ਆਏ ਦਿਨ ਪੰਜਾਬੀ ਸਿਨਮਾ ‘ਚ ਨਵੀਆਂ-ਨਵੀਆਂ ਪੰਜਾਬੀ ਫ਼ਿਲਮਾਂ ਰਿਲੀਜ਼ ਹੋ ਰਹੀਆਂ ਹਨ।ਜੋ ਲੋਕਾਂ ਨੂ ੰਖੂਬ ਐਂਟਰਟੇਨ ਕਰ ਰਹੀਆਂ ਨੇ। 5 ਅਕਤੂਬਰ ਯਾਨੀ ਕਿ ਦੁਸਹਿਰੇ ‘ਤੇ ਰਿਲੀਜ਼ ਹੋਣ ਜਾ ਰਹੀ ਹੈ ਪੰਜਾਬੀ ਫ਼ਿਲਮ ‘ਬਾਬੇ ਭੰਗੜਾ ਪਾਉਂਦੇ ਨੇ’।ਸੋ ਗੱਲ ਕਰ ਲੈਣੇ ਆ ਹਾਲ ਹੀ ‘ਚ ਰਿਲੀਜ਼ ਹੋਏ ਫਿਲਮ ਦੇ ਟ੍ਰੇਲਰ ਬਾਰੇ।ਫ਼ਿਲਮ ਦਾ ਟ੍ਰੇਲਰ ਨਾ ਸਿਰਫ ਪੂਰੇ ਇੰਡੀਆ ਸਗੋਂ ਦੇਸ਼ਾਂ ਵਿਦੇਸ਼ਾਂ ‘ਚ ਵੀ ਟ੍ਰੇਲਰ ਨੰਬਰ 1 ‘ਤੇ ਟ੍ਰੈਂਡ ਕਰ ਰਿਹਾ ਹੈ।ਜਿਸਦੇ ਵਿਊਜ਼ 5 ਮਿਲੀਅਨ ਦੇ ਕਰੀਬ ਪਹੁੰਚਣ ਵਾਲੇ ਨੇ।
ਜੇਕਰ ਫਿਲਮ ਦੀ ਸਟਾਰ ਕਾਸਟ ਦੀ ਗੱਲ ਕਰੀਏ ਤਾਂ ਫਿਲਮ ‘ਚ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆ ਰਹੇ ਨੇ ਦਿਲਜੀਤ ਦੋਸਾਂਝ ਤੇ ਉਨ੍ਹਾਂ ਦੇ ਨਾਲ ਸਰਗੁਣ ਮਹਿਤਾ।ਇਹ ਪਹਿਲੀ ਵਾਰ ਹੈ ਜਦੋਂ ਦਿਲਜੀਤ ਦੁਸਾਂਝ ਤੇ ਸਰਗੁਨ ਮਹਿਤਾ ਵੱਡੇ ਪਰਦੇ ‘ਤੇ ਇਕੱਠੇ ਨਜ਼ਰ ਆਉਣਗੇ।ਇਨ੍ਹਾਂ ਦੀ ਜੋੜੀ ਨੂੰ ਵੱਡੇ ਪਰਦੇ ‘ਤੇ ਦੇਖਣ ਲਈ ਹਰ ਕੋਈ ਬਹੁਤ ਜਿਆਦਾ ਉਤਸ਼ਾਹਿਤ ਹੈ।ਸ ਫਲਮ ਦੀ ਬਾਕੀ ਸਟਾਰ ਕਾਸਟ ਦੀ ਗੱਲ ਕਰੀਏ ਤਾਂ ਦਿਲਜੀਤ ਤੇ ਸਰਗੁਣ ਤੋਂ ਇਲਾਵਾ ਇਸ ਫਿਲਮ ‘ਚ ਗੁਰਪ੍ਰੀਤ ਭੰਗੂ, ਬਲਿੰਦਰ ਜੌਹਲ, ਜੈਸਿਕਾ ਗਿੱਲ, ਸੰਗਤਾਰ ਸਿੰਘ, ਲੱਖਣਪਾਲ ਵਰਗੇ ਕਈ ਹੋਰ ਵੱਡੇ ਚਿਹਰੇ ਨਜ਼ਰ ਆਉਣਗੇ। ਫਿਲਮ ਨੂੰ ਲਿਖਿਆ ਗਿਆ ਹੈ ਨਰੇਸ਼ ਕਥੂਰੀਆ ਵਲ਼ੋਂ ਫ਼ਿਲਮ ਨੂੰ ਡਾਇਰੈਕਟ ਕੀਤਾ ਗਿਆ ਹੈ ਅਮਰਜੀਤ ਸਿੰਘ ਸਰਾਓਂ ਵਲੋਂ।ਫਿਲਮ ਦੇ ਪ੍ਰੋਡਿਊਸਰ ਨੇ ਦਿਲਜੀਤ ਦੁਸਾਂਝ ਤੇ ਦਲਜੀਤ ਥਿੰਦ।
ਹੁਣ ਨਜ਼ਰ ਮਾਰ ਲੈਣੇ ਆ ਫ਼ਿਲਮ ਦੇ ਟ੍ਰੇਲਰ ‘ਤੇ। ਟ੍ਰੇਲਰ ਦੀ ਸ਼ੁਰੂਆਤ ਹੁੰਦੀ ਹੈ ਦਿਲਜੀਤ ਦੁਸਾਂਝ ਨਾਲ ਜੋ ਕਿ ਆਪਣੇ ਹਾਸੋਹੀਣੇ ਅੰਦਾਜ਼ ਦੇ ਨਾਲ ਰੰਗ – ਬਰੰਗੇ ਕੱਛੇ ਵੇਚਦੇ ਹੋਏ ਨਜ਼ਰ ਆ ਰਹੇ ਹਨ।ਪਰ ਅਸੀਂ ਅੱਗੇ ਦੇਖਦੇ ਹਾਂ ਕਿ ਕਿਤੇ ਨਾ ਕਿਤੇ ਉਹ ਆਪਣੀ ਨੌਕਰੀ ਤੋਂ ਜਿਆਦਾ ਖੁਸ਼ ਨਹੀਂ ਇਸੇ ਲਈ ਜਿਆਦਾ ਪੈਸੇ ਕਮਾਉਣ ਦੇ ਲਾਲਚ ਨਾਲ ਉਹ ਆਪਣੇ ਦੋਸਤਾਂ ਨਾਲ ਬਣਾਉਂਦੇ ਨੇ ਇੱਕ ਪਲਾਨ ਤੇ ਪਲਾਨ ਮੁਤਾਬਕ ਆਪਣੇ ਦੋਸਤਾਂ ਨਾਲ ਬਾਪੂ ਨੂੰ ਗੋਦ ਲੈਣ ਦਾ ਕਰਦੇ ਨੇ ਫੈਸਲਾ।ਜਿਸ ਤੋਂ ਬਾਅਦ ਸ਼ੁਰੂ ਹੁੰਦਾ ਹੈ ਫਿਲਮ ‘ਚ ਪੂਰਾ ਡਰਾਮਾ।ਜਿੱਥੇ ਅਕਸਰ ਅਸੀਂ ਬੱਚੇ ਗੋਦ ਲੈਂਦੇ ਤਾਂ ਦੇਖੇ ਨੇ ਪਰ ਫਿਲਮ ‘ਚ ਅਸੀਂ ਦਿਲਜੀਤ ਦੁਸਾਝ ਵਲੋਂ ਅਸੀਂ ਬਾਪੂ ਨੂੰ ਗੋਦ ਲਿਆ ਹੋਇਆ ਦੇਖਾਂਗੇ।ਪਰ ਜਿਸ ਮਕਸਦ ਲਈ ਦਿਲਜੀਤ ਦੁਸਾਂਝ ਫ਼ਿਲਮ ‘ਚ ਬਾਪੂ ਨੂੰ ਗੋਦ ਲੈਂਦੇ ਨੇ ਕੀ ਉਹ ਪੂਰਾ ਹੋ ਸਕੇਗਾ ਜਾਂ ਫਿਰ ਨਹੀਂ ਉਹ ਤਾਂ ਫ਼ਿਲਮ ਦੇਖਣ ਤੋਂ ਬਾਅਦ ਹੀ ਪਤਾ ਲੱਗੇਗਾ ਪਰ ਇੱਕ ਗੱਲ ਤਾਂ ਪੱਕੀ ਆ ਕਿ ਦਿਲਜੀਤ ਦੁਸਾਂਝ ਆਪਣੇ ਦਰਸ਼ਕਾਂ ਨੂੰ ਨਿਰਾਸ਼ ਨਹੀਂ ਹੋਣ ਦੇਣਗੇ।ਫਿਲਮ ‘ਚ ਕਾਮੇਡੀ ਦੇ ਨਾਲ ਨਾਲ ਲੋਕਾਂ ਨੂੰ ਇੱਕ ਚੰਗਾ ਸੁਨੇਹਾ ਵੀ ਜ਼ਰੂਰ ਮਿਲੇਗਾ।
