ਕਪਿਲ ਸ਼ਰਮਾ ਸ਼ੋਅ ਫੇਮ ਸੁਮੋਨਾ ਚੱਕਰਵਰਤੀ 24 ਜੂਨ ਨੂੰ ਆਪਣਾ ਜਨਮਦਿਨ ਮਨਾ ਰਹੀ ਹੈ। ਸੁਮੋਨਾ ਇਨ੍ਹੀਂ ਦਿਨੀਂ ਕਾਮੇਡੀਅਨ ਵਜੋਂ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਸੁਮੋਨਾ ਨੂੰ ਕਾਫੀ ਖੁਸ਼ ਸੁਭਾਅ ਦ ਮੰਨਿਆਂ ਜਾਂਦਾ ਹੈ ਪਰ ਅਦਾਕਾਰਾ ਨੇ ਜ਼ਿੰਦਗੀ ‘ਚ ਕਈ ਉਤਰਾਅ-ਚੜ੍ਹਾਅ ਵੀ ਦੇਖੇ ਹਨ। ਆਓ ਤੁਹਾਨੂੰ ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ ‘ਤੇ ਉਨ੍ਹਾਂ ਨਾਲ ਜੁੜੀਆਂ ਕੁਝ ਦਿਲਚਸਪ ਗੱਲਾਂ ਦੱਸਦੇ ਹਾਂ।
ਸੁਮੋਨਾ ਬਚਪਨ ਤੋਂ ਹੀ ਕਾਫੀ ਐਕਟਿਵ ਰਹੀ ਹੈ। ਉਸਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਆਮਿਰ ਖਾਨ ਅਤੇ ਮਨੀਸ਼ਾ ਕੋਇਰਾਲਾ ਸਟਾਰਰ ਫਿਲਮ ‘ਮਨ’ ਨਾਲ ਕੀਤੀ ਸੀ। ਉਦੋਂ ਉਹ 10 ਸਾਲ ਦੀ ਸੀ। ਹਾਲ ਹੀ ‘ਚ ਅਦਾਕਾਰਾ ਨੇ ਵੀਡੀਓ ਸ਼ੇਅਰ ਕਰਕੇ ਇਸ ਗੱਲ ਦਾ ਖੁਲਾਸਾ ਕੀਤਾ ਹੈ।
ਸੁਮੋਨਾ ਭਾਵੇਂ ਟੀਵੀ ਅਦਾਕਾਰਾ ਹੋਵੇ ਪਰ ਬੋਲਡਨੈੱਸ ਵਿੱਚ ਉਹ ਕਿਸੇ ਤੋਂ ਘੱਟ ਨਹੀਂ ਹੈ। ਅਦਾਕਾਰਾ ਨੂੰ ਬੀਚ ‘ਤੇ ਜਾਣਾ ਪਸੰਦ ਹੈ। ਸੁਮੋਨਾ ਆਪਣੀਆਂ ਬਿਕਨੀ ਪਹਿਨੇ ਤਸਵੀਰਾਂ ਨਾਲ ਕਈ ਵਾਰ ਇੰਟਰਨੈੱਟ ਦਾ ਤਾਪਮਾਨ ਵਧਾ ਚੁੱਕੀ ਹੈ।
ਸੁਮੋਨਾ ਨੂੰ ਮਹਿੰਗੀਆਂ ਗੱਡੀਆਂ ਦਾ ਵੀ ਬਹੁਤ ਸ਼ੌਕ ਹੈ ਅਤੇ ਉਹ ਫਰਾਰੀ ਅਤੇ ਮਰਸਡੀਜ਼ ਵਰਗੀਆਂ ਮਹਿੰਗੀਆਂ ਕਾਰਾਂ ਦੀ ਮਾਲਕ ਹੈ। ਸੁਮੋਨਾ ਨੂੰ ਜ਼ਿਆਦਾਤਰ ਮਰਸਡੀਜ਼ ‘ਚ ਸਫਰ ਕਰਦੇ ਦੇਖਿਆ ਗਿਆ ਹੈ।
ਸੁਮੋਨਾ ਚੱਕਰਵਰਤੀ ਇਸ ਸਮੇਂ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਦੀ ਟੀਮ ਨਾਲ ਵਰਲਡ ਟੂਰ ‘ਤੇ ਹੈ। ਸੁਮੋਨਾ ਕਰੀਬ ਦਸ ਸਾਲਾਂ ਤੋਂ ਇਸ ਸ਼ੋਅ ਨਾਲ ਜੁੜੀ ਹੋਈ ਹੈ। ਇਸ ਸ਼ੋਅ ਦੀ ਬਦੌਲਤ ਸੁਮੋਨਾ ਨੂੰ ਟੈਲੀਵਿਜ਼ਨ ਐਵਾਰਡ ਵੀ ਮਿਲ ਚੁੱਕਾ ਹੈ।
ਦੱਸ ਦੇਈਏ ਕਿ ਸੁਮੋਨਾ ਇਸ ਸਮੇਂ ਗੰਭੀਰ ਬੀਮਾਰੀ ਨਾਲ ਜੂਝ ਰਹੀ ਹੈ। ਸੁਮੋਨਾ ਨੇ ਖੁਦ ਦੱਸਿਆ ਕਿ ਉਹ ਸਟੇਜ-4 ਐਂਡੋਮੈਟਰੀਓਸਿਸ ਨਾਲ ਜੂਝ ਰਹੀ ਹੈ। ਸੁਮੋਨਾ ਨੇ ਦੱਸਿਆ ਸੀ ਕਿ ਇਸ ਬੀਮਾਰੀ ਕਾਰਨ ਉਸ ਨੂੰ ਕਾਫੀ ਮੁਸ਼ਕਿਲਾਂ ਅਤੇ ਤਕਲੀਫਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
