India vs Australia FIH Pro League 2022: ਭਾਰਤ ਅਤੇ ਆਸਟ੍ਰੇਲੀਆ ਵਿਚਕਾਰ ਹਾਕੀ ਦੀ 5 ਮੈਚਾਂ ਦੀ ਲੜੀ ਖੇਡੀ, ਜਿਸ ਦਾ ਆਖਰੀ ਮੈਚ ਐਤਵਾਰ ਨੂੰ ਐਡੀਲੇਡ ਦੇ ਮੈਦਾਨ ‘ਤੇ ਖੇਡਿਆ ਗਿਆ। ਭਾਰਤੀ ਟੀਮ ਨੇ ਪਹਿਲੇ 4 ਮੈਚਾਂ ‘ਚੋਂ 3 ‘ਚ ਹਾਰ ਦਾ ਸਾਹਮਣਾ ਕੀਤਾ। ਹਾਲਾਂਕਿ ਸੀਰੀਜ਼ ਦੇ ਆਖਰੀ ਮੈਚ ‘ਚ ਭਾਰਤੀ ਟੀਮ ਨੇ ਵਧੀਆ ਪਰਫੋਮ ਕੀਤਾ। ਪਰ ਇਸ ਦੇ ਬਾਵਜੂਦ ਭਾਰਤ ਨੂੰ ਇਹ ਮੈਚ 4-5 ਨਾਲ ਹਾਰਨਾ ਪਿਆ।
ਭਾਰਤੀ ਟੀਮ ਲਈ ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਦੋ ਗੋਲ ਕੀਤੇ, ਪਰ ਇਸ ਦੇ ਬਾਵਜੂਦ ਉਹ ਭਾਰਤੀ ਟੀਮ ਨੂੰ ਹਾਰ ਤੋਂ ਬਚਾਉਣ ਵਿੱਚ ਨਾਕਾਮ ਰਹੇ। ਜਨਵਰੀ ‘ਚ ਹੋਣ ਵਾਲੇ ਐੱਫ.ਆਈ.ਐੱਚ. ਓਡੀਸ਼ਾ ਹਾਕੀ ਪੁਰਸ਼ ਵਿਸ਼ਵ ਕੱਪ 2023 ਭੁਵਨੇਸ਼ਵਰ-ਰੂਰਕੇਲਾ ਦੀ ਤਿਆਰੀ ‘ਚ ਪੰਜ ਮੈਚਾਂ ਦੀ ਅਹਿਮ ਸੀਰੀਜ਼ ‘ਚ ਭਾਰਤੀਆਂ ਨੇ ਆਸਟ੍ਰੇਲੀਆ ਖਿਲਾਫ ਛੇ ਸਾਲਾਂ ‘ਚ ਪਹਿਲੀ ਜਿੱਤ ਹਾਸਿਲ ਕੀਤੀ।
ਐਤਵਾਰ ਨੂੰ ਅੱਧੇ ਸਮੇਂ ਤੱਕ 3-1 ਨਾਲ ਅੱਗੇ ਚੱਲ ਰਹੇ ਆਸਟਰੇਲੀਆ ਨੇ ਟੌਮ ਵਿਕਹੈਮ (5′, 17′), ਅਰਾਨ ਜ਼ਾਲੇਵਸਕੀ (30′), ਜੈਕਬ ਐਂਡਰਸਨ (40′), ਅਤੇ ਜੇਕ ਵੇਟਨ (54’) ਦੇ ਗੋਲਾਂ ਦੀ ਬਦੌਲਤ ਆਪਣੀ ਜਿੱਤ ਹਾਸਲ ਕੀਤੀ। ਭਾਰਤ ਲਈ ਕਪਤਾਨ ਹਰਮਨਪ੍ਰੀਤ ਸਿੰਘ (24 ਮਿੰਟ 60 ਮਿੰਟ), ਅਮਿਤ ਰੋਹੀਦਾਸ (34 ਮਿੰਟ) ਅਤੇ ਸੁਖਜੀਤ ਸਿੰਘ (55 ਮਿੰਟ) ‘ਤੇ ਗੋਲ ਕੀਤੇ।
ਸੀਰੀਜ਼ ‘ਤੇ ਕਮੈਂਟ ਕਰਦੇ ਹੋਏ, ਭਾਰਤੀ ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਕਿਹਾ ਕਿ ਮੌਕੇ ਨੂੰ ਛੱਡਣਾ ਅਤੇ ‘ਲਗਾਤਾਰਤਾ ਦੀ ਘਾਟ’ ਉਸ ਨੂੰ ਇਸ ਸੀਰੀਜ਼ ਤੋਂ ਸਬਕ ਮਿਲੇਗਾ, ਜਦਕਿ ਸਕਾਰਾਤਮਕ ਟੀਮ ਦੀ ਲੜਾਈ ਅਤੇ ਸਕੋਰਿੰਗ ਕੁਸ਼ਲਤਾ ਟੀਮ ਲਈ ਚੰਗੀ ਗੱਲ ਹੈ। ਭਾਰਤ ਦੇ ਕੋਚ ਗ੍ਰਾਹਮ ਰੀਡ ਨੇ ਮੌਜੂਦਾ ਵਿਸ਼ਵ ਚੈਂਪੀਅਨ ਖ਼ਿਲਾਫ਼ ਉਸ ਦੀ ਟੀਮ ਵੱਲੋਂ ਕੀਤੇ ਗਏ 17 ਗੋਲਾਂ ਨੂੰ ਇਕ ਖ਼ਾਸ ਗੱਲ ਦੱਸਦਿਆਂ, ਕਿਹਾ ਕਿ ਇਨ੍ਹਾਂ ਦੌਰਿਆਂ ਤੋਂ ਬਹੁਤ ਕੁਝ ਸਿੱਖਣ ਨੂੰ ਮਿਲੇਗਾ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
