ਅਸੀਂ ਸਾਰੇ ਆਪਣੀ ਜ਼ਿੰਦਗੀ ਦੇ ਕਿਸੇ ਨਾ ਕਿਸੇ ਮੋੜ ‘ਤੇ ਇਹ ਜ਼ਰੂਰ ਸੋਚਦੇ ਹਾਂ ਕਿ ਸ਼ਾਇਦ ਜੇ ਅਸੀਂ ਘਰ ਬੈਠ ਹੀ ਕਰੋੜਪਤੀ ਬਣ ਜਾਂਦੇ ਤਾਂ ਕਿੰਨਾ ਚੰਗਾ ਹੁੰਦਾ। ਅਸੀਂ ਸਾਰੀਆਂ ਚੀਜ਼ਾਂ ਪਲ ਭਰ ਵਿਚ ਖਰੀਦ ਲੈਣੀਆਂ ਸੀ। ਹਾਲਾਂਕਿ ਇਹ ਸਿਰਫ ਇਕ ਸੁਪਨਾ ਹੈ ਪਰ ਅਸਲ ਜ਼ਿੰਦਗੀ ਵਿਚ ਬਹੁਤ ਘੱਟ ਲੋਕ ਹਨ ਜਿਨ੍ਹਾਂ ਨੂੰ ਬਿਨਾਂ ਕੰਮ ਦੇ ਇੰਨੇ ਪੈਸੇ ਮਿਲ ਜਾਂਦੇ ਹਨ। ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਕੁੜੀ ਬਾਰੇ ਦੱਸਣ ਜ ਰਿਹੇ ਹਾਂ ਜੋ ਰਾਤੋ-ਰਾਤ ਕਰੋੜਪਤੀ ਬਣ ਗਈ ਅਤੇ ਲਗਭਗ ਇੱਕ ਸਾਲ ਤੱਕ ਉਹ ਪੈਸੇ ਖਰਚ ਕਰਦੀ ਰਹੀ।
ਇਹ ਵੀ ਪੜ੍ਹੋ- ਟੈਲੀਕਾਮ ਕੰਪਨੀਆਂ ‘ਤੇ ਸਖ਼ਤ ਹੋਈ TRAI, 28 ਦਾ ਨਹੀਂ ਹੁਣ 30 ਦਿਨਾਂ ਦਾ ਹੋਵੇਗਾ ਪਲੈਨ
ਵੈਸਟਪੈਕ ਬੈਂਕ ਦੀ ਇੱਕ ਗਲਤੀ ਕਾਰਨ ਕ੍ਰਿਸਟੀਨ ਜਿਆਕਸਿਨ ਨਾਮ ਦੀ ਵਿਦਿਆਰਥਣ ਨੇ ਇੱਕ ਸਾਲ ਦਾ ਸ਼ਾਹੀ ਜੀਵਨ ਬਤੀਤ ਕੀਤਾ। ਉਸ ਨੇ ਆਪਣੇ ਮਹਿੰਗੇ ਬੈਗ, ਕੱਪੜਿਆਂ ਅਤੇ ਅਪਾਰਟਮੈਂਟ ‘ਤੇ ਹੀ 11 ਮਹੀਨਿਆਂ ‘ਚ ਕਰੋੜਾਂ ਰੁਪਏ ਖਰਚ ਕੀਤੇ। ਇਹ ਕਹਾਣੀ ਬਹੁਤ ਦਿਲਚਸਪ ਹੈ, ਜਿੱਥੇ ਸਿਰਫ ਕੁਝ ਦਿਨਾਂ ਲਈ ਪਰ ਲੜਕੀ ਆਪਣੀ ਸੁਪਨਿਆਂ ਵਾਲੀ ਜ਼ਿੰਦਗੀ ਜੀਉਂਦੀ ਹੈ।
ਖਾਤੇ ‘ਚ 24 ਕਰੋੜ ਰੁਪਏ ਆ ਗਏ
ਮਕੈਨੀਕਲ ਇੰਜਨੀਅਰਿੰਗ ਦੀ ਵਿਦਿਆਰਥਣ ਕ੍ਰਿਸਟੀਨ ਜਿਆਕਸਿਨ ਸਿਡਨੀ ਵਿੱਚ ਪੜ੍ਹਦੀ ਸੀ। ਵੈਸਟਪੈਕ ਬੈਂਕ ਵੱਲੋਂ 2 ਸਾਲ ਪਹਿਲਾਂ ਉਸ ਦੇ ਖਾਤੇ ‘ਚ ਕੀਤੀ ਗਈ ਗਲਤੀ ਕਾਰਨ £2.6 ਮਿਲੀਅਨ ਯਾਨੀ 24 ਕਰੋੜ ਰੁਪਏ ਤੋਂ ਜ਼ਿਆਦਾ ਭਾਰਤੀ ਕਰੰਸੀ ‘ਚ ਆਈ। 21 ਸਾਲਾ ਕ੍ਰਿਸਟੀਨ ਜਿਆਕਸਿਨ ਨੇ ਜਦੋਂ ਇੰਨੇ ਪੈਸੇ ਦੇਖੇ ਤਾਂ ਉਸ ਨੇ ਆਪਣੇ ਖਰਚੇ ਵਧਾ ਦਿੱਤੇ। 11 ਮਹੀਨਿਆਂ ਦੇ ਅੰਦਰ ਕੁੜੀ ਨੇ ਬਹੁਤ ਸਾਰਾ ਪੈਸਾ ਖਰਚ ਕੀਤਾ। ਉਸ ਨੇ ਗਹਿਣਿਆਂ ਅਤੇ ਕੱਪੜਿਆਂ ਤੋਂ ਲੈ ਕੇ ਇਲਾਕੇ ਦੇ ਇੱਕ ਮਹਿੰਗੇ ਪੈਂਟਹਾਊਸ ਵਿੱਚ ਆਪਣਾ ਘਰ ਬਣਾਉਣ ਤੱਕ ਹਰ ਚੀਜ਼ ‘ਤੇ ਪੈਸਾ ਖਰਚ ਕੀਤਾ।
ਫਿਰ ਬੈਂਕ ਨੂੰ ਗਲਤੀ ਦਾ ਅਹਿਸਾਸ ਹੋਇਆ
ਲੜਕੀ ਨੇ ਆਪਣੇ ਮਹਿੰਗੇ ਸ਼ੌਕ ਅਤੇ ਲਗਜ਼ਰੀ ‘ਤੇ 18 ਕਰੋੜ ਤੋਂ ਵੱਧ ਖਰਚ ਕੀਤੇ ਅਤੇ ਕਰੀਬ 2500 ਪੌਂਡ ਯਾਨੀ 2.3 ਲੱਖ ਰੁਪਏ ਗੁਪਤ ਬੈਂਕ ਖਾਤਿਆਂ ‘ਚ ਟਰਾਂਸਫਰ ਕੀਤੇ। ਮਲੇਸ਼ੀਆ ‘ਚ ਰਹਿਣ ਵਾਲੀ ਵਿਦਿਆਰਥੀ ਦੇ ਬੁਆਏਫ੍ਰੈਂਡ ਦਾ ਦਾਅਵਾ ਹੈ ਕਿ ਉਸ ਨੂੰ ਇਸ ਬਾਰੇ ਕੁਝ ਨਹੀਂ ਪਤਾ, ਜਦਕਿ ਕ੍ਰਿਸਟੀਨ ਖੁਦ ਭੱਜ ਗਈ। ਅਧਿਕਾਰੀਆਂ ਨੇ ਸਾਰੀਆਂ ਵਸਤਾਂ ਰਾਹੀਂ ਕਰੀਬ 10 ਕਰੋੜ ਰੁਪਏ ਦੀ ਰਕਮ ਜਮ੍ਹਾਂ ਕਰਵਾਈ ਹੈ ਪਰ ਬਾਕੀ ਰਕਮ ਉਨ੍ਹਾਂ ਨੂੰ ਨਹੀਂ ਮਿਲੀ। ਗ੍ਰਿਫਤਾਰੀ ਤੋਂ ਬਾਅਦ ਕ੍ਰਿਸਟੀਨ ਨੇ ਕਿਹਾ ਕਿ ਉਸ ਨੂੰ ਲੱਗਾ ਕਿ ਉਸ ਦੇ ਮਾਤਾ-ਪਿਤਾ ਨੇ ਉਸ ਦੇ ਖਾਤੇ ‘ਚ ਇੰਨੇ ਪੈਸੇ ਟਰਾਂਸਫਰ ਕੀਤੇ ਹਨ।
