ਥਾਈਲੈਂਡ ਵਿੱਚ ਇੱਕ ਮੱਝ ਚਰਚਾ ਦਾ ਵਿਸ਼ਾ ਬਣ ਗਈ ਹੈ। ਇਹ ਮੱਝ ਇਸ ਦੇ ਮਾਲਕ ਦੀ ਹਰ ਮਹੀਨੇ ਵੱਡੀ ਆਮਦਨ ਦਾ ਕਾਰਨ ਹੈ। ਦਰਅਸਲ ਇਸ ਦਾ ਮਾਲਕ ਇਸ ਜਲ ਮੱਝ ਦਾ ਵੀਰਜ ਵੇਚ ਕੇ ਹਰ ਮਹੀਨੇ 25 ਲੱਖ ਰੁਪਏ ਕਮਾ ਲੈਂਦਾ ਹੈ। ਇਸ ਮੱਝ ਦੇ ਵੀਰਜ ਦੀ ਵਰਤੋਂ ਨਸਲ ਸੁਧਾਰ ਲਈ ਕੀਤੀ ਜਾਂਦੀ ਹੈ। ਤਾਂ ਜੋ ਮੱਝਾਂ ਦੀ ਆਉਣ ਵਾਲੀ ਨਸਲ ਤਾਕਤਵਰ ਹੋਵੇ।
ਮੋਂਗਕੋਲ ਮੋਂਗਫੇਟ, ਜੋ ਮੋਟੀ ਕਮਾਈ ਕਰਨ ਵਾਲੇ ਆਪਣੀ ਮੱਝ ਨੂੰ ‘ਬਿੱਗ ਬਿਲੀਅਨ’ ਕਹਿੰਦਾ ਹੈ। ਉਹ ਇਸਨੂੰ ਮੁਕਾਬਲਿਆਂ ਵਿੱਚ ਲੈ ਜਾਂਦਾ ਹੈ। ‘ਬਿਗ ਬਿਲੀਅਨ’ ਕਈ ਮੁਕਾਬਲੇ ਵੀ ਜਿੱਤ ਚੁੱਕਿਆ ਹੈ। ਉਸ ਕੋਲ ਅਜਿਹੀਆਂ 20 ਮੱਝਾਂ ਹਨ।
‘ਬਿਗ ਬਿਲੀਅਨ’ ਖਰੀਦਣ ਲਈ ਲਾਈਨਾਂ ‘ਚ ਲੱਗੇ ਲੋਕ
ਕਲਾਸਿਨ ਸ਼ਹਿਰ ਦੇ ਵਸਨੀਕ ਮੋਗਕੋਲ ਦਾ ਕਹਿਣਾ ਹੈ ਕਿ ਉਸ ਦਾ ‘ਬਿਗ ਬਿਲੀਅਨ’ ਖਰੀਦਣ ਦੇ ਚਾਹਵਾਨ ਲੋਕਾਂ ਦੀ ਲਾਈਨ ਲੱਗੀ ਹੋਈ ਹੈ। ਉਸ ਨੇ ਦੱਸਿਆ ਕਿ ਇੱਕ ਕਿਸਾਨ ਨੇ ਇਸ ਮੱਝ ਨੂੰ ਖਰੀਦਣ ਲਈ ਸਾਢੇ ਸੱਤ ਕਰੋੜ ਰੁਪਏ ਦੀ ਕੀਮਤ ਰੱਖੀ ਸੀ। ਮੋਂਗਕੋਲ ਨੇ ਇਹ ਮੱਝ 12 ਲੱਖ ਰੁਪਏ ਵਿੱਚ ਖਰੀਦੀ ਹੈ। ਹਾਲਾਂਕਿ ਅੱਜ ਉਹ ਇਸ ਮੱਝ ਦੀ ਬਦੌਲਤ ਇਸ ਤੋਂ ਦੁੱਗਣੇ ਤੋਂ ਵੀ ਵੱਧ ਕਮਾਈ ਕਰ ਰਿਹਾ ਹੈ।
ਭਾਰਤ ‘ਚ ਵੀ ਹੈ ਅਜਿਹੀ ਹੀ ਇੱਕ ਮੱਝ
ਵੈਸੇ ਤਾਂ ਅਜਿਹੀ ਕੀਮਤੀ ਮੱਝ ਭਾਰਤ ਵਿੱਚ ਵੀ ਹੈ। ਇਸ ਮੱਝ ਦਾ ਨਾਂ ਭੀਮ ਹੈ ਅਤੇ ਇਹ ਮੁਰਾਹ ਜਾਤੀ ਨਾਲ ਸਬੰਧਤ ਹੈ। ਕਿਹਾ ਜਾਂਦਾ ਹੈ ਕਿ ਜੋਧਪੁਰ ਦੇ ਇੱਕ ਪਸ਼ੂ ਮੇਲੇ ਵਿੱਚ ਇੱਕ ਵਿਦੇਸ਼ੀ ਨੇ ਇਸ ਦੀ ਕੀਮਤ 24 ਕਰੋੜ ਰੁਪਏ ਰੱਖੀ ਸੀ। ਹਾਲਾਂਕਿ ਮਾਲਕ ਨੇ ਇਸ ਨੂੰ ਵੇਚਣ ਤੋਂ ਇਨਕਾਰ ਕਰ ਦਿੱਤਾ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
