Sonam Bajwa, Tania, Gitaz Bindrakhia and Gurjazz’s Upcoming Punjabi Movie: ਬਾਲੀਵੁੱਡ ਫਿਲਮਾਂ ਵਿੱਚ ਸ਼ਾਨਦਾਰ ਸਫਲਤਾ ਦੇ ਨਾਲ ਖੇਤਰੀ ਮਨੋਰੰਜਨ ਕਾਰੋਬਾਰ ਵਿੱਚ ਵੱਡੇ ਰਿਕਾਰਡ ਕਾਇਮ ਕਰਨ ਵਾਲੀ ਕੰਪਨੀ Zee Studios ਹੁਣ ਪੰਜਾਬੀ ਇੰਡਸਟਰੀ ਵੱਲ ਵਧ ਰਹੀ ਹੈ। ਦੱਸ ਦਈਏ ਕਿ ਜ਼ੀ ਸਟੂਡੀਓਜ਼ ਦੇ ਖੇਤਰੀ ਸਿਨੇਮਾ ਨੂੰ ਪਿਛਲੇ ਸਾਲ ਦਰਸ਼ਕਾਂ ਵੱਲੋਂ ਭਰਪੂਰ ਹੁੰਗਾਰਾ ਮਿਲਿਆ।
ਇਸੇ ਕਾਮਯਾਬੀ ਮਗਰੋਂ ਹੁਣ ਜ਼ੀ ਸਟੂਡੀਓਜ਼ VH ਐਂਟਰਟੇਨਮੈਂਟ ਨਾਲ ਕੌਲੈਬ੍ਰੇਸ਼ਨ ਨਾਲ ਆਪਣੀ ਅਗਲੀ ਫਿਲਮ ‘Godday Godday Chaa’ ਰਿਲੀਜ਼ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਦੱਸ ਦਈਏ ਕਿ ਇਸ ਪੰਜਾਬੀ ਫਿਲਮ ਵਿੱਚ ਸੋਨਮ ਬਾਜਵਾ (Sonam Bajwa) ਲੀਡ ਰੋਲ ਪਲੇਅ ਕਰਦੀ ਨਜ਼ਰ ਆਵੇਗੀ।
ਸੋਨਮ ਦੇ ਨਾਲ ਗੋਢੇ ਗੋਢੇ ਚਾਅ ਫਿਲਮ ‘ਚ ਤਾਨੀਆ (Tania), ਗੀਤਾਜ਼ ਬਿੰਦਰਖੀਆ (Gitaz Bindrakhia) ਤੇ ਗੁਰਜਾਜ਼ (Gurjazz) ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ‘ਗੋਢੇ ਗੋਢੇ ਚਾਅ,’ ‘ਕਿਸਮਤ 2’ ਫੇਮ ਜਗਦੀਪ ਸਿੱਧੂ ਵਲੋਂ ਲਿਖੀ ਹੈ ਤੇ ਇਸ ਦਾ ਨਿਰਦੇਸ਼ਨ ਨੈਸ਼ਨਲ ਐਵਾਰਡ ਜੇਤੂ ਨਿਰਦੇਸ਼ਕ (Harjeeta) ਵਿਜੇ ਕੁਮਾਰ ਅਰੋੜਾ ਕਰਨਗੇ, ਜਿਨ੍ਹਾਂ ਨੇ ਸੁਪਰਹਿੱਟ ਫਿਲਮ ‘ਗੁੱਡੀਆਂ ਪਟੋਲੇ’ ਦਾ ਡਾਈਰੈਕਸ਼ਨ ਵੀ ਕੀਤਾ।
View this post on Instagram
ਜ਼ੀ ਸਟੂਡੀਓਜ਼ ਦੇ ਸੀਬੀਓ ਸ਼ਾਰਿਕ ਪਟੇਲ ਨੇ ਕਿਹਾ, “ਗੋਢੇ ਗੋਢੇ ਚਾਅ’ ਪੁਰਸ਼ ਸ਼ਾਵਿਨਿਸਟ ਦੇ ਖਿਲਾਫ ਇੱਕ ਸੋਚਣ ਵਾਲਾ ਕਦਮ ਹੈ। ਸਾਡਾ ਮੰਨਣਾ ਹੈ ਕਿ ਅਜਿਹੀਆਂ ਕਹਾਣੀਆਂ ਨੂੰ ਦੱਸਣਾ ਜ਼ਰੂਰੀ ਹੈ ਜੋ ਮਨੋਰੰਜਨ ਦੇ ਡੋਲਾਂ ਨਾਲ ਔਰਤਾਂ ਦੇ ਸਸ਼ਕਤੀਕਰਨ ਨੂੰ ਮੁੜ ਪਰਿਭਾਸ਼ਿਤ ਕਰਦੀਆਂ ਹਨ।”
ਫਿਲਮ ਦੇ ਨਿਰਦੇਸ਼ਕ ਵਿਜੇ ਕੇ ਅਰੋੜਾ ਨੇ ਇਸ ਫਿਲਮ ਬਾਰੇ ਗੱਲ ਕਰਦਿਆਂ ਕਿਹਾ, “‘ਗੋਢੇ ਗੋਢੇ ਚਾਅ’ 90 ਦੇ ਦਹਾਕੇ ਦੇ ਮਰਦ-ਪ੍ਰਧਾਨ ਸਮਾਜ ‘ਤੇ ਵਿਅੰਗ ਹੈ। ਇਹ ਦਰਸਾਉਂਦਾ ਹੈ ਕਿ ਕਿਵੇਂ ਔਰਤਾਂ ਨੇ ਆਪਣੇ ਲਈ ਸਟੈਂਡ ਲਿਆਅਤੇ ਸਫਲਤਾ ਹਾਸਲ ਕੀਤੀ। ਸਾਨੂੰ ਯਕੀਨ ਹੈ ਕਿ ਦਰਸ਼ਕ ਫਿਲਮ ਨੂੰ ਪਸੰਦ ਕਰਨਗੇ!”
ਦਰਸ਼ਕਾਂ ਨੇ ਡਿਜੀਟਲ ਪਲੇਟਫਾਰਮ ‘ਤੇ ਸ਼ੇਅਰ ਕੀਤੇ ਬੀਟੀਐਸ ਤੇ ਪੋਸਟਰਾਂ ਨੂੰ ਬਹੁਤ ਪਿਆਰ ਦਿੱਤਾ ਹੈ। ਜ਼ੀ ਸਟੂਡੀਓਜ਼ ਦੀ ਅਗਵਾਈ ਵਾਲੀ ਇਸ ਫਿਲਮ ਲਈ ਫੈਨਸ ਦੇ ਉਤਸ਼ਾਹ ਨੂੰ ਸਾਬਤ ਕਰਨ ਵਾਲੀ ਸੋਨਮ ਬਾਜਵਾ ਦੀ ਫਿਲਮ ‘ਰਾਣੀ’ ਦੇ ਕਿਰਦਾਰ ਨੂੰ ਦਰਸਾਉਂਦੇ ਪੋਸਟ ਦੀ ਦੁਨੀਆ ਭਰ ਦੇ ਫੈਨਸ ਨੇ ਪ੍ਰਸ਼ੰਸਾ ਕੀਤੀ।
