Shivangi Joshi Health Update: ‘ਯੇ ਰਿਸ਼ਤਾ ਕਯਾ ਕਹਿਲਾਤਾ ਹੈ’ ਦੀ ਨਾਇਰਾ ਉਰਫ ਸ਼ਿਵਾਂਗੀ ਜੋਸ਼ੀ ਦੇ ਪ੍ਰਸ਼ੰਸਕਾਂ ਦੀ ਕੋਈ ਕਮੀ ਨਹੀਂ ਹੈ। ਸ਼ਿਵਾਂਗੀ ਦੇ ਪ੍ਰਸ਼ੰਸਕ ਉਸ ਨੂੰ ਬਹੁਤ ਪਿਆਰ ਕਰਦੇ ਹਨ, ਪਰ ਇਨ੍ਹੀਂ ਦਿਨੀਂ ਲੋਕ ਅਦਾਕਾਰਾ ਦੀ ਸਿਹਤ ਬਾਰੇ ਅਪਡੇਟ ਜਾਣ ਕੇ ਦੁਖੀ ਹਨ। ਸ਼ਿਵਾਂਗੀ ਨੇ ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਆਪਣੀ ਸਿਹਤ ਨਾਲ ਜੁੜੀ ਜਾਣਕਾਰੀ ਸਾਂਝੀ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਹਰ ਕੋਈ ਉਸ ਦੇ ਜਲਦੀ ਠੀਕ ਹੋਣ ਦੀ ਅਰਦਾਸ ਕਰ ਰਿਹਾ ਹੈ।
ਸ਼ਿਵਾਂਗੀ ਨੂੰ ਗੁਰਦਿਆਂ ‘ਚ ਇਨਫੈਕਸ਼ਨ ਦੀ ਹੋਈ ਸਮੱਸਿਆ
ਦਰਅਸਲ ਸ਼ਿਵਾਂਗੀ ਜੋਸ਼ੀ ਕਿਡਨੀ ਇਨਫੈਕਸ਼ਨ ਤੋਂ ਪੀੜਤ ਹੈ। ਉਹ ਹਸਪਤਾਲ ਵਿੱਚ ਦਾਖਲ ਹੈ ਅਤੇ ਉਸਦਾ ਇਲਾਜ ਚੱਲ ਰਿਹਾ ਹੈ। ਅਭਿਨੇਤਰੀ ਨੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਪੋਸਟ ਰਾਹੀਂ ਆਪਣੀ ਹੈਲਥ ਅਪਡੇਟ ਦਿੱਤੀ ਹੈ।
ਫੋਟੋ ਵਿੱਚ ਸ਼ਿਵਾਂਗੀ ਓਕੇ (ਥਮਸ ਅੱਪ) ਦਾ ਸੰਕੇਤ ਦੇ ਕੇ ਆਪਣੀ ਸਿਹਤ ਬਾਰੇ ਸੰਕੇਤ ਦੇ ਰਹੀ ਹੈ। ਸ਼ਿਵਾਂਗੀ ਹਸਪਤਾਲ ਦੇ ਬੈੱਡ ‘ਤੇ ਲੇਟ ਕੇ ਮੁਸਕਰਾਉਂਦੀ ਨਜ਼ਰ ਆ ਰਹੀ ਹੈ।
ਸ਼ਿਵਾਂਗੀ ਨੇ ਫੋਟੋ ਦੇ ਨਾਲ ਕੈਪਸ਼ਨ ‘ਚ ਲਿਖਿਆ, ”ਸਭ ਨੂੰ ਹੈਲੋ, ਮੈਨੂੰ ਪਿਛਲੇ ਕੁਝ ਦਿਨਾਂ ਤੋਂ ਕਿਡਨੀ ਦੀ ਇਨਫੈਕਸ਼ਨ ਹੈ, ਪਰ ਮੈਂ ਤੁਹਾਨੂੰ ਦੱਸਣਾ ਚਾਹੁੰਦੀ ਹਾਂ ਕਿ ਮੇਰੇ ਪਰਿਵਾਰ, ਦੋਸਤਾਂ, ਡਾਕਟਰਾਂ, ਹਸਪਤਾਲ ਸਟਾਫ ਅਤੇ ਭਗਵਾਨ ਦੀ ਕਿਰਪਾ ਨਾਲ ਮੈਂ ਠੀਕ ਮਹਿਸੂਸ ਕਰ ਰਹੀ ਹਾਂ।
“ਮੈਂ ਇਹ ਪੋਸਟ ਇਸ ਲਈ ਕਰ ਰਹੀ ਹਾਂ ਕਿ ਤੁਹਾਨੂੰ ਯਾਦ ਦਿਵਾ ਸਕਾਂ ਕਿ ਤੁਹਾਨੂੰ ਆਪਣੇ ਸਰੀਰ, ਦਿਮਾਗ ਅਤੇ ਆਤਮਾ ਦੀ ਦੇਖਭਾਲ ਕਰਨੀ ਪਵੇਗੀ ਅਤੇ ਸਭ ਤੋਂ ਮਹੱਤਵਪੂਰਨ ਤੌਰ ‘ਤੇ ਆਪਣੇ ਆਪ ਨੂੰ ਹਾਈਡਰੇਟਿਡ ਰੱਖੋ। ਸਾਰਿਆਂ ਨੂੰ ਬਹੁਤ ਸਾਰਾ ਪਿਆਰ, ਮੈਂ ਜਲਦੀ ਹੀ ਐਕਸ਼ਨ ਵਿੱਚ ਵਾਪਸ ਆਵਾਂਗੀ। ਬਹੁਤ ਸਾਰਾ ਪਿਆਰ।”
‘ਯੇ ਰਿਸ਼ਤਾ’ ਤੋਂ ਬਾਅਦ ‘ਬਾਲਿਕਾ ਵਧੂ 2’ ਅਤੇ ‘ਖਤਰੋਂ ਕੇ ਖਿਲਾੜੀ 12’ ‘ਚ ਨਜ਼ਰ ਆ ਚੁੱਕੀ ਸ਼ਿਵਾਂਗੀ ਜੋਸ਼ੀ ‘ਬੇਕਾਬੂ’ ‘ਚ ਨਜ਼ਰ ਆਵੇਗੀ। ਇਸ ਸ਼ੋਅ ‘ਚ ਉਸ ਨਾਲ ਈਸ਼ਾ ਸਿੰਘ, ਸ਼ਾਲਿਨ ਭਨੋਟ ਅਤੇ ਮੋਨਾਲੀਸਾ ਵੀ ਮੁੱਖ ਭੂਮਿਕਾਵਾਂ ‘ਚ ਹਨ। ਇਹ ਸ਼ੋਅ 18 ਮਾਰਚ 2023 ਨੂੰ ਕਲਰਸ ‘ਤੇ ਪ੍ਰਸਾਰਿਤ ਹੋਵੇਗਾ।
