Sholay 2 ਬਣਾਉਣ ਜਾ ਰਹੇ MS Dhoni ਤੇ Hardik Pandya, ਪਾਂਡਿਆ ਨੇ ਤਸਵੀਰ ਸ਼ੇਅਰ ਕਰ ਕੀਤਾ ਐਲਾਨ, ਫੈਨਸ ਨੇ ਕੀਤੇ ਅਜਿਹੇ ਕੁਮੈਂਟ

Hardik Pandya and MS Dhoni: ਟੀਮ ਇੰਡੀਆ ਦੀ T-20 ਟੀਮ ਦੇ ਕਪਤਾਨ ਹਾਰਦਿਕ ਪੰਡਿਯਾ ਨੇ ਸਾਬਕਾ ਭਾਰਤੀ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੇ ਨਾਲ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ ਤੇ ਤਸਵੀਰ ਦੇ ਨਾਲ ਮਜ਼ੇਦਾਰ ਕੈਪਸ਼ਨ ਲਾਈਨ ਵੀ ਲਿਖੀ ਹੈ। ਪਹਿਲੇ ਟੀ-20 ਮੈਚ ਤੋਂ ਪਹਿਲਾਂ ਹਾਰਦਿਕ ਪੰਡਿਯਾ ਨੇ ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਐਮਐਸ ਧੋਨੀ ਨਾਲ ਮੁਲਾਕਾਤ ਕੀਤੀ।

ਹਾਰਦਿਕ ਨੇ ਮੁਲਾਕਾਤ ਦੀਆਂ ਦੋ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕੀਤੀਆਂ। ਤਸਵੀਰਾਂ ‘ਚ ਹਾਰਦਿਕ ਤੇ ਧੋਨੀ ਬਾਈਕ ‘ਤੇ ਬੈਠੇ ਹਨ। ਇਹ ਬਾਈਕ ਬਾਲੀਵੁੱਡ ਫਿਲਮ ਸ਼ੋਲੇ ਦੀ ਬਾਈਕ ਵਰਗੀ ਹੈ, ਜਿਸ ‘ਤੇ ਧਰਮਿੰਦਰ ਤੇ ਅਮਿਤਾਭ ਬੱਚਨ ਸਵਾਰ ਸੀ। ਹਾਰਦਿਕ ਨੇ ਤਸਵੀਰ ਦੇ ਕੈਪਸ਼ਨ ‘ਚ ਲਿਖਿਆ, ‘ਸ਼ੋਲੇ 2 ਜਲਦ ਆ ਰਹੀ।’

 

View this post on Instagram

 

A post shared by Hardik Himanshu Pandya (@hardikpandya93)

ਕਹਿਣ ਦਾ ਮਤਲਬ ਹੈ ਕਿ ਇਸ ਤਸਵੀਰ ‘ਚ ਹਾਰਦਿਕ ਅਤੇ ਧੋਨੀ ਜੈ ਅਤੇ ਵੀਰੂ ਬਣੇ ਹਨ। ਹਾਲਾਂਕਿ ਤਸਵੀਰ ਦੀ ਸਹੀ ਲੋਕੇਸ਼ਨ ਦਾ ਨਹੀਂ ਪਤਾ। ਪਰ ਮੰਨਿਆ ਜਾ ਰਿਹਾ ਹੈ ਕਿ ਜਿਸ ਬਾਈਕ ‘ਤੇ ਦੋਵਾਂ ਦੀ ਫੋਟੋ ਖਿੱਚੀ ਜਾ ਰਹੀ ਹੈ, ਉਹ ਧੋਨੀ ਦੇ ਘਰ ਦੇ ਗੈਰੇਜ ਦੀ ਤਸਵੀਰ ਹੈ। ਧੋਨੀ ਨੂੰ ਬਾਈਕ ਕਲੈਕਸ਼ਨ ਦਾ ਬਹੁਤ ਸ਼ੌਕ ਹੈ।

ਜਾਣਕਾਰੀ ਮੁਤਾਬਕ ਇਹ ਤਸਵੀਰ ਐੱਮਐੱਸ ਧੋਨੀ ਦੇ ਰਾਂਚੀ ਸਥਿਤ ਘਰ ਦੀ ਹੈ। ਭਾਰਤੀ ਟੀਮ ਨਿਊਜ਼ੀਲੈਂਡ ਖਿਲਾਫ ਆਪਣੇ ਅਗਲੇ ਟੀ-20 ਮੈਚ ਲਈ ਬੁੱਧਵਾਰ ਨੂੰ ਰਾਂਚੀ ਪਹੁੰਚ ਗਈ ਹੈ। ਪੰਡਿਯਾ ਦੀਆਂ ਤਸਵੀਰਾਂ ਪੋਸਟ ਕਰਨ ਤੋਂ ਤੁਰੰਤ ਬਾਅਦ ਉਨ੍ਹਾਂ ਦੇ ਫੈਨਸ ਨੇ ਇਸ ‘ਤੇ ਪ੍ਰਤੀਕਿਰਿਆ ਕਰਨੀ ਸ਼ੁਰੂ ਕਰ ਦਿੱਤੀ। ਇੱਕ ਯੂਜ਼ਰ ਨੇ ਲਿਖਿਆ, ‘ਦੋ ਸ਼ੇਰ ਜਿਨ੍ਹਾਂ ਨੇ ਕੀਤਾ, ਜਿਨ੍ਹਾਂ ਨੇ ਕੀਤਾ ਵੱਡੇ-ਵੱਡੇ ਨੂੰ ਢੇਰ।’

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਤਿੰਨ ਮੈਚਾਂ ਦੀ ਸੀਰੀਜ਼ 27 ਤੋਂ

ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਤਿੰਨ ਮੈਚਾਂ ਦੀ ਸੀਰੀਜ਼ ਦਾ ਪਹਿਲਾ ਮੈਚ 27 ਜਨਵਰੀ ਨੂੰ ਰਾਂਚੀ ‘ਚ ਖੇਡਿਆ ਜਾਣਾ ਹੈ। ਵਨਡੇ ਸੀਰੀਜ਼ ‘ਚ ਮਹਿਮਾਨਾਂ ਨੂੰ ਹਰਾਉਣ ਤੋਂ ਬਾਅਦ ਮੇਨ ਇਨ ਬਲੂ ਦਾ ਟੀਚਾ ਹੁਣ ਟੀ-20 ਸੀਰੀਜ਼ ‘ਚ ਵੀ ਮਜ਼ਬੂਤ ​​ਖੇਡ ਦਿਖਾਉਣਾ ਹੈ। ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਸਮੇਤ ਸੀਨੀਅਰ ਖਿਡਾਰੀਆਂ ਨੂੰ ਟੀ-20 ਸੀਰੀਜ਼ ਲਈ ਆਰਾਮ ਦਿੱਤਾ ਗਿਆ ਹੈ। ਅਜਿਹੇ ‘ਚ ਟੀਮ ਦੀ ਕਪਤਾਨੀ ਹਾਰਦਿਕ ਪੰਡਿਯਾ ਨੂੰ ਸੌਂਪੀ ਗਈ ਹੈ।

IPL 2023 ‘ਚ ਨਜ਼ਰ ਆਉਣਗੇ MS ਧੋਨੀ

ਐਮਐਸ ਧੋਨੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਨੇ 15 ਅਗਸਤ 2020 ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ ਸੀ। ਧੋਨੀ ਦੀ ਕਪਤਾਨੀ ਵਿੱਚ ਟੀਮ ਇੰਡੀਆ ਨੇ ਤਿੰਨ ਵਾਰ ਆਈਸੀਸੀ ਖਿਤਾਬ ਜਿੱਤਿਆ, ਜਿਸ ਵਿੱਚ 2007 ਟੀ-20 ਵਿਸ਼ਵ ਕੱਪ ਅਤੇ 2011 ਵਨਡੇ ਵਿਸ਼ਵ ਕੱਪ ਸ਼ਾਮਲ ਸੀ। ਧੋਨੀ ਇੱਕ ਵਾਰ ਫਿਰ IPL 2023 ਵਿੱਚ ਚੇਨਈ ਸੁਪਰ ਕਿੰਗਜ਼ ਦੀ ਕਪਤਾਨੀ ਕਰਦੇ ਨਜ਼ਰ ਆਉਣਗੇ। IPL 2023 ਧੋਨੀ ਲਈ ਆਖਰੀ ਸੀਜ਼ਨ ਸਾਬਤ ਹੋ ਸਕਦਾ ਹੈ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।

TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP

APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:

Android: https://bit.ly/3VMis0h

iOS: https://apple.co/3F63oER