T20 World Cup 2022 Prize Money: ਟੀ-20 ਵਿਸ਼ਵ ਕੱਪ 2022 ਦਾ ਫਾਈਨਲ ਮੁਕਾਬਲਾ (T20 World Cup 2022 Prize Money)ਪਾਕਿਸਤਾਨ ਅਤੇ ਇੰਗਲੈਂਡ ਵਿਚਾਲੇ ਹੈ। ਇਸ ਮੈਚ ਨੂੰ ਜਿੱਤ ਕੇ ਖਿਤਾਬ ਜਿੱਤਣ ਵਾਲੀ ਟੀਮ ਨੂੰ 1.6 ਮਿਲੀਅਨ ਡਾਲਰ (ਕਰੀਬ 13.05 ਕਰੋੜ ਰੁਪਏ) ਮਿਲਣਗੇ। ਇਸ ਦੇ ਨਾਲ ਹੀ ਫਾਈਨਲ ‘ਚ ਹਾਰਨ ਵਾਲੀ ਟੀਮ 800,000 ਡਾਲਰ (ਕਰੀਬ 6.52 ਕਰੋੜ ਰੁਪਏ) ਆਪਣੇ ਨਾਲ ਲੈ ਜਾਵੇਗੀ। ਇਸ ਤੋਂ ਇਲਾਵਾ ਟੂਰਨਾਮੈਂਟ ‘ਚ ਚੰਗਾ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ‘ਤੇ ਵੀ ਆਈ.ਸੀ.ਸੀ. ਪੈਸੇ ਦੀ ਬਰਸਾਤ ਕਰੇਗੀ। ਪਲੇਅਰ ਆਫ ਦਿ ਟੂਰਨਾਮੈਂਟ ਤੋਂ ਲੈ ਕੇ ਹਰ ਮੈਚ ਵਿੱਚ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਨੂੰ ਇਨਾਮ ਦਿੱਤੇ ਜਾਣਗੇ।
ਟੀ-20 ਵਿਸ਼ਵ ਕੱਪ ਦੀ ਕੁੱਲ ਇਨਾਮੀ ਰਾਸ਼ੀ 5.6 ਮਿਲੀਅਨ ਡਾਲਰ (ਕਰੀਬ 45.68 ਕਰੋੜ ਰੁਪਏ) ਹੈ। ਟੂਰਨਾਮੈਂਟ ਵਿੱਚ ਭਾਗ ਲੈਣ ਵਾਲੀਆਂ ਸਾਰੀਆਂ ਟੀਮਾਂ ਨੂੰ ਇਨਾਮੀ ਰਾਸ਼ੀ ਵਜੋਂ ਇੱਕ ਨਿਸ਼ਚਿਤ ਰਾਸ਼ੀ ਦਿੱਤੀ ਜਾਵੇਗੀ। ਪਹਿਲੇ ਦੌਰ ‘ਚ ਬਾਹਰ ਹੋਣ ਵਾਲੀਆਂ ਟੀਮਾਂ ਨੂੰ ਵੀ 40,000 ਡਾਲਰ (ਕਰੀਬ 32.63 ਲੱਖ ਰੁਪਏ) ਦਿੱਤੇ ਜਾਣਗੇ। ਨਾਮੀਬੀਆ, ਯੂਏਈ, ਵੈਸਟਇੰਡੀਜ਼ ਅਤੇ ਸਕਾਟਲੈਂਡ ਦੀ ਟੀਮ ਨੂੰ 40,000 ਡਾਲਰ ਦਿੱਤੇ ਜਾਣਗੇ।
ਸੈਮੀਫਾਈਨਲ ‘ਚ ਹਾਰਨ ਵਾਲੀਆਂ ਟੀਮਾਂ ਨੂੰ 3.6 ਕਰੋੜ ਰੁਪਏ ਮਿਲਣਗੇ
ਸੈਮੀਫਾਈਨਲ ‘ਚ ਹਾਰਨ ਵਾਲੀ ਭਾਰਤ ਅਤੇ ਨਿਊਜ਼ੀਲੈਂਡ ਦੀ ਟੀਮ ਨੂੰ 400,000 ਡਾਲਰ (ਕਰੀਬ 3.6 ਕਰੋੜ ਰੁਪਏ) ਦਿੱਤੇ ਜਾਣਗੇ। ਇਸ ਦੇ ਨਾਲ ਹੀ ਫਾਈਨਲ ‘ਚ ਪਹੁੰਚੀ ਪਾਕਿਸਤਾਨ ਅਤੇ ਇੰਗਲੈਂਡ ਦੀ ਟੀਮ ‘ਤੇ ਘੱਟੋ-ਘੱਟ 800,000 ਹਜ਼ਾਰ ਡਾਲਰ ਦਾ ਇਨਾਮ ਯਕੀਨੀ ਕੀਤਾ ਹੈ।
ਭਾਰਤ ਨੂੰ 4.56 ਕਰੋੜ ਰੁਪਏ ਮਿਲਣਗੇ
ਇਸ ਵਿਸ਼ਵ ਕੱਪ ‘ਚ ਭਾਰਤੀ ਟੀਮ ਨੂੰ ਕਰੀਬ 4.56 ਕਰੋੜ ਰੁਪਏ ਮਿਲਣਗੇ। ਟੀਮ ਇੰਡੀਆ ਇਸ ਟੂਰਨਾਮੈਂਟ ਦੇ ਸੈਮੀਫਾਈਨਲ ‘ਚ ਪਹੁੰਚ ਗਈ ਹੈ। ਇਸ ਦੇ ਲਈ ਭਾਰਤ ਨੂੰ 3.6 ਕਰੋੜ ਰੁਪਏ ਮਿਲਣਗੇ। ਨਾਲ ਹੀ, ਭਾਰਤ ਨੇ ਸੁਪਰ-12 ਦੌਰ ਵਿੱਚ ਚਾਰ ਮੈਚ ਜਿੱਤੇ ਸਨ ਅਤੇ ਹਰ ਮੈਚ ਜਿੱਤਣ ‘ਤੇ ਟੀਮ ਇੰਡੀਆ ਨੂੰ ਲਗਭਗ 32.62 ਲੱਖ ਰੁਪਏ ਦਿੱਤੇ ਜਾਣਗੇ। ਇਸ ਲਿਹਾਜ਼ ਨਾਲ ਭਾਰਤ ਨੂੰ ਕਰੀਬ 4.56 ਕਰੋੜ ਰੁਪਏ ਮਿਲਣਗੇ।
ਸੁਪਰ-12 ਵਿੱਚ ਬਾਹਰ ਹੋਣ ਵਾਲੀਆਂ ਟੀਮਾਂ ਨੂੰ 57 ਲੱਖ ਰੁਪਏ
ਸੁਪਰ-12 ਪੜਾਅ ਤੋਂ ਬਾਹਰ ਹੋਣ ਵਾਲੀਆਂ ਅੱਠ ਟੀਮਾਂ ਨੂੰ $70,000 (ਲਗਭਗ 57.08 ਲੱਖ ਰੁਪਏ) ਮਿਲਣਗੇ। ਆਸਟ੍ਰੇਲੀਆ, ਅਫਗਾਨਿਸਤਾਨ, ਆਇਰਲੈਂਡ ਅਤੇ ਸ਼੍ਰੀਲੰਕਾ ਸੁਪਰ-12 ਪੜਾਅ ‘ਚ ਪਹਿਲੇ ਗਰੁੱਪ ‘ਚੋਂ ਬਾਹਰ ਹੋ ਗਏ। ਇਸ ਦੇ ਨਾਲ ਹੀ ਦੱਖਣੀ ਅਫਰੀਕਾ, ਬੰਗਲਾਦੇਸ਼, ਨੀਦਰਲੈਂਡ ਅਤੇ ਜ਼ਿੰਬਾਬਵੇ ਦੀਆਂ ਟੀਮਾਂ ਦੂਜੇ ਗਰੁੱਪ ਤੋਂ ਬਾਹਰ ਹੋ ਗਈਆਂ ਹਨ।
ਇਨਾਮ ਸੂਚੀ:
ਪ੍ਰਤੀ ਟੀਮ ਰਾਊਂਡ ਕੁੱਲ
ਜੇਤੂ 1 ਲਗਭਗ 13.05 ਕਰੋੜ ਰੁਪਏ ਲਗਭਗ 13.05 ਕਰੋੜ ਰੁਪਏ
ਉਪ ਜੇਤੂ 1 ਲਗਭਗ 6.52 ਕਰੋੜ ਰੁਪਏ ਲਗਭਗ 6.52 ਕਰੋੜ ਰੁਪਏ
ਸੈਮੀਫਾਈਨਲ 2 ਹਾਰ ਕੇ ਲਗਭਗ 3.26 ਕਰੋੜ ਰੁਪਏ ਲਗਭਗ 6.52 ਕਰੋੜ ਰੁਪਏ
30 ਸੁਪਰ-12 ‘ਚ ਜਿੱਤ ‘ਤੇ 32.62 ਲੱਖ ਰੁਪਏ ਲਗਭਗ 9.76 ਕਰੋੜ ਰੁਪਏ
8 ਸੁਪਰ-12 ‘ਚ ਹਾਰ ‘ਤੇ 57.08 ਲੱਖ ਰੁਪਏ ਲਗਭਗ 4.55 ਕਰੋੜ ਰੁਪਏ
ਪਹਿਲਾ ਗੇੜ ਜਿੱਤਣ ‘ਤੇ 12 ਲਗਭਗ 32.50 ਲੱਖ ਰੁਪਏ ਲਗਭਗ 3.90 ਕਰੋੜ ਰੁਪਏ
4 ਲਗਭਗ 32.50 ਲੱਖ ਰੁਪਏ ਲਗਭਗ 1.29 ਕਰੋੜ ਰੁਪਏ ਜੇ ਪਹਿਲੇ ਦੌਰ ਵਿੱਚ ਹਾਰ ਗਏ
ਕੁੱਲ – – ਲਗਭਗ 45.68 ਕਰੋੜ ਰੁਪਏ
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
Android: https://bit.ly/3VMis0h
