Trending News: ਚੀਨ ਵਿੱਚ ਚੱਲ ਰਹੀਆਂ ਸਮਰ ਵਰਲਡ ਯੂਨੀਵਰਸਿਟੀ ਖੇਡਾਂ ਦੌਰਾਨ ਔਰਤਾਂ ਦੀ 100 ਮੀਟਰ ਦੌੜ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ‘ਚ ਕੋਈ ਰਿਕਾਰਡ ਬਣਦੇ ਜਾਂ ਟੁੱਟਦੇ ਨਜ਼ਰ ਨਹੀਂ ਆ ਰਹੇ ਹਨ ਪਰ ਇਸ ਕਲਿੱਪ ‘ਚ ਸੋਮਾਲੀਆ ਦੇ ਇੱਕ ਐਥਲੀਟ ਦੇ ਪ੍ਰਦਰਸ਼ਨ ਦੀ ਚਰਚਾ ਹੈ, ਜਿਸ ਨੇ 21 ਸਕਿੰਟਾਂ ‘ਚ ਆਪਣੀ ਦੌੜ ਪੂਰੀ ਕੀਤੀ।
ਇਸ ਵੀਡੀਓ ਨੂੰ ਲੈ ਕੇ ਹੰਗਾਮਾ ਮਚ ਗਿਆ ਹੈ। ਇਸ ‘ਚ ਦਿਖਾਈ ਦੇਣ ਵਾਲੇ ਦੌੜਾਕ ਦੇ ਪ੍ਰਦਰਸ਼ਨ ਅਤੇ ਪੂਰੀ ਚੋਣ ਪ੍ਰਕਿਰਿਆ ‘ਤੇ ਨੇਟੀਜ਼ਨ ਸਵਾਲ ਚੁੱਕ ਰਹੇ ਹਨ। ਇਸ ਦੌੜਾਕ ਦਾ ਨਾਂ ਨਾਸਰਾ ਅਬੂਕਰ ਅਲੀ ਦੱਸਿਆ ਜਾ ਰਿਹਾ ਹੈ। 1 ਮਿੰਟ 10 ਸੈਕਿੰਡ ਦੀ ਵੀਡੀਓ ‘ਚ 6 ਮਹਿਲਾ ਦੌੜਾਕ ਖੜ੍ਹੀਆਂ ਹਨ। ਰੈਡੀ, ਸਟੀਡੀ ਅਤੇ ਗੋ ਮਤਲਬ ਕਿ ਬਜ਼ਰ ਵੱਜਦੇ ਹੀ ਸਾਰੇ ਐਥਲੀਟ ਦੌੜਨਾ ਸ਼ੁਰੂ ਕਰਦੇ ਹਨ। ਪਰ ਸੋਮਾਲੀਆ ਦਾ ਅਥਲੀਟ ਜਿਸ ‘ਤੇ ਸਵਾਲ ਉਠਾਏ ਜਾ ਰਹੇ ਹਨ। ਉਸ ਦੇ ਚਿਹਰੇ ਦੇ ਹਾਵ-ਭਾਵ ਅਤੇ ਬਾਡੀ ਲੈਂਗਵੇਜ ਨੂੰ ਦੇਖ ਕੇ ਲੋਕ ਇਹ ਮਹਿਸੂਸ ਨਹੀਂ ਕਰ ਰਹੇ ਹਨ ਕਿ ਉਹ ਅੰਤਰਰਾਸ਼ਟਰੀ ਮੰਚ ‘ਤੇ ਆਪਣੇ ਦੇਸ਼ ਦੀ ਨੁਮਾਇੰਦਗੀ ਕਰਨ ਲਈ ਤਿਆਰ ਹੈ।
ਖੇਡ ਮੰਤਰੀ ਤੋਂ ਅਸਤੀਫਾ ਮੰਗਿਆ
ਵੀਡੀਓ ਪੋਸਟ ਕਰਨ ਵਾਲੇ ਯੂਜ਼ਰ ਏਲਹਮ ਜੇਰਾਰਡ ਨੇ ਗੈਰ-ਸਿਖਿਅਤ ਅਥਲੀਟ ਨੂੰ ਉੱਚ ਪੱਧਰੀ ਈਵੈਂਟ ਵਿੱਚ ਭੇਜਣ ਲਈ ਸੋਮਾਲੀਆ ਦੇ ਯੁਵਾ ਅਤੇ ਖੇਡ ਮੰਤਰਾਲੇ ਦੀ ਆਲੋਚਨਾ ਕੀਤੀ। ਇਲਹਾਮ ਨੇ ਆਪਣੀ ਪੋਸਟ ‘ਚ ਲਿਖਿਆ ਕਿ ਯੁਵਾ ਅਤੇ ਖੇਡ ਮੰਤਰਾਲੇ ਦੇ ਜ਼ਿੰਮੇਵਾਰ ਲੋਕਾਂ ਨੂੰ ਤੁਰੰਤ ਆਪਣੇ ਅਹੁਦੇ ਛੱਡ ਦੇਣੇ ਚਾਹੀਦੇ ਹਨ।
#Somalia sorry for fielding record slow sprinter after Nasra Abubakar Ali took 22 seconds to complete the 100m sprint at the World University Games.
Sports Minister Barre Mohamud:“What happened was not representation of the Somali people, we apologise.”pic.twitter.com/tzqCfuta1p
— Oluwashina Okeleji (@oluwashina) August 2, 2023
ਸੋਮਾਲੀਆ ਦੇ ਖੇਡ ਮੰਤਰੀ ਨੇ ਇਸ ਨੂੰ ਦੱਸਿਆ ਸ਼ਰਮਨਾਕ
ਰਿਪੋਰਟ ਮੁਤਾਬਕ ਅਬੂਬਕਰ ਨੇ 100 ਮੀਟਰ ਦੀ ਦੌੜ 21.81 ਸਕਿੰਟ ‘ਚ ਪੂਰੀ ਕੀਤੀ। ਜੋ ਕਿ ਜੇਤੂ ਦੁਆਰਾ ਲਏ ਗਏ ਸਮੇਂ ਤੋਂ ਪੂਰਾ 10 ਸਕਿੰਟ ਵੱਧ ਹੈ। ਸੋਮਾਲੀਆ ਦੇ ਖੇਡ ਮੰਤਰੀ ਮੁਹੰਮਦ ਬਰੇ ਮੁਹੰਮਦ ਨੇ ਇਸ ਘਟਨਾ ਨੂੰ ਸ਼ਰਮਨਾਕ ਦੱਸਿਆ ਹੈ। ਉਨ੍ਹਾਂ ਕਿਹਾ, “ਅੱਜ (ਚੀਨ ਵਿੱਚ) ਜੋ ਹੋਇਆ। ਇਹ ਸੋਮਾਲੀ ਲੋਕਾਂ ਦੀ ਪ੍ਰਤੀਨਿਧਤਾ ਨਹੀਂ ਕਰਦਾ ਸੀ। ਅਸੀਂ ਇਸ ਲਈ ਸੋਮਾਲੀ ਲੋਕਾਂ ਤੋਂ ਮੁਆਫੀ ਮੰਗਦੇ ਹਾਂ।
ਰਿਪੋਰਟ ਦੇ ਅਨੁਸਾਰ, ਨਸਰਾ ਅਬੂਬਕਰ ਅਲੀ ਨੂੰ ਕਥਿਤ ਤੌਰ ‘ਤੇ ਅਜਿਹੇ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣ ਦਾ ਕੋਈ ਪੁਰਾਣਾ ਤਜਰਬਾ ਨਹੀਂ ਸੀ। ਕਈ ਲੋਕ ਇਹ ਵੀ ਹੈਰਾਨ ਸੀ ਕਿ ਉਸ ਨੂੰ ਕਿਉਂ ਚੁਣਿਆ ਗਿਆ।
Suspension of the Chairwoman of the Somali Athletics Federation, Ms. Khadijo Aden Dahir pic.twitter.com/UZsO0A4UiA
— Ministry of Youth and Sports of Somalia (@MoysFGS) August 2, 2023
ਸੋਮਾਲੀਆ ਦੇ ਖੇਡ ਮੰਤਰਾਲੇ ਵੱਲੋਂ ਜਾਰੀ ਬਿਆਨ ਮੁਤਾਬਕ ਸਰਕਾਰ ਨੇ ‘ਦ ਸੋਮਾਲੀ ਐਥਲੀਟ ਫੈਡਰੇਸ਼ਨ’ ਦੀ ਚੇਅਰਵੁਮੈਨ ਖਾਦੀਜ ਅਦੇਨ ਦਾਹਿਰ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਬਿਆਨ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਨਾਸਰਾ ਅਬੂਬਕਰ ਅਲੀ ਦੀ ਪਛਾਣ ਨਾ ਤਾਂ ਇੱਕ ਖਿਡਾਰੀ ਦੇ ਰੂਪ ਵਿੱਚ ਅਤੇ ਨਾ ਹੀ ਦੌੜਾਕ ਵਜੋਂ ਹੋਈ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
