Sonam Bajwa Show Dil Diyan Gallan: ਬਾਲੀਵੁੱਡ ਸਟਾਰ ਦੇ ਵਾਂਗ ਹੀ ਪੰਜਾਬੀ ਕਲਾਕਾਰਾਂ ਦਾ ਵੀ ਵੱਖਰਾ ਹੀ ਜਨੂਨ ਫੈਨਸ ‘ਚ ਵੇਖਣ ਨੂੰ ਮਿਲਦਾ ਹੈ। ਦੱਸ ਦਈਏ ਕਿ ਦੇਸ਼ ਹੀ ਨਹੀਂ ਸਗੋਂ ਵਿਦੇਸ਼ਾਂ ‘ਚ ਵੀ ਪੰਜਾਬੀ ਕਲਾਕਾਰਾਂ ਦਾ ਕਾਫੀ ਕ੍ਰੈਜ਼ ਹੈ। ਇਸ ਦੇ ਨਾਲ ਹੀ ਜਿਨ੍ਹਾਂ ਕਲਾਕਾਰਾਂ ਨੂੰ ਅਸੀਂ ਪਰਦੇ ‘ਤੇ ਵੇਖਦੇ ਹਾਂ ਅਤੇ ਜਿਨ੍ਹਾਂ ਦੇ ਫੈਨ ਹੁੰਦੇ ਹਾਂ ਅਸੀਂ ਉਨ੍ਹਾਂ ਦੇ ਬਾਰੇ ਜਾਣਨ ਲਈ ਕਾਫੀ ਐਕਸਾਈਟਡ ਰਹਿੰਦੇ ਹਾਂ। ਕਈ ਸਵਾਲ ਹੁੰਦੇ ਹਨ ਜਿਨ੍ਹਾਂ ਬਾਰੇ ਅਸੀਂ ਹਮੇਸ਼ਾ ਜਾਣਨਾ ਚਾਹੁੰਦੇ ਹਾਂ।
ਸਾਡੇ ਦਿਲਾਂ ‘ਚ ਉੱਠ ਰਹੇ ਅਜਿਹੇ ਹੀ ਸਵਾਲਾਂ ਦੇ ਜਵਾਬ ਖੁਦ ਸਟਾਰ ਦਿੰਦੇ ਨਜ਼ਰ ਆਉਣਗੇ। ਜੀ ਹਾਂ, ਇਹ ਸਹੀ ਖ਼ਬਰ ਹੈ, ਬਸ ਫਰਕ ਹੋਵੇਗਾ ਕਿ ਸਵਾਲ ਪੰਜਾਬ ਐਕਟਰਸ ਸੋਨਮ ਬਾਜਵਾ ਪੁੱਛਦੀ ਨਜ਼ਰ ਆਵੇਗੀ। ਦੱਸ ਦਈਏ ਕਿ ਅਸੀਂ ਕੁਝ ਦਿਨ ਪਹਿਲਾਂ ਦੱਸਿਆ ਸੀ ਕਿ ਸੋਨਮ ਬਾਜਵਾ ‘ਦਿਲ ਦੀਆਂ ਗੱਲਾਂ’ ਦਾ ਸੀਜ਼ਨ 2 ਲੈ ਕੇ ਹਾਜ਼ਰ ਹੋ ਰਹੀ ਹੈ। ਸੋਨਮ ਦਾ ਇਹ ਸ਼ੋਅ ਇੱਕ ਵਾਰ ਫਿਰ ਜ਼ੀ ਪੰਜਾਬੀ ‘ਤੇ ਸ਼ੁਰੂ ਹੋ ਰਿਹਾ ਹੈ। ਦਿਲ ਦੀਆਂ ਗੱਲਾਂ ਦੇ ਸੀਜ਼ਨ 2 ਦਾ ਪ੍ਰੀਮੀਅਰ 29 ਅਕਤੂਬਰ 2022 ਨੂੰ ਜ਼ੀ ਪੰਜਾਬੀ ‘ਤੇ ਹੋਵੇਗਾ।
ਜ਼ੀ ਪੰਜਾਬੀ ‘ਤੇ ਸੋਨਮ ਬਾਜਵਾ ਖੁਦ ਅੱਜ ਦੇ ਵਿਸ਼ੇਸ਼ ਐਪੀਸੋਡ ਵਿੱਚ ਸ਼ਾਮ 7 ਵਜੇ ਤੁਹਾਡੇ ਫੈਵਰੇਟ ਸਟਾਰ ਨਾਲ ਰੂਬਰੂ ਕਰਵਾਏਗੀ। ਦੱਸ ਦਈਏ ਕਿ ਸੀਜ਼ਨ 1 ਦੀ ਤਰ੍ਹਾਂ, ਇਸ ਵਾਰ ਵੀ ਫੈਨਸ ਪੰਜਾਬੀ ਐਕਟਰਸ ਸੋਨਮ ਬਾਜਵਾ ਨੂੰ ਸ਼ੋਅ ਹੋਸਟ ਕਰਦੇ ਹੋਏ ਅਤੇ ਪੰਜਾਬੀ ਐਂਟਰਟੇਨਮੈਂਟ ਇੰਡਸਟਰੀ ਦੀਆਂ ਹੋਰ ਮਸ਼ਹੂਰ ਹਸਤੀਆਂ ਦਾ ਇੰਟਰਵਿਊ ਕਰਦੇ ਦੇਖੋਗੇ।
ਸ਼ੋਅ ਦੇ ਪਿਛਲੇ ਸੀਜ਼ਨ ਵਿੱਚ ਅਸੀਂ ਸੋਨਮ ਨੂੰ ਕਰਨ ਔਜਲਾ, ਸਿੱਧੂ ਮੂਸੇਵਾਲਾ, ਐਮੀ ਵਿਰਕ (Karan Aujla, Sidhu Moosewala, Ammy Virk) ਤੇ ਹੋਰ ਬਹੁਤ ਸਾਰੀਆਂ ਮਸ਼ਹੂਰ ਹਸਤੀਆਂ ਨਾਲ ਗੱਲਬਾਤ ਕਰਦੇ ਦੇਖਿਆ।
