ਪ੍ਰੋ ਪੰਜਾਬ ਟੀਵੀ ਦੇ ਐਂਕਰ ਸਿਮਰਜੀਤ ਸਿੰਘ ਨਾਲ ਸੰਗਰੂਰ ਜਿਮਣੀ ਚੋਣਾਂ ਸਬੰਧੀ ਸ਼੍ਰੋਮਣੀ ਅਕਾਲੀ ਦਲ ( ਅ) ਦੇ ਪ੍ਰਧਾਨ ਸ ਸਿਮਰਨਜੀਤ ਸਿੰਘ ਮਾਨ ਨਾਲ ਗੱਲਬਾਤ ਕੀਤੀ,ਜਿਥੇ ਸ ਮਾਨ ਨੇ ਕਿਹਾ ਕਿ ਮੈੈਂਨੂ ਆਸ ਹੈ ਕਿ 1999 ਵਾਂਗ 2022 ਚ ਵੀ ਲੋਕ ਜਿਤਾਣਗੇ । ਉਨਾ ਕਿਹਾ ਕਿ ਮਾਲਵੇ ਵਾਲਿਆਂ ਦਾ ਬੇਹੱਦ ਧੰਨਵਾਦ ਹੈ,ਜਿਨਾ ਇਨਾ ਮਾਣ ਸਤਿਕਾਰ ਦਿੱਤਾ ਹੈ ਉਸ ਦਾ ਹਮੇਸ਼ਾ ਹੀ ਰਿਣੀ ਰਹਾਂਗਾ।
ਆਪਣੇ ਆਪ ਨੂੰ ਸ਼ਰਨਾਰਥੀ ਦੱਸਦਿਆਂ ਸ ਮਾਨ ਨੇ ਕਿਹਾ ਕਿ ਜੇਕਰ ਇਸ ਪਾਕਿਸਤਾਨ ਤੋਂ ਉੱਜੜ ਕੇ ਆਏ ਬੰਦੇ ਨੇ , ਇਨਾ ਰਵਾਇਤੀ ਪਾਰਟੀਆਂ ਨੂੰ ਹਰਾ ਦਿੱਤਾ ਤਾਂ ਇਹ ਕੌਤਕ ਹੋਵੇਗਾ । ਇਸ ਲਈ ਮੈਨੂੰ ਲੋਕਾਂ ਤੋਂ ਆਸ ਹੈ ।
ਸ ਮਾਨ ਨੇ ਗਾਂਧੀ,ਨਹਿਰੂ ਤੇ ਜਿਨਾਹ ਦੀਆਂ ਨੀਤੀਆਂ ਨੂੰ ਭੰਡਿਆ ,ਜਿਨਾ ਕਰਕੇ ਸਿੱਖ ਕੌਮ ਦਾ ਨਾ-ਵਰਨਣਯੋਗ ਨੁਕਸਾਨ ਹੋਇਆ ।
ਵਾਇਰਲ ਚਿੱਠੀ ਤੇ ਬੋਲੇ ਸਿਮਰਨਜੀਤ ਸਿੰਘ ਮਾਨ
ਉਨਾ ਕਿਹਾ ਕਿ ਜਿਸ ਲੈਟਰ ਪੈਡ ਤੇ ਇਹ ਚਿੱਠੀ ਲਿੱਖੀ ਗਈ ਹੈ ,ਉਹ ਲੈਟਰ ਪੈਡ ਪਹਿਲਾਂ ਅਕਾਲੀ ਦਲ ਬਾਦਲ ਦਾ ਮੈੈਂਬਰ ਸੀ ਤੇ ਜਦੋਂ ਅਸੀ ਇਸ ਬਾਰੇ ਰੋਲਾ ਪਾਉਣਾ ਸ਼ੁਰੂ ਕੀਤਾ ਤਾਂ ਉਸ ਨੇ ਇਹ ਹਟਾ ਲਿਆ ਪਰ ਸਾਨੂੰ ਪਤਾ ਲੱਗ ਗਿਆ ਹੈ ਹੁਣ ਇਹ ਫੱਸ ਗਏ ,ਸਾਡੇ ਕੋਲ ਸਾਰੇ ਸਬੂਤ ਆ ਗਏ ਹਨ ਤੇ ਸਾਇਬਰ ਕ੍ਰਾਇਮ ਨਾਲ ਸੰਪਰਕ ਕਰਕੇ ਰਿਪੋਰਟ ਦੇਣ ਨੂੰ ਤਿਆਰ ਹਾਂ । ਚਿੱਠੀ ਤਾਂ ਪੰਜਾਬੀ ਚ ਲਿੱਖੀ ਹੈ ਪਰ ਮੇਰੇ ਸਾਇਨ ਤਾਂ ਅੰਗਰੇਜੀ ਚ ਹੋਏ ਸਨ, ਜੇ ਮੈਂ ਪੰਜਾਬੀ ਚ ਚਿੱਠੀ ਲਿਖਾਗਾਂ ਤੇ ਸਾਇਨ ਵੀ ਪੰਜਾਬੀ ਚ ਹੀ ਕਰਾਂਗਾ ।
ਧਮਕੀ ਮਿਲਣ ਬਾਰੇ ਬਾਰੇ ਸ ਮਾਨ ਨੇ ਕਿਹਾ ਕਿ ਅਸੀਂ ਇਸ ਦੀ ਸ਼ਿਕਾਇਤ ਦਰਜ ਕਰ ਦਿੱਤੀ ਹੈ । ਤੇ ਇਸ ਦੀ ਜਾਂਚ ਲਈ ਅੱਗੇ ਕਾਰਵਾਈ ਤੋਰ ਦਿੱਤੀ ਹੈ ਤੇ ਕਿਸੇ ਤੇ ਕਾਰਵਾਈ ਵੀ ਕੀਤੀ ਗਈ ਹੈ ।
ਸਿਮਰਨਜੀਤ ਸਿੰਘ ਮਾਨ ਨੇ ਪੱਤਰਕਾਰ ਵਜੋ ਸਵਾਲ ਪੁੱਛੇ ਜਾਣ ਤੇ ਕਿਹਾ ਕਿ ਮੈਂ ਦੀਪ ਸਿੱਧ,ਸਿੱਧੂ ਮੂਸੇਵਾਲਾ,ਹਜਾਰਾਂ ਯੋਧਿਆਂ ਜਿੰਨਾਂ ਕੌਮ ਖਾਤਰ ਜੰਗਾਂ ਲੜੀਆਂ ਤੇ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆ ਨੂੰ ਯਾਦ ਕਰ ਰਿਹਾ ਹਾਂ ।
