Weather News : ਇਸ ਸਾਲ ਜਨਵਰੀ ਤੋਂ ਸਤੰਬਰ ਤੱਕ 9 ਮਹੀਨਿਆਂ ਵਿੱਚ 242 ਆਫ਼ਤਾਂ ਆਈਆਂ। ਇਹ ਦਾਅਵਾ ਸੈਂਟਰ ਫਾਰ ਸਾਇੰਸ ਐਂਡ ਐਨਵਾਇਰਮੈਂਟ ਦੀ ਤਾਜ਼ਾ ਰਿਪੋਰਟ ਵਿੱਚ ਕੀਤਾ ਗਿਆ ਹੈ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਪਿਛਲੇ 9 ਮਹੀਨਿਆਂ ‘ਚ ਚੱਕਰਵਾਤ, ਹੀਟਵੇਵ, ਕੋਲਡਵੇਵ, ਬਿਜਲੀ ਡਿੱਗਣ, ਭਾਰੀ ਮੀਂਹ ਅਤੇ ਜ਼ਮੀਨ ਖਿਸਕਣ ਕਾਰਨ 2,755 ਲੋਕਾਂ ਦੀ ਮੌਤ ਹੋਈ ਹੈ। ਜਾਣੋ ਪਿਛਲੇ 270 ਦਿਨਾਂ ‘ਚ ਮੌਸਮੀ ਆਫ਼ਤਾਂ ਨੇ ਕਿੰਨੀ ਤਬਾਹੀ ਮਚਾਈ…
ਰਿਪੋਰਟ ਮੁਤਾਬਕ ਜਨਵਰੀ ਤੋਂ ਸਤੰਬਰ ਦਰਮਿਆਨ ਮੌਸਮੀ ਆਫਤਾਂ ਕਾਰਨ ਕਰੀਬ 70 ਹਜ਼ਾਰ ਪਸ਼ੂਆਂ ਦੀ ਮੌਤ ਹੋ ਗਈ। ਪਿਛਲੇ 9 ਮਹੀਨਿਆਂ ਤੋਂ ਆਈਆਂ ਆਫਤਾਂ ਨੇ ਫਸਲਾਂ ਦੇ ਨਾਲ-ਨਾਲ ਜਨਜੀਵਨ ਨੂੰ ਵੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕੀਤਾ ਹੈ। ਰਿਪੋਰਟ ਮੁਤਾਬਕ ਮੌਸਮੀ ਆਫ਼ਤਾਂ ਕਾਰਨ ਸਭ ਤੋਂ ਵੱਧ 1,214 ਮੌਤਾਂ ਭਾਰੀ ਮੀਂਹ, ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਕਾਰਨ ਹੋਈਆਂ ਹਨ।
ਹਿਮਾਚਲ ਪ੍ਰਦੇਸ਼ ਵਿੱਚ ਮੌਸਮੀ ਆਫ਼ਤਾਂ ਕਾਰਨ ਸਭ ਤੋਂ ਵੱਧ 359 ਲੋਕਾਂ ਦੀ ਮੌਤ ਹੋਈ ਹੈ। ਦੂਜੇ ਨੰਬਰ ‘ਤੇ ਮੱਧ ਪ੍ਰਦੇਸ਼ ਅਤੇ ਅਸਾਮ ਹਨ। ਜਿੱਥੇ 301-301 ਮੌਤਾਂ ਹੋਈਆਂ। ਮੌਸਮੀ ਆਫ਼ਤਾਂ ਵਿੱਚ ਗਰਮੀ ਦੀ ਲਹਿਰ, ਸ਼ੀਤ ਲਹਿਰ, ਚੱਕਰਵਾਤ, ਬਿਜਲੀ, ਭਾਰੀ ਮੀਂਹ ਅਤੇ ਜ਼ਮੀਨ ਖਿਸਕਣ ਸ਼ਾਮਲ ਹਨ।ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਇਸ ਸਾਲ ਕਈ ਰਿਕਾਰਡ ਵੀ ਬਣੇ ਹਨ। ਉਦਾਹਰਨ ਲਈ, ਸਤੰਬਰ 143 ਸਾਲਾਂ ਵਿੱਚ ਪੰਜਵੀਂ ਵਾਰ ਸਭ ਤੋਂ ਨਮੀ ਵਾਲਾ ਮਹੀਨਾ ਬਣ ਗਿਆ ਅਤੇ 2022 ਦਾ ਜਨਵਰੀ 1901 ਤੋਂ ਬਾਅਦ ਸੱਤਵਾਂ ਸਭ ਤੋਂ ਨਮੀ ਵਾਲਾ ਮਹੀਨਾ ਸੀ।
