Shashi Tharoor Injured: ਕਾਂਗਰਸ ਦੇ ਸੀਨੀਅਰ ਨੇਤਾ ਅਤੇ ਲੋਕ ਸਭਾ ਮੈਂਬਰ ਸ਼ਸ਼ੀ ਥਰੂਰ ਵੀਰਵਾਰ ਨੂੰ ਸੰਸਦ ਭਵਨ ਦੀਆਂ ਪੌੜੀਆਂ ‘ਤੇ ਠੋਕਰ ਖਾ ਕੇ ਡਿੱਗ ਗਏ। ਜਿਸ ਵਿੱਚ ਉਨ੍ਹਾਂ ਦੇ ਮਾਮੂਲੀ ਸੱਟਾਂ ਲੱਗੀਆਂ। ਉਨ੍ਹਾਂ ਨੇ ਦੱਸਿਆ ਕਿ ਸ਼ੁਰੂਆਤੀ ਤੌਰ ‘ਤੇ ਇਹ ਮਹਿਸੂਸ ਕੀਤਾ ਗਿਆ ਕਿ ਇਹ ਸੱਟ ਮਾਮੂਲੀ ਹੈ। ਸ਼ਾਇਦ ਆਪਣੇ ਆਪ ਠੀਕ ਹੋ ਜਾਵੇ। ਪਰ ਅਜਿਹਾ ਨਹੀਂ ਹੋਇਆ। ਜਿਸ ਤੋਂ ਬਾਅਦ ਉਹ ਹਸਪਤਾਲ ਗਏ, ਜਿੱਥੇ ਉਨ੍ਹਾਂ ਨੂੰ ਇਸ ਸੱਟ ਦੀ ਹਾਲਤ ਬਾਰੇ ਪਤਾ ਲੱਗਾ।
ਸ਼ਸ਼ੀ ਥਰੂਰ ਨੇ ਸ਼ੁੱਕਰਵਾਰ ਨੂੰ ਟਵੀਟ ਕਰਕੇ ਘਟਨਾ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, “ਥੋੜੀ ਜਿਹੀ ਬੇਚੈਨੀ। ਕੱਲ੍ਹ ਮੈਂ ਸੰਸਦ ਵਿੱਚ ਇੱਕ ਕਦਮ ਤੋਂ ਚੁੱਕ ਗਿਆ ਤੇ ਮੇਰੀ ਖੱਬੀ ਲੱਤ ਵਿੱਚ ਬੁਰੀ ਤਰ੍ਹਾਂ ਮੋਚ ਆ ਗਈ। ਕੁਝ ਘੰਟਿਆਂ ਤੱਕ ਇਸ ਨੂੰ ਨਜ਼ਰਅੰਦਾਜ਼ ਕਰਨ ਤੋਂ ਬਾਅਦ ਦਰਦ ਇੰਨਾ ਵਧ ਗਿਆ ਕਿ ਮੈਨੂੰ ਹਸਪਤਾਲ ਜਾਣਾ ਪਿਆ।”
A bit of an inconvenience: I badly sprained my left foot in missing a step in Parliament yesterday. After ignoring it for a few hours the pain had become so acute that I had to go to hospital. Am now immobilised w/a cast, missing Parliament today&cancelled wknd constituency plans pic.twitter.com/Ksj0FuchZZ
— Shashi Tharoor (@ShashiTharoor) December 16, 2022
ਥਰੂਰ ਨੇ ਲਿਖਿਆ ਕਿ ਇਸ ਸੱਟ ਕਾਰਨ ਹੁਣ ਮੈਂ ਹਿੱਲ ਵੀ ਨਹੀਂ ਸਕਦਾ। ਇਸ ਦੌਰਾਨ ਮੈਂ ਅੱਜ ਸਦਨ ਦੀ ਕਾਰਵਾਈ ਤੋਂ ਖੁੰਝ ਗਿਆ। ਇਸ ਦੇ ਨਾਲ ਹੀ ਹਫਤੇ ਦੇ ਅੰਤ ਵਿੱਚ ਹਲਕੇ ਦੀਆਂ ਯੋਜਨਾਵਾਂ ਵੀ ਰੱਦ ਕਰ ਦਿੱਤੀਆਂ ਗਈਆਂ ਹਨ।
ਚੀਨ ‘ਤੇ ਸ਼ਸ਼ੀ ਥਰੂਰ ਦਾ ਬਿਆਨ
ਕਾਂਗਰਸ ਦੇ ਸਾਂਸਦ ਸ਼ਸ਼ੀ ਥਰੂਰ ਨੇ ਕਿਹਾ, “ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਚੀਨ ਤਵਾਂਗ ‘ਤੇ ਨਜ਼ਰ ਮਾਰ ਰਿਹਾ ਹੈ ਅਤੇ ਸਾਨੂੰ ਬਹੁਤ ਸਾਵਧਾਨ ਰਹਿਣ ਦੀ ਲੋੜ ਹੈ। ਹਰ ਪਾਰਟੀ, ਹਰ ਵਿਅਕਤੀ ਇਸ ਵਿਸ਼ੇ ‘ਤੇ ਸਾਡੀ ਸੈਨਾ ਦੇ ਨਾਲ ਹੈ। ਕੱਲ੍ਹ ਜੋ ਵੀ ਹੋਇਆ, ਉਹ ਸਾਡੇ ਪਾਸਿਓਂ ਇੱਕ ਸੰਦੇਸ਼ ਹੈ ਕਿ ਸਾਡੀ ਖੇਤਰੀ ਅਖੰਡਤਾ ਅਤੇ ਪ੍ਰਭੂਸੱਤਾ ਲਈ ਸਾਡੇ ਵਿਚਕਾਰ ਏਕਤਾ ਹੈ।” ਥਰੂਰ ਨੇ ਕਿਹਾ, “ਮੈਂ ਰੱਖਿਆ ਮੰਤਰੀ ਨੂੰ ਕਿਹਾ ਕਿ ਉਹ ਦੁਨੀਆ ਨੂੰ ਦਿਖਾਉਣ ਕਿ ਭਾਰਤ ਇੱਕ ਹੈ ਅਤੇ ਇਸ ‘ਤੇ ਹਰ ਪਾਰਟੀ ਦਾ ਹਰ ਮੈਂਬਰ ਫੌਜ ਦੇ ਨਾਲ ਹੈ।”
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
