Sanjay Dutt Injured: ਸੰਜੇ ਦੱਤ ਦੇ ਫੈਨਸ ਲਈ ਬੁਰੀ ਖ਼ਬਰ ਹੈ। ਐਕਟਰ ਬੈਂਗਲੁਰੂ ਨੇੜੇ ਕੰਨੜ ਫਿਲਮ ‘KD – The Devil’ ਦੀ ਸ਼ੂਟਿੰਗ ਕਰ ਰਿਹਾ ਸੀ। ਇਸ ਸ਼ੂਟਿੰਗ ਦੌਰਾਨ ਬੰਬ ਧਮਾਕੇ ਦਾ ਸੀਨ ਸ਼ੂਟ ਕੀਤਾ ਜਾ ਰਿਹਾ ਸੀ, ਇਸ ਸੀਨ ਨੂੰ ਕਰਦੇ ਹੋਏ ਸੰਜੇ ਜ਼ਖ਼ਮੀ ਹੋ ਗਏ।
ਖ਼ਬਰਾਂ ਮੁਤਾਬਕ ਸੰਜੇ ਦੇ ਸਰੀਰ ਦੇ ਕਈ ਹਿੱਸਿਆਂ ‘ਤੇ ਗੰਭੀਰ ਸੱਟਾਂ ਲੱਗੀਆਂ, ਜਿਸ ਤੋਂ ਬਾਅਦ ਫਿਲਮ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ। ਸੰਜੇ ਦੱਤ ਦੇ ਜ਼ਖਮੀ ਹੋਣ ਦੀ ਖ਼ਬਰ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਜਿਵੇਂ ਹੀ ਐਕਟਰਸ ਦੇ ਫੈਨਸ ਨੂੰ ਇਹ ਖ਼ਬਰ ਮਿਲੀ, ਉਹ ਸੋਸ਼ਲ ਮੀਡੀਆ ‘ਤੇ ਉਸਦੀ ਸੁਰੱਖਿਆ ਤੇ ਜਲਦੀ ਸਿਹਤਯਾਬੀ ਲਈ ਪ੍ਰਾਰਥਨਾ ਕਰ ਰਹੇ ਹਨ।
ਸਰੀਰ ਦੇ ਇਨ੍ਹਾਂ ਹਿੱਸਿਆਂ ਵਿੱਚ ਲੱਗੀਆਂ ਸੱਟਾਂ
ਮੀਡੀਆ ਰਿਪੋਰਟਾਂ ਮੁਤਾਬਕ ਬੰਬ ਧਮਾਕੇ ਦੇ ਸੀਨ ਦੀ ਸ਼ੂਟਿੰਗ ਦੌਰਾਨ ਐਕਟਰ ਨੂੰ ਕੂਹਣੀ, ਹੱਥ ਅਤੇ ਚਿਹਰੇ ‘ਤੇ ਵੀ ਕਾਫੀ ਸੱਟਾਂ ਲੱਗੀਆਂ। ਦੱਸ ਦਈਏ ਕਿ ਉਹ ਡਾਕਟਰ ਰਵੀ ਵਰਮਾ ਦੀ ਫਿਲਮ ਲਈ ਇਸ ਧਮਾਕੇ ਦੇ ਸੀਨ ਦੀ ਸ਼ੂਟਿੰਗ ਕਰ ਰਹੇ ਸੀ।
View this post on Instagram
ਨੈਗਟਿਵ ਰੋਲ ਪਲੇਅ ਕਰ ਰਹੇ ਸੰਜੇ
ਖ਼ਬਰਾਂ ਮੁਤਾਬਕ ਸੰਜੇ ਦੱਤ ਫਿਲਮ ‘ਕੇਡੀ: ਦ ਡੇਵਿਲ’ ‘ਚ ਨੈਗੇਟਿਵ ਰੋਲ ‘ਚ ਹਨ। ਇਸ ਫਿਲਮ ‘ਚ ਐਕਸ਼ਨ ਹੀਰੋ ਧਰੁਵ ਸਰਜਾ ਵੀ ਹੈ। ਧਰੁਵ ਸਰਜਾ ਹਨ ਜਿਨ੍ਹਾਂ ਦੀ ਫਿਲਮ ਮਾਰਟਿਨ ਦਾ ਟੀਜ਼ਰ ਹਾਲ ਹੀ ‘ਚ ਰਿਲੀਜ਼ ਹੋਇਆ ਹੈ ਅਤੇ ਇਸ ਨੂੰ ਵੀ ਚੰਗਾ ਹੁੰਗਾਰਾ ਮਿਲਿਆ ਹੈ। ਇਸ ਤੋਂ ਪਹਿਲਾਂ ਸੰਜੇ ਦੱਤ ਕਈ ਫਿਲਮਾਂ ‘ਚ ਨੈਗੇਟਿਵ ਰੋਲ ਕਰ ਚੁੱਕੇ ਹਨ। ਜਿਸ ਵਿੱਚ ‘ਕੇਜੀਐਫ ਚੈਪਟਰ 1’ ਅਤੇ ‘ਕੇਜੀਐਫ ਚੈਪਟਰ 2’ ਤੋਂ ਇਲਾਵਾ ਫਿਲਮ ‘ਅਗਨੀਪਥ’ ਹੈ।
ਆਖਰੀ ਵਾਰ ਸ਼ਮਸ਼ੇਰਾ ਵਿੱਚ ਨਜ਼ਰ ਆਏ ਸੀ ਸੰਜੇ ਦੱਤ
ਸੰਜੇ ਦੱਤ ਆਖਰੀ ਵਾਰ ਰਣਬੀਰ ਕਪੂਰ ਨਾਲ ਫਿਲਮ ‘ਸ਼ਮਸ਼ੇਰਾ’ ‘ਚ ਨਜ਼ਰ ਆਏ ਸੀ। ਪ੍ਰਸ਼ੰਸਕਾਂ ਨੂੰ ਇਸ ਫਿਲਮ ਤੋਂ ਬਹੁਤ ਉਮੀਦਾਂ ਸਨ, ਪਰ ਜਿਵੇਂ ਹੀ ਇਹ ਫਿਲਮ ਰਿਲੀਜ਼ ਹੋਈ, ਇਹ ਬਾਕਸ ਆਫਿਸ ‘ਤੇ ਅਸਫਲ ਰਹੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
