Social Media Influencer: ਬ੍ਰਾਜ਼ੀਲੀਅਨ ਮਾਡਲ ਤੇ ਸੋਸ਼ਲ ਮੀਡੀਆ ਇੰਫਲੁਐਂਸਰ ਆਰਥਰ ਓ ਉਰਸੋ (Arthur O Urso) ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਹੈ। ਉਸ ਨੇਸੈਕਸ ਫਰੀਡਮ ਅਤੇ ਇਕ ਵਿਆਹ ਦੀ ਪ੍ਰਥਾ ਦੇ ਖਿਲਾਫ 9 ਔਰਤਾਂ ਨਾਲ ਵਿਆਹ ਕਰਕੇ ਸੁਰਖੀਆਂ ਬਟੋਰੀਆਂ। ਹਾਲਾਂਕਿ ਕੁਝ ਮਹੀਨਿਆਂ ਬਾਅਦ ਪਤਨੀ ਨੇ ਉਸ ਨੂੰ ਤਲਾਕ ਦੇ ਦਿੱਤਾ। ਜਿਸ ਤੋਂ ਬਾਅਦ ਉਹ 8 ਪਤਨੀਆਂ ਨਾਲ ਰਹਿ ਰਿਹਾ ਹੈ।
ਪਰ ਹੁਣ ਉਸਨੇ ਖੁਲਾਸਾ ਕੀਤਾ ਹੈ ਕਿ ਉਸ ਨੇ ਆਪਣੀਆਂ 4 ਹੋਰ ਪਤਨੀਆਂ ਨੂੰ ਤਲਾਕ ਦੇ ਦਿੱਤਾ ਹੈ। ਇੰਨਾ ਹੀ ਨਹੀਂ ਤਲਾਕ ਤੋਂ ਬਾਅਦ ਆਰਥਰ ਫਿਰ ਤੋਂ ਨਵੀਂ ਪਤਨੀ ਦੀ ਤਲਾਸ਼ ਕਰ ਰਿਹਾ ਹੈ। 36 ਸਾਲਾ ਆਰਥਰ ਬ੍ਰਾਜ਼ੀਲ ਦੇ ਜੋਆਓ ਪੇਸੋਆ ਸ਼ਹਿਰ ਦਾ ਰਹਿਣ ਵਾਲਾ ਹੈ। ਉਸ ਨੇ 2021 ਵਿੱਚ 9 ਔਰਤਾਂ ਨਾਲ ਵਿਆਹ ਕੀਤਾ। ਪਰ ਕੁਝ ਮਹੀਨਿਆਂ ਬਾਅਦ ਹੀ ਉਸ ਦੀ ਇੱਕ ਪਤਨੀ ਇਸ ਵਿਆਹ ਤੋਂ ਵੱਖ ਹੋ ਗਈ।
ਆਰਥਰ ਦੇ ਵਿਆਹ ਅਧਿਕਾਰਤ ਤੌਰ ‘ਤੇ ਜਾਇਜ਼ ਨਹੀਂ। ਕਿਉਂਕਿ ਬ੍ਰਾਜ਼ੀਲ ਵਿੱਚ ਬਹੁ-ਵਿਆਹ (ਇੱਕ ਤੋਂ ਵੱਧ ਔਰਤਾਂ ਨਾਲ ਵਿਆਹ ਕਰਨਾ) ਰਿਸ਼ਤਾ ਕਾਨੂੰਨੀ ਨਹੀਂ ਹੈ। ਆਰਥਰ ਨੇ ਖੁਲਾਸਾ ਕੀਤਾ ਕਿ ਉਹ ਫਿਲਹਾਲ ਤਲਾਕ ਦੇ ਦੌਰ ‘ਚੋਂ ਗੁਜ਼ਰ ਰਿਹਾ ਹੈ, ਉਹ ਆਪਣੀਆਂ ਅੱਠ ਪਤਨੀਆਂ ਚੋਂ ਚਾਰ ਤੋਂ ਵੱਖ ਹੋ ਗਿਆ ਹੈ। ਉਨ੍ਹਾਂ ਨੇ ਆਪਸੀ ਸਹਿਮਤੀ ਨਾਲ ਤਲਾਕ ਲਿਆ ਹੈ। ਇਸ ਸਬੰਧੀ ਉਸ ਨੇ ਪਹਿਲਾਂ ਵੀ ਕਿਹਾ ਸੀ ਕਿ ਕਈ ਔਰਤਾਂ ਨਾਲ ਰਹਿਣਾ ਆਸਾਨ ਨਹੀਂ ਹੁੰਦਾ।
ਦੱਸ ਦੇਈਏ ਕਿ ਆਰਥਰ ਇੰਸਟਾਗ੍ਰਾਮ ‘ਤੇ ਕਾਫੀ ਫੇਮਸ ਹੈ, ਉਸਨੂੰ 1 ਲੱਖ 80 ਹਜ਼ਾਰ ਤੋਂ ਵੱਧ ਲੋਕ ਫੋਲੋ ਕਰਦੇ ਹਨ। ਉਹ ਇੰਸਟਾਗ੍ਰਾਮ ‘ਤੇ 8 ਪਤਨੀਆਂ ਨਾਲ ਰੋਮਾਂਸ ਕਰਦੇ ਹੋਏ ਤਸਵੀਰਾਂ ਪੋਸਟ ਕਰਦਾ ਰਹਿੰਦਾ ਹੈ। ਇਸ ਦੇ ਨਾਲ ਹੀ ਉਹ ਆਪਣੀ ਆਲੀਸ਼ਾਨ ਜੀਵਨ ਸ਼ੈਲੀ ਨਾਲ ਜੁੜੀਆਂ ਪੋਸਟਾਂ ਵੀ ਪਾਉਂਦਾ ਹੈ। ਉਸ ਨੇ ਆਪਣੀਆਂ ਪਤਨੀਆਂ ਲਈ ‘ਮੈਨਸ਼ਨ ਆਫ ਫਰੀ ਲਵ’ ਨਾਂ ਦਾ ਆਲੀਸ਼ਾਨ ਘਰ ਬਣਵਾਇਆ। ਪਰ ਸਥਾਨਕ ਲੋਕਾਂ ਨੇ ਉਨ੍ਹਾਂ ਦੇ ਰਿਸ਼ਤੇ ਦਾ ਖੁੱਲ੍ਹ ਕੇ ਵਿਰੋਧ ਕੀਤਾ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
