ੰਸਕਾਂ ਨੂੰ ਸਲਮਾਨ ਖ਼ਾਨ ਦੀ ਕਮੀ ਮਹਿਸੂਸ ਨਹੀਂ ਹੋਣ ਦੇਣਗੇ।
