Selena Gomez Instagram Followers: ਵਿਸ਼ਵ ਪ੍ਰਸਿੱਧ ਗਾਇਕਾ ਅਤੇ ਅਦਾਕਾਰਾ ਸੇਲੇਨਾ ਗੋਮੇਜ਼ ਨੇ ਇਤਿਹਾਸ ਰਚ ਦਿੱਤਾ ਹੈ। ਸੇਲੇਨਾ ਦੇ ਹੁਣ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ‘ਤੇ 400 ਮਿਲੀਅਨ ਫਾਲੋਅਰਜ਼ ਹਨ। ਇੰਸਟਾਗ੍ਰਾਮ ‘ਤੇ ਇੰਨੇ ਜ਼ਿਆਦਾ ਫਾਲੋਅਰਸ ਹਾਸਲ ਕਰਨ ਵਾਲੀ ਉਹ ਪਹਿਲੀ ਮਹਿਲਾ ਹੈ। ਇਸ ਤੋਂ ਪਹਿਲਾਂ ਕਾਇਲੀ ਜੇਨਰ ਇੰਸਟਾਗ੍ਰਾਮ ‘ਤੇ ਸਭ ਤੋਂ ਵੱਧ ਫਾਲੋ ਕੀਤੀ ਜਾਣ ਵਾਲੀ ਔਰਤ ਸੀ। ਕਾਇਲੀ ਜੇਨਰ ਦੇ ਇੰਸਟਾਗ੍ਰਾਮ ‘ਤੇ 382 ਮਿਲੀਅਨ ਫਾਲੋਅਰਜ਼ ਹਨ। ਇੰਸਟਾਗ੍ਰਾਮ ‘ਤੇ ਸਭ ਤੋਂ ਵੱਧ ਫਾਲੋ ਕੀਤੀ ਜਾਣ ਵਾਲੀ ਮਹਿਲਾ ਸੈਲੀਬ੍ਰਿਟੀ ਬਣਨ ਤੋਂ ਬਾਅਦ ਸੇਲੇਨਾ ਗੋਮੇਜ਼ ਨੇ ਸੋਸ਼ਲ ਮੀਡੀਆ ਤੋਂ ਬ੍ਰੇਕ ਲੈਣ ਦਾ ਐਲਾਨ ਕੀਤਾ ਹੈ।
ਸੇਲੇਨਾ ਰਿਲੇਸ਼ਨਸ਼ਿਪ ਨੂੰ ਲੈ ਕੇ ਸੁਰਖੀਆਂ ‘ਚ
ਸੇਲੇਨਾ ਗੋਮੇਜ਼ ਪਿਛਲੇ ਕੁਝ ਦਿਨਾਂ ਤੋਂ ‘ਦ ਚੇਨਸਮੋਕਰਸ’ ਸਟਾਰ ਡਰਿਊ ਟੈਗਗਾਰਟ ਨਾਲ ਆਪਣੇ ਰਿਸ਼ਤੇ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਦ ਮਿਰਰ ਨੇ ਆਪਣੀ ਇਕ ਰਿਪੋਰਟ ‘ਚ ਦੱਸਿਆ ਕਿ ਇਹ ਜੋੜਾ ਆਪਣੇ ਰਿਸ਼ਤੇ ਨੂੰ ਦਿਖਾਉਣ ਤੋਂ ਨਹੀਂ ਡਰਦਾ। ਸੇਲੇਨਾ ਗੋਮੇਜ਼ ਅਤੇ ਡਰੂ ਟੈਗਗਾਰਟ ਨੂੰ ਅਕਸਰ ਇਕੱਠੇ ਦੇਖਿਆ ਜਾਂਦਾ ਹੈ। ਦੋਵੇਂ ਡੇਟ ਨਾਈਟ ‘ਤੇ ਵੀ ਜਾਂਦੇ ਹਨ। ਇੱਕ ਸਰੋਤ ਨੇ mirror.co.uk ਨੂੰ ਦੱਸਿਆ ਕਿ ਜੋੜਾ ਆਪਣੇ ਰੋਮਾਂਸ ਦੇ ਸ਼ੁਰੂਆਤੀ ਪੜਾਅ ਵਿੱਚ ਹੈ।
ਸੇਲੇਨਾ ਗੋਮੇਜ਼ ਨੇ ਟ੍ਰੋਲਸ ਨੂੰ ਦਿੱਤਾ ਇਹ ਜਵਾਬ
ਕੁਝ ਸਮਾਂ ਪਹਿਲਾਂ ਗੋਲਡਨ ਗਲੋਬ ਐਵਾਰਡਜ਼ ਲਈ ਰੈੱਡ ਕਾਰਪੇਟ ‘ਤੇ ਨਜ਼ਰ ਆਉਣ ਤੋਂ ਬਾਅਦ ਸੇਲੇਨਾ ਨੂੰ ਉਸ ਦੇ ਮੋਟਾਪੇ ਨੂੰ ਲੈ ਕੇ ਕੁਝ ਲੋਕਾਂ ਨੇ ਟ੍ਰੋਲ ਕੀਤਾ ਸੀ। ਜਿਸ ਤੋਂ ਬਾਅਦ ਸਿੰਗਰ ਨੇ ਟ੍ਰੋਲਸ ਨੂੰ ਜਵਾਬ ਦਿੰਦੇ ਹੋਏ ਮੰਨਿਆ ਕਿ ਉਹ ਥੋੜੀ ਮੋਟੀ ਹੋ ਗਈ ਹੈ।
View this post on Instagram
ਬਾਲ ਅਦਾਕਾਰਾ ਦੇ ਤੌਰ ‘ਤੇ ਕਰੀਅਰ ਦੀ ਸ਼ੁਰੂਆਤ ਕੀਤੀ
ਦੱਸ ਦੇਈਏ ਕਿ ਸੇਲੇਨਾ ਗੋਮੇਜ਼ ਨੇ ਟੀਵੀ ਸੀਰੀਜ਼ ਵਿਜ਼ਾਰਡਸ ਆਫ ਵੇਵਰਲੀ ਪਲੇਸ ਵਿੱਚ ਬਾਲ ਕਲਾਕਾਰ ਦੇ ਰੂਪ ਵਿੱਚ ਕੰਮ ਕੀਤਾ ਸੀ। ਇਸ ਤੋਂ ਬਾਅਦ ਉਹ ਸੰਗੀਤ ਦੀ ਦੁਨੀਆ ‘ਚ ਆਈ ਅਤੇ ਸਫਲਤਾ ਹਾਸਲ ਕੀਤੀ। ਸੇਲੇਨਾ ਨੇ ‘ਕਮ ਐਂਡ ਗੇਟ ਇਟ’, ‘ਗੁੱਡ ਫਾਰ ਯੂ’ ਅਤੇ ‘ਲੂਜ਼ ਯੂ ਲਵ ਮੀ’ ਸਮੇਤ ਕਈ ਚਾਰਟ ਟਾਪ ਐਲਬਮਾਂ ਅਤੇ ਸਿੰਗਲਜ਼ ਰਿਲੀਜ਼ ਕੀਤੇ ਹਨ। ਅਦਾਕਾਰਾ ਅਤੇ ਗਾਇਕਾ ਤੋਂ ਇਲਾਵਾ ਸੇਲੇਨਾ ਇੱਕ ਨਿਰਮਾਤਾ ਵੀ ਹੈ। ਉਸ ਦਾ ਆਪਣਾ ਬਿਊਟੀ ਬ੍ਰਾਂਡ ਵੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
