ਕੌਮਾਂਤਰੀ ਪੱਧਰ ਦੇ ਪ੍ਰਸਿੱਧ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ (Sidhu Moose Wala) ਦੇ ਪਿਤਾ ਬਲਕੌਰ ਸਿੰਘ ਨੇ ਕਿਹਾ ਕਿ ਸਿੱਧੂ ਦੇ ਕਤਲ ਨੂੰ 40 ਦਿਨ ਬੀਤ ਚੁੱਕੇ ਹਨ। ਇਹ ਗੈਂਗਸਟਰ ਅਗਲੀਆਂ ਵਾਰਦਾਤਾਂ ਨੂੰ ਅੰਜਾਮ ਦੇਣ ਲਈ ਘੁੰਮ ਰਹੇ ਹਨ। ਬੜੇ ਦੁੱਖ ਦੀ ਗੱਲ ਹੈ ਕਿ ਅਜੇ ਤਕ ਉਹ ਕਿਸੇ ਕਾਨੂੰਨੀ ਸ਼ਿਕੰਜੇ ‘ਚ ਨਹੀਂ ਆਏ।
ਬੀਤੇ ਦਿਨੀਂ ਬਲਕੌਰ ਸਿੰਘ ਨੇ ਮਾਨਸਾ ‘ਚ ਸੜਕ ਦਾ ਉਦਘਾਟਨ ਦੌਰਾਨ ਕਿਹਾ ਸੀ ਕਿ ਚੋਣ ਹਾਰਨ ਬਾਅਦ ਸਿੱਧੂ ਮੂਸੇਵਾਲਾ ਨਾਰਾਸ਼ ਹੋ ਗਿਆ ਸੀ। ਫ਼ਿਰ ਦੁਬਈ ਗਿਆ ਅਤੇ ਮੈਨੂੰ ਸਮਝਾਉਣ ਲੱਗ ਗਿਆ।
ਉਸ ਨੇ ਕਿਹਾ ਕਿ ਕੋਈ ਫ਼ਿਕਰ ਨਾ ਕਰਿਆ ਕਰੋ। ਚੋਣਾਂ ਸਮੇਂ ਮੌਜੂਦਾ ਸਿਸਟਮ ਨੂੰ ਸਿੱਧੂ ਨੇ ਦੇਖਿਆ ਤਾਂ ਉਸ ਨੂੰ ਠੀਕ ਨਹੀਂ ਲੱਗਿਆ। ਜੇਕਰ ਲੋਕ ਮੰਗਣ ਤਾਂ ਮੇਰੇ ਕੋਲੋਂ ਹਸਪਤਾਲ, ਕਾਲਜ ਆਦਿ ਵਰਗੀਆਂ ਚੀਜ਼ਾਂ ਮੰਗਣ।
ਅੱਖਾਂ ’ਚ ਹੰਝੂ ਲੈ ਬਲਕੌਰ ਸਿੰਘ ਨੇ ਕਿਹਾ ਕਿ ਸਾਨੂੰ ਵੀ ਗੁਰਬਤ ’ਚ ਜੇਕਰ ਕੱਢਿਆ ਤਾਂ ਸਿੱਖਿਆ ਨੇ ਕੱਢਿਆ। ਪਰਿਵਾਰ ਦੀ ਦਸ਼ਾ ਬਦਲੀ ਸੀ ਤਾਂ ਸਿਰਫ਼ ਸਿੱਖਿਆ ਨੇ ਹੀ ਬਦਲੀ। ਸਧਾਰਨ ਪਰਿਵਾਰ ’ਚੋਂ ਉੱਠ ਕੇ ਤਰੱਕੀ ਹੀ ਬਹੁਤ ਜ਼ਿਆਦਾ ਕਰ ਲਈ ਅਤੇ ਕਈਆਂ ਦੀਆਂ ਅੱਖਾਂ ’ਚ ਸਿੱਧੂ ਲੱਗਣ ਲੱਗ ਪਿਆ ਸੀ।
