ਮਿਸੀਸਾਗਾ ‘ਚ ਇਕ ਸੜਕ ਹਾਦਸੇ ‘ਚ 20 ਸਾਲ ਦੀ ਨਵਨੀਤ ਕੌਰ ਬਿਲਿੰਗ ਦੀ ਮੌਤ ਹੋ ਗਈ | ਜਾਣਕਾਰੀ ਅਨੁਸਾਰ ਵੀਰਵਾਰ 13 ਅਕਤੂਬਰ 2022 ਨੂੰ ਸਵੇਰੇ 5:30 ਵਜੇ ਮਿਸੀਸਾਗਾ ਸ਼ਹਿਰ ਦੇ ਬ੍ਰਿਟੈਨਿਆ ਰੋਡ ਅਤੇ ਟੋਮਕੇਨ ਰੋਡ ‘ਤੇ, ਉਹ ਟੋਮਕੇਨ ਰੋਡ ਪਾਰ ਕਰ ਰਹੀ ਸੀ ਜਦੋਂ ਉਸਨੂੰ ਇੱਕ ਕਾਰ ਨੇ ਟੱਕਰ ਮਾਰ ਦਿੱਤੀ। ਉਸ ਨੂੰ ਟਰਾਮਾ ਸੈਂਟਰ ਲਿਜਾਇਆ ਗਿਆ ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ |
ਵਾਹਨ ਚਾਲਕ ਟੱਕਰ ਮਾਰ ਮੌਕੇ ਤੋਂ ਫ਼ਰਾਰ ਹੋ ਗਿਆ | ਮਹੀਨਾ ਪਹਿਲਾਂ ਨਵਨੀਤ ਨੇ ਆਪਣਾ ਕਾਲਜ ਪਾਸ ਕੀਤਾ ਸੀ ਅਤੇ ਆਪਣੇ ਵਰਕ ਪਰਮਿਟ ਦੀ ਉਡੀਕ ਕਰ ਰਹੀ ਸੀ।ਅੰਤਿਮ ਰਸਮਾਂ ਲਈ ਉਸਦੀ ਮ੍ਰਿਤਕ ਦੇਹ ਨੂੰ ਪੰਜਾਬ ਭੇਜਣ ਲਈ ਫੰਡ ਇਕੱਠਾ ਕੀਤਾ ਜਾ ਰਿਹਾ ਹੈ।
