Sidhu Moosewala ਨੂੰ ਯਾਦ ਕਰ ਫਿਰ ਭਾਵੁਕ ਹੋਇਆ ਜਿਗਰੀ Sunny Malton, ਕਿਹਾ ਅਜੇ ਵੀ ਆਉਂਦੇ ਉਸ ਦੇ ਸੁਪਨੇ
Sunny Malton got emotional talking about Sidhu Moosewala: ਪੰਜਾਬੀ ਸਿੰਗਰ ਸਿੱਧੂ ਮੂਸੇਵਾਲਾ ਦੇ ਕਤਲ ਨੂੰ ਕਈ ਮਹੀਨੇ ਹੋ ਚੁੱਕੇ ਹਨ ਤੇ ਅਜੇ ਤੱਕ ਕੋਈ ਵੀ ਨਾ ਤਾਂ ਉਸ ਦੀ ਕਮੀ ਨੂੰ ਪੂਰਾ ਕਰ ਸਕਿਆ ਹੈ ਅਤੇ ਨਾ ਹੀ ਕੋਈ ਉਸ ਨੂੰ ਭੁੱਲ ਸਕਿਆ ਹੈ। ਹਾਲ ਹੀ ‘ਚ ਜਿੱਥੇ ਸਿੱਧੂ ਦੇ ਪਿਤਾ ਬਲਕੌਰ ਸਿਧੂ ਨੇ ਐਲਾਨ ਕੀਤਾ ਹੈ ਕਿ ਸਿੱਧੂ ਦੀ ਬਰਸੀ ਅਗਲੇ ਮਹੀਨੇ ਹੋਵੇਗੀ ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸਿੱਧੂ ਦੇ ਫੈਨਸ ਨੂੰ ਪਹੁੰਚਣ ਦੀ ਅਪੀਲ ਕੀਤੀ ਹੈ।
ਇਸ ਦੇ ਨਾਲ ਹੀ ਹਾਲ ਹੀ ਵਿੱਚ ਫੇਮਸ ਪੰਜਾਬੀ ਸਿੰਗਰ ਤੇ ਰੈਪਰ ਸੰਨੀ ਮਾਲਟਨ ਨੇ ਵੀ ਆਪਣੇ ਹਾਲੀਆ ਇੰਟਰਵਿਊ ਵਿੱਚ ਇਸ ਬਾਰੇ ਗੱਲ ਕੀਤੀ। ਮਾਲਟਨ ਨੇ ਸਿੱਧੂ ਮੂਸੇਵਾਲਾ ਨੂੰ ਯਾਦ ਕੀਤਾ ਤੇ ਉਸ ਬਾਰੇ ਗੱਲ ਕਰਦਿਆਂ ਭਾਵੁਕ ਹੋ ਗਏ।
ਸੰਨੀ ਮਾਲਟਨ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਦੀ ਕਲੀਪ ਨੂੰ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ। ਵੀਡੀਓ ‘ਚ ਸੰਨੀ ਮਾਲਟਨ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ, ”ਸੁਪਨੇ ਆਈ ਜਾਂਦੇ ਆ ਬਾਈ ਦੇ ਹੁਣ ਵੀ। ਓਹਦੀ ਆਵਾਜ ਮੈਨੂ ਆਉਂਦੀ ਆ ਸੰਨੀ ਐਦਾ ਨੀ, ਹਾਰ ਨੀ ਮੰਨਣੀ..ਚਲ ਤੂੰ ਤਗਦਾ ਹੋ, ਆਹ ਲਾਈਫ ਆ, ਤਾ ਆਪਾ ਬੈਠੇ ਆ ਅੱਜ ਇੱਥੇ”।
View this post on Instagram
ਸਿੱਧੂ ਮੂਸੇਵਾਲਾ ਦੀ ਬੇਵਕਤੀ ਤੇ ਮੰਦਭਾਗੀ ਮੌਤ ਬਾਰੇ ਗੱਲ ਕਰਦੇ ਹੋਏ, ਸੰਨੀ ਮਾਲਟਨ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਨੂੰ ਇਸ ਚੋਂ ਨਿਕਲਣ ਲਈ 8 ਮਹੀਨੇ ਲੱਗ ਗਏ।
ਇਸ ਤੋਂ ਪਹਿਲਾਂ ਸੰਨੀ ਮਾਲਟਨ ਨੇ ਵੀ ਇੰਸਟਾਗ੍ਰਾਮ ‘ਤੇ ਸਿੱਧੂ ਦੀ ਮੌਤ ਤੋਂ ਠੀਕ ਹੋਣ ਬਾਰੇ ਆਪਣੀਆਂ ਭਾਵਨਾਵਾਂ ਸਾਂਝੀਆਂ ਕੀਤੀਆਂ ਸੀ। ਉਨ੍ਹਾਂ ਲਿਖਿਆ, ”ਮੈਂ ਸਿੱਧੂ ਤੋਂ ਬਿਨਾਂ ਟੁੱਟ ਗਿਆ ਹਾਂ। ਜ਼ਿੰਦਗੀ ਫਿਰ ਕਦੇ ਪਹਿਲਾਂ ਵਰਗੀ ਨਹੀਂ ਰਹੇਗੀ।”
View this post on Instagram
ਸਿੱਧੂ ਮੂਸੇਵਾਲਾ ਤੇ ਸੰਨੀ ਮਾਲਟਨ ਦੀ ਸਾਂਝ ਦੀ ਗੱਲ ਕਰੀਏ ਤਾਂ ਦੋਵਾਂ ਕਲਾਕਾਰਾਂ ਨੇ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੀ ਸਭ ਤੋਂ ਮਸ਼ਹੂਰ ਜੋੜੀ ਰਹੀ ਹੈ। ਉਹ ਦੋਵੇ ਇੱਕ ਜ਼ਬਰਦਸਤ ਝਗੜੇ ਨਾਲ ਵੀ ਨਜਿੱਠੇ ਜਿਸ ਨੂੰ ਬਾਅਦ ਵਿੱਚ ਹੱਲ ਕੀਤਾ ਗਿਆ ਅਤੇ ਇੱਕ ਵਾਰ ਫਿਰ ਦੋਵੇਂ ਇੱਕਠੇ ਹੋਏ।
ਦੱਸ ਦਈਏ ਕਿ ਸਿੱਧੂ ਦੇ ਦੇਹਾਂਤ ਨੇ ਸੰਨੀ ਮਾਲਟਨ ਨੂੰ ਬੇਹੱਦ ਪ੍ਰਭਾਵਿੱਤ ਕੀਤਾ। ਕਲਾਕਾਰ ਅਕਸਰ ਸਿੱਧੂ ਮੂਸੇਵਾਲਾ ਨਾਲ ਤਸਵੀਰਾਂ ਅਤੇ ਪੋਸਟਾਂ ਸ਼ੇਅਰ ਕਰਦੇ ਨਜ਼ਰ ਆਉਂਦੇ ਹਨ।
