Ajab Gajab News: ਵਿਆਹ ਦਾ ਦਿਨ ਹਰ ਕਿਸੇ ਲਈ ਬਹੁਤ ਖਾਸ ਹੁੰਦਾ ਹੈ। ਇਸ ਦਿਨ, ਲਾੜਾ-ਲਾੜੀ ਆਪਣੇ ਜੀਵਨ ਦਾ ਇੱਕ ਨਵਾਂ ਪੜਾਅ ਸ਼ੁਰੂ ਕਰਦੇ ਹਨ ਅਤੇ ਸਾਰੀਆਂ ਰਸਮਾਂ ਪੂਰੀਆਂ ਕਰਨ ਤੋਂ ਬਾਅਦ, ਉਨ੍ਹਾਂ ਦਾ ਵਿਆਹ ਸੰਪੂਰਨ ਮੰਨਿਆ ਜਾਂਦਾ ਹੈ।
ਦੁਨੀਆ ਭਰ ਵਿੱਚ ਵਿਆਹ ਦੇ ਵੱਖ-ਵੱਖ ਰੀਤੀ-ਰਿਵਾਜ ਹਨ। ਹਰ ਦੇਸ਼ ਹਰ ਧਰਮ ਦਾ ਆਪਣਾ ਇੱਕ ਰੀਤੀ ਰਿਵਾਜ ਹੁੰਦਾ ਹੈ ਕੁਝ ਇੰਨੇ ਅਜੀਬ ਹੁੰਦੇ ਹਨ ਕਿ ਤੁਸੀਂ ਉਨ੍ਹਾਂ ਬਾਰੇ ਜਾਣ ਕੇ ਹੈਰਾਨ ਰਹਿ ਜਾਓਗੇ। ਅੱਜ ਅਸੀਂ ਤੁਹਾਨੂੰ ਵਿਆਹ ਨਾਲ ਜੁੜੇ ਕੁਝ ਅਜਿਹੇ ਅਜੀਬੋ-ਗਰੀਬ ਰਿਵਾਜਾਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਬਾਰੇ ਜਾਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।
ਤੁਸੀਂ ਦੇਖਿਆ ਹੋਵੇਗਾ ਕਿ ਭਾਰਤ ਵਿੱਚ, ਜਦੋਂ ਵਿਆਹ ਹੁੰਦਾ ਹੈ, ਤਾਂ ਵੀਹ ਵਿੱਚ ਸ਼ਾਮਿਲ ਹੋਏ ਲੋਕ ਲਾੜੇ ਨੂੰ ਅਸ਼ੀਰਵਾਦ ਦਿੰਦੇ ਹੋਏ ਪੈਸੇ ਦਿੰਦੇ ਹਨ, ਜਦੋਂ ਕਿ ਕੁਝ ਉਸਨੂੰ ਤੋਹਫ਼ੇ ਦਿੰਦੇ ਹਨ। ਭਾਰਤ ਵਿੱਚ ਇਹ ਵੀ ਰਿਵਾਜ ਹੈ ਕਿ ਲਾਡੀ ਦੀਆਂ ਭੈਣਾਂ ਲਾੜੇ ਦੇ ਜੁੱਤੇ ਤੱਕ ਚੁਰਾ ਲੈਂਦੀਆਂ ਹਨ ਅਤੇ ਫਿਰ ਸ਼ਗਨ ਲੈਕੇ ਵਾਪਿਸ ਕਰਦੀਆਂ ਹਨ। ਹਾਲਾਂਕਿ, ਇੱਕ ਅਜਿਹਾ ਦੇਸ਼ ਹੈ ਜਿੱਥੇ ਵਿਆਹ ਦੌਰਾਨ ਲਾੜੇ ਨੂੰ ਅਸ਼ੀਰਵਾਦ ਵਜੋਂ ਜੁੱਤੇ ਮਾਰੇ ਜਾਂਦੇ ਹਨ। ਇਹ ਥੋੜ੍ਹਾ ਅਜੀਬ ਲੱਗ ਸਕਦਾ ਹੈ, ਪਰ ਇਹ ਸੱਚਾਈ ਹੈ।
ਇਹ ਰਿਵਾਜ ਦੱਖਣ ਕੋਰੀਆ ਵਿੱਚ ਹੈ। ਦੱਖਣੀ ਕੋਰੀਆ ਵਿੱਚ, ਵਿਆਹ ਵਿੱਚ ਲਾੜੇ ਨੂੰ ਜੁੱਤੀਆਂ ਨਾਲ ਮਾਰਨ ਦੀ ਪਰੰਪਰਾ ਹੈ। ਇੱਥੇ ਲਾੜੇ ਨੂੰ ਉਲਟਾ ਲਟਕਾਇਆ ਜਾਂਦਾ ਹੈ ਅਤੇ ਫਿਰ ਜੁੱਤੀਆਂ ਅਤੇ ਡੰਡਿਆਂ ਨਾਲ ਕੁੱਟਿਆ ਜਾਂਦਾ ਹੈ। ਇਸ ਰਸਮ ਵਿੱਚ, ਵਿਆਹ ਤੋਂ ਬਾਅਦ, ਲਾੜੇ ਦੇ ਜੁੱਤੇ ਉਤਾਰ ਦਿੱਤੇ ਜਾਂਦੇ ਹਨ ਅਤੇ ਫਿਰ ਉਸਦੇ ਦੋਸਤ ਉਨ੍ਹਾਂ ਨੂੰ ਉਲਟਾ ਲਟਕਾਉਂਦੇ ਹਨ। ਫਿਰ ਇਸਦੇ ਤਲ਼ਿਆਂ ਨੂੰ ਜੁੱਤੀਆਂ, ਸੋਟੀਆਂ ਅਤੇ ਯੈਲੋ ਕੋਰਵੀਨਾ ਨਾਮਕ ਇੱਕ ਖਾਸ ਮੱਛੀ ਨਾਲ ਮਾਰਿਆ ਜਾਂਦਾ ਹੈ।
ਇਸ ਰਸਮ ਰਾਹੀਂ ਲਾੜਾ ਆਪਣੀ ਮਰਦਾਨਗੀ ਦਾ ਸਬੂਤ ਦਿੰਦਾ ਹੈ। ਲਾੜੇ ਨੂੰ ਡੰਡਿਆਂ ਨਾਲ ਜ਼ੋਰਦਾਰ ਕੁੱਟਿਆ ਜਾਂਦਾ ਹੈ। ਉਨ੍ਹਾਂ ਨੂੰ ਜੁੱਤੀਆਂ ਅਤੇ ਮੱਛੀਆਂ ਨਾਲ ਕੁੱਟਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਵੀ ਲਾੜਾ ਆਪਣੇ ਮੂੰਹੋਂ ਇੱਕ ਸੀ ਵੀ ਨਹੀਂ ਕੱਢਦਾ। ਇਹ ਇਸ ਲਈ ਕੀਤਾ ਜਾਂਦਾ ਹੈ ਕਿਉਂਕਿ ਇਹ ਮੰਨਿਆ ਜਾਂਦਾ ਹੈ ਕਿ ਇਹ ਲਾੜੀ ਪ੍ਰਤੀ ਲਾੜੇ ਦੀ ਮਰਦਾਨਗੀ ਨੂੰ ਸਾਬਤ ਕਰਦਾ ਹੈ।
