Most Expensive Potato: ਆਲੂ ਨੂੰ ਸਬਜ਼ੀਆਂ ਦਾ ਰਾਜਾ ਕਿਹਾ ਜਾਂਦਾ ਹੈ, ਹਰ ਕਿਸੇ ਦੇ ਘਰ ਇਸ ਤੋਂ ਕਈ ਤਰ੍ਹਾਂ ਦੇ ਸੁਆਦੀ ਪਕਵਾਨ ਬਣਾਏ ਜਾਂਦੇ ਹਨ। ਜਦੋਂ ਵੀ ਤੁਸੀਂ ਮੰਡੀ ਜਾਂਦੇ ਹੋ ਤਾਂ ਆਲੂਆਂ ਦਾ ਭਾਅ 30 ਤੋਂ 70 ਰੁਪਏ ਪ੍ਰਤੀ ਕਿਲੋ ਰਹਿੰਦਾ ਹੈ। ਅਜਿਹੇ ‘ਚ ਜੇਕਰ ਇੱਕ ਕਿਲੋ ਆਲੂ ਦੀ ਕੀਮਤ 40 ਤੋਂ 50 ਹਜ਼ਾਰ ਰੁਪਏ ਦੱਸੀ ਜਾਵੇ ਤਾਂ ਤੁਸੀਂ ਪੂਰੀ ਤਰ੍ਹਾਂ ਹੈਰਾਨ ਰਹਿ ਜਾਓਗੇ।
ਜੀ ਹਾਂ ਇਹ ਸੱਚ ਹੈ। ਦੱਸ ਦਈਏ ਕਿ ਆਲੂਆਂ ਦੀ ਇੱਕ ਅਜਿਹੀ ਕਿਸਮ ਵੀ ਹੈ ਜਿਸ ਦੀ ਇੱਕ ਕਿਲੋ ਦੀ ਕੀਮਤ 50 ਹਜ਼ਾਰ ਦੇ ਕਰੀਬ ਹੈ। Le Bonnotte ਨਾਮ ਦੇ ਇਸ ਆਲੂ ਦੀ ਕਾਸ਼ਤ ਫਰਾਂਸੀਸੀ ਟਾਪੂ Ile de Noirmoutier ਵਿੱਚ ਕੀਤੀ ਜਾਂਦੀ ਹੈ। ਇਸ ਦੀ ਕਾਸ਼ਤ ਰੇਤਲੀ ਮਿੱਟੀ ‘ਤੇ ਕੀਤੀ ਜਾਂਦੀ ਹੈ। ਸਮੁਦਰੀ ਸ਼ੈਵਾਲ ਇਸਦੀ ਖਾਦ ਲਈ ਕੰਮ ਕਰਦੇ ਹਨ। ਕਿਹਾ ਜਾਂਦਾ ਹੈ ਕਿ ਇਸ ਆਲੂ ਲਈ ਸਿਰਫ 50 ਵਰਗ ਮੀਟਰ ਜ਼ਮੀਨ ‘ਤੇ ਹੀ ਖੇਤੀ ਕੀਤੀ ਜਾਂਦੀ ਹੈ।
ਦੁਨੀਆਂ ਦੀ ਸਭ ਤੋਂ ਮਹਿੰਗੀਆਂ ਸਬਜ਼ੀਆਂ ‘ਚ ਸ਼ਾਮਲ-
potatoreview ਵੈੱਬਸਾਈਟ ਦੇ ਮੁਤਾਬਕ, ਇਸਦੀ ਐਵਰੇਜ ਕੀਮਤ ਪ੍ਰਤੀ ਕਿਲੋਗ੍ਰਾਮ 500 ਯੂਰੋ ਯਾਨੀ ਲਗਪਗ 44282 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਹਾਲਾਂਕਿ ਇਸਦੀ ਕੀਮਤ ਲਗਾਤਾਰ ਵੱਧਦੀ ਰਹਿੰਦੀ ਹੈ। ਗਲੋਬਲ ਮੀਡੀਆ ਕੰਪਨੀ ਕੌਂਡੇ ਨਾਸਟ ਟਰੈਵਲ ਨੇ ਇਸ ਨੂੰ ਦੁਨੀਆ ਦੀਆਂ ਪੰਜ ਸਭ ਤੋਂ ਮਹਿੰਗੀਆਂ ਸਬਜ਼ੀਆਂ ਵਿੱਚ ਸ਼ਾਮਲ ਕੀਤਾ ਹੈ।
ਇਸ ਆਲੂ ਨੂੰ ਵੱਖਰੀ ਪ੍ਰਜਾਤੀ ਦੀ ਸ਼੍ਰੇਣੀ ਵਿੱਚ ਰੱਖਿਆ ਗਿਆ ਹੈ। Le Bonnotte ਹਰ ਸਾਲ ਸਿਰਫ 10 ਦਿਨਾਂ ਲਈ ਪਾਇਆ ਜਾਂਦਾ ਹੈ। ਇਸ ਦੀ ਕਾਸ਼ਤ ਲਈ ਬਹੁਤ ਧਿਆਨ ਰੱਖਣਾ ਪੈਂਦਾ ਹੈ। ਲਾ ਬੋਨੋਟੇ ਆਲੂ ਬੀਜਣ ਤੋਂ ਤਿੰਨ ਮਹੀਨੇ ਬਾਅਦ ਇਸ ਨੂੰ ਪੁੱਟਿਆ ਜਾਂਦਾ ਹੈ, ਇਹ ਫਰਵਰੀ ਵਿੱਚ ਬੀਜਿਆ ਜਾਂਦਾ ਹੈ ਅਤੇ ਮਈ ਵਿੱਚ ਪੁੱਟਿਆ ਜਾਂਦਾ ਹੈ। ਇਸ ਆਲੂ ਨੂੰ ਜ਼ਮੀਨ ਤੋਂ ਹਟਾਉਣ ਲਈ ਹਲਕੇ ਹੱਥ ਦੀ ਵਰਤੋਂ ਕਰਨੀ ਪੈਂਦੀ ਹੈ, ਨਹੀਂ ਤਾਂ ਇਹ ਖਰਾਬ ਹੋ ਸਕਦਾ ਹੈ।
ਇਸ ਆਲੂ ਦਾ ਸੇਵਨ ਕਈ ਬਿਮਾਰੀਆਂ ਨੂੰ ਠੀਕ ਕਰਨ ਲਈ ਵੀ ਕੀਤਾ ਜਾਂਦਾ ਹੈ। ਈ-ਕਾਮਰਸ ਵੈੱਬਸਾਈਟ ਟਰੇਡ ਇੰਡੀਆ ‘ਤੇ ਇੱਕ ਕਿਲੋ ਲੇ ਬੋਨੋਟੇ ਦੀ ਕੀਮਤ 690 ਅਮਰੀਕੀ ਡਾਲਰ ਯਾਨੀ 56,020 ਕਿਲੋਗ੍ਰਾਮ ਹੈ। ਇਸ ਦੇ ਨਾਲ ਹੀ ਗੋ ਫਾਰ ਵਰਲਡ ਬਿਜ਼ਨਸ ‘ਤੇ 500 ਗ੍ਰਾਮ ਆਲੂ ਦੀ ਕੀਮਤ 300 ਡਾਲਰ ਯਾਨੀ 24 ਹਜ਼ਾਰ ਰੁਪਏ ਹੈ।
