ਕਿਸੇ ਵੀ ਇਨਸਾਨ ਦੀ ਤਕਦੀਰ ਕਦੇ ਵੀ ਬਦਲੀ ਜਾ ਸਕਦੀ ਹੈ, ਦੇਣ ਵਾਲਾ ਜਦੋਂ ਵੀ ਦਿੰਦਾ ਹੈ, ਉਸ ਦੀ ਝੋਲੀ ਪਾ ਦਿੰਦਾ ਹੈ। ਇਹ ਕਹਾਵਤਾਂ ਸੱਚੀਆਂ ਜਾਪਦੀਆਂ ਹਨ। ਦਰਅਸਲ ਪੰਜਾਬ ਦੇ ਮੁਕੇਰੀਆਂ ‘ਚ ਇਕ ਸਵੀਪਰ ਦੀ 50 ਲੱਖ ਰੁਪਏ ਦੀ ਲਾਟਰੀ ਨਿਕਲੀ ਹੈ। ਇਹ ਸਵੀਪਰ ਪਿਛਲੇ 25 ਸਾਲਾਂ ਤੋਂ ਲਾਟਰੀ ਦੀਆਂ ਟਿਕਟਾਂ ਖਰੀਦ ਰਿਹਾ ਸੀ। ਹੁਣ ਇਸ ਨੂੰ ਕਿਸਮਤ ਹੀ ਕਿਹਾ ਜਾਵੇਗਾ ਕਿ ਉਸ ਦੀ 25 ਸਾਲਾਂ ਦੀ ਮਿਹਨਤ ਰੰਗ ਲਿਆਈ।ਲਾਟਰੀ ਜਿੱਤਣ ਵਾਲੇ ਸਵੀਪਰ ਦਾ ਨਾਮ ਤਰਸੇਮ ਲਾਲ ਹੈ। ਉਸ ਨੇ ਪੰਜਾਬ ਸਟੇਟ ਲਾਟਰੀ ਟਿਕਟ ‘ਤੇ 50 ਲੱਖ ਰੁਪਏ ਦਾ ਇਨਾਮ ਜਿੱਤਿਆ ਹੈ। ਤਰਸੇਮ ਨੇ ਕਿਹਾ ਕਿ ਬੇਸ਼ੱਕ ਉਸ ਨੇ ਲਾਟਰੀ ਜਿੱਤੀ ਹੈ ਪਰ ਉਸ ਨੇ ਇਹ ਟਿਕਟ ਆਪਣੀ ਪਤਨੀ ਰਾਜ ਰਾਣੀ ਨੂੰ ਦਿੱਤੀ ਸੀ ਅਤੇ ਕਿਹਾ ਸੀ ਕਿ ਇਨਾਮ ਵਿੱਚ ਜੋ ਵੀ ਪੈਸਾ ਆਵੇਗਾ, ਉਹ ਉਸ ਦਾ ਹੋਵੇਗਾ। ਤਰਸੇਮ ਲਾਲ ਨੇ ਸਥਾਨਕ ਬੱਸ ਸਟੈਂਡ ਤੋਂ ਲਾਟਰੀ ਦੀ ਟਿਕਟ ਖਰੀਦੀ ਸੀ।
ਇਹ ਵੀ ਪੜ੍ਹੋ : ਲਿਫਟ ‘ਚ ਬੱਚੇ ਨੂੰ ਕੁੱਤੇ ਨੇ ਕੱਟਿਆ, ਦਰਦ ਨਾਲ ਤੜਫਦੀ ਰਹੀ ਬੱਚੀ, ਮਾਲਕਿਨ ਨੂੰ ਨਹੀਂ ਆਇਆ ਰਹਿਮ, ਦੇਖੋ ਵੀਡੀਓ
ਤਰਸੇਮ ਲਾਲ ਅਨਪੜ੍ਹ ਹੈ
- ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਤਰਸੇਮ ਲਾਲ ਇੱਕ ਅਨਪੜ੍ਹ ਵਿਅਕਤੀ ਹੈ। ਉਸ ਨੇ ਦੱਸਿਆ ਕਿ ਉਸ ਨੇ ਇਹ ਟਿਕਟ ਸਥਾਨਕ ਬੱਸ ਸਟੈਂਡ ਨੇੜੇ ਸਥਿਤ ਗੌਰਵ-ਸੁਸ਼ਾਂਤ ਲਾਟਰੀ ਸਟਾਲ ਤੋਂ ਖਰੀਦੀ ਸੀ। ਇਹ ਸਟਾਲ ਚਲਾਉਣ ਵਾਲੇ ਲਾਟਰੀ ਵਿਕਰੇਤਾ ਸੰਜੀਵ ਕੁਮਾਰ ਦੀ ਇਮਾਨਦਾਰੀ ਸੀ ਕਿ ਉਸ ਨੇ ਤਰਸੇਮ ਦੀ ਅਨਪੜ੍ਹਤਾ ਦਾ ਫਾਇਦਾ ਨਹੀਂ ਉਠਾਇਆ ਅਤੇ ਉਸ ਨੂੰ ਲਾਟਰੀ ਦਾ ਇਨਾਮ ਜਿੱਤਣ ਦੀ ਜਾਣਕਾਰੀ ਦਿੱਤੀ।
- ਤਰਸੇਮ ਨੇ ਦੱਸਿਆ ਕਿ ਉਹ ਪਿਛਲੇ 25 ਸਾਲਾਂ ਤੋਂ ਲਾਟਰੀ ਦੀਆਂ ਟਿਕਟਾਂ ਖਰੀਦ ਰਿਹਾ ਸੀ ਪਰ ਉਸ ਨੂੰ ਪਹਿਲੀ ਵਾਰ ਇਨਾਮ ਮਿਲਿਆ ਹੈ। ਜਦੋਂ ਉਸਨੇ ਇਹ ਲਾਟਰੀ ਟਿਕਟ ਖਰੀਦੀ ਤਾਂ ਉਸਦੀ ਜੇਬ ਵਿੱਚ ਸਿਰਫ 100 ਰੁਪਏ ਸਨ।
ਇੱਥੇ ਲਾਟਰੀ ਇਨਾਮ ਖਰਚ ਕਰੇਗਾ
- ਲਾਟਰੀ ਜਿੱਤਣ ਤੋਂ ਬਾਅਦ ਆਪਣੀਆਂ ਇੱਛਾਵਾਂ ਬਾਰੇ ਗੱਲ ਕਰਦਿਆਂ ਤਰਸੇਮ ਲਾਲ ਨੇ ਦੱਸਿਆ ਕਿ ਉਸ ਨੇ ਕਦੇ ਸੋਚਿਆ ਵੀ ਨਹੀਂ ਸੀ ਕਿ ਉਹ ਬੰਪਰ ਇਨਾਮ ਵਿਚ ਇੰਨੀ ਵੱਡੀ ਰਕਮ ਜਿੱਤੇਗਾ। ਉਸ ਦੇ ਸਿਰ ਕਰੀਬ 10 ਲੱਖ ਰੁਪਏ ਦਾ ਕਰਜ਼ਾ ਹੈ, ਉਹ ਇਸ ਨੂੰ ਚੁਕਾ ਕੇ ਆਪਣੀ ਧੀ ਦਾ ਵਿਆਹ ਕਰੇਗਾ। ਇਸ ਦੇ ਨਾਲ ਹੀ ਉਹ ਮਿਹਨਤ ਮਜ਼ਦੂਰੀ ਕਰ ਰਹੇ ਆਪਣੇ ਬੇਟੇ ਲਈ ਦੁਕਾਨ ਖੋਲ੍ਹੇਗਾ ਅਤੇ ਬੁਢਾਪੇ ਲਈ ਕੁਝ ਪੈਸੇ ਬਚਾਏਗਾ। ਭਾਵੇਂ ਉਸ ਨੂੰ ਚੰਗੀ ਰਕਮ ਮਿਲ ਗਈ ਹੈ ਪਰ ਉਹ ਆਪਣਾ ਸਫ਼ਾਈ ਦਾ ਕੰਮ ਨਹੀਂ ਛੱਡੇਗਾ।
ਇਹ ਵੀ ਪੜ੍ਹੋ : ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਨੇ ਅਰਸ਼ਦੀਪ ਸਿੰਘ ਦੇ ਮੱਸਲੇ ‘ਤੇ ਯੂ.ਐੱਨ.ਓ ਦਾ ਦਖਲ ਕਿਉਂ ਮੰਗਿਆ ? ਪੜ੍ਹੋ
