India vs Australia World cup Final 2023: ਉਹ ਤਰੀਕ 23 ਮਾਰਚ 2003 ਸੀ। ਵਿਸ਼ਵ ਕੱਪ ਦਾ ਫਾਈਨਲ ਮੈਚ ਜੋਹਾਨਸਬਰਗ ਵਿੱਚ ਖੇਡਿਆ ਜਾ ਰਿਹਾ ਸੀ। ਆਸਟ੍ਰੇਲੀਆ ਭਾਰਤ ਦੇ ਸਾਹਮਣੇ ਸੀ। ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਕੰਗਾਰੂਆਂ ਨੇ ਭਾਰਤ ਲਈ ਪਹਾੜਾਂ ਵਰਗਾ ਸਕੋਰ ਖੜ੍ਹਾ ਕੀਤਾ ਸੀ। ਰਿਕੀ ਪੋਂਟਿੰਗ ਦੀ 140 ਦੌੜਾਂ ਦੀ ਧਮਾਕੇਦਾਰ ਪਾਰੀ ਦੀ ਬਦੌਲਤ ਆਸਟ੍ਰੇਲੀਆ ਨੇ 359 ਦੌੜਾਂ ਬਣਾਈਆਂ ਸਨ। ਦੌੜਾਂ ਦਾ ਪਿੱਛਾ ਕਰਨ ਉਤਰੀ ਟੀਮ ਇੰਡੀਆ ਲਈ ਟੀਚਾ ਹਾਸਲ ਕਰਨਾ ਬਹੁਤ ਮੁਸ਼ਕਲ ਸੀ।
ਸਚਿਨ ਤੇਂਦੁਲਕਰ ਨੇ ਪਹਿਲੇ ਹੀ ਓਵਰ ‘ਚ ਗਲੇਨ ਮੈਕਗ੍ਰਾ ਦੀ ਗੇਂਦ ‘ਤੇ ਚੌਕਾ ਜੜ ਦਿੱਤਾ ਪਰ ਉਹ ਪੰਜਵੀਂ ਗੇਂਦ ‘ਤੇ ਸਿਰਫ 4 ਦੌੜਾਂ ਦੇ ਸਕੋਰ ‘ਤੇ ਆਊਟ ਹੋ ਗਏ। 20 ਸਾਲਾਂ ਬਾਅਦ ਇਹ ਇਤਿਹਾਸ ਅੱਜ ਸ਼ੁਭਮਨ ਗਿੱਲ ਨੇ ਦੁਹਰਾਇਆ ਹੈ। ਸਚਿਨ ਤੋਂ ਬਾਅਦ ਸ਼ੁਭਮਨ ਵਿਸ਼ਵ ਕੱਪ ਮੈਚ ‘ਚ 4 ਦੌੜਾਂ ‘ਤੇ ਆਊਟ ਹੋਏ ਹਨ। ਆਸਟ੍ਰੇਲੀਆ ਫਾਈਨਲ ਮੈਚ ਵਿੱਚ ਉਦੋਂ ਵੀ ਸੀ ਅਤੇ ਅੱਜ ਵੀ।
ਤੁਹਾਨੂੰ ਦੱਸ ਦੇਈਏ ਕਿ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ‘ਚ ਹੋ ਰਹੇ ਮਹਾਨ ਮੈਚ ‘ਚ ਆਸਟ੍ਰੇਲੀਆ ਨੇ ਟਾਸ ਹਾਰ ਕੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਕਿਹਾ। ਸ਼ੁਭਮਨ ਗਿੱਲ ਰੋਹਿਤ ਸ਼ਰਮਾ ਦੇ ਨਾਲ ਪਾਰੀ ਦੀ ਸ਼ੁਰੂਆਤ ਕਰਨ ਆਏ। ਪਰ ਗਿੱਲ ਸਿਰਫ਼ 7 ਗੇਂਦਾਂ ਵਿੱਚ 4 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਹਾਲਾਂਕਿ ਗਿੱਲ ਤੋਂ ਬਾਅਦ ਰੋਹਿਤ ਅਤੇ ਸ਼੍ਰੇਅਸ ਅਈਅਰ ਵੀ ਜਲਦੀ ਹੀ ਪੈਵੇਲੀਅਨ ਪਰਤ ਗਏ।
ਸ਼ੁਭਮਨ ਗਿੱਲ ਦੇ ਆਊਟ ਹੋਣ ਤੋਂ ਬਾਅਦ ਉਹ ਐਕਸ (ਪਹਿਲਾ ਟਵਿਟਰ) ‘ਤੇ ਟ੍ਰੈਂਡ ਕਰਨ ਲੱਗਾ। ਇੱਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਲਿਖਿਆ ਕਿ ਰੱਬ ਭਾਰਤ ਨੂੰ ਜਿੱਤ ਦੇਵੇ।
ਇਕ ਯੂਜ਼ਰ ਨੇ ਲਿਖਿਆ- ਜਿਸ ਤਰ੍ਹਾਂ 2003 ਵਰਲਡ ਕੱਪ ‘ਚ ਸਚਿਨ 4 ਦੌੜਾਂ ‘ਤੇ ਆਊਟ ਹੋਏ ਸਨ, ਉਸੇ ਤਰ੍ਹਾਂ ਹੀ ਅੱਜ ਸ਼ੁਭਮਨ ਗਿੱਲ ਵੀ 4 ਦੌੜਾਂ ‘ਤੇ ਆਊਟ ਹੋਏ ਸਨ।
