Man Won 75 Crores in Lottery: ਭਾਵੇਂ ਲੋਕ ਆਪਣੇ ਲਈ ਸੁੱਖ-ਸਹੂਲਤਾਂ ਇਕੱਠੀਆਂ ਕਰਨ ਲਈ ਕਈ ਤਰ੍ਹਾਂ ਦੇ ਯਤਨ ਕਰਦੇ ਹਨ ਪਰ ਜੇਕਰ ਕਿਸੇ ਨੂੰ ਬੈਠੇ ਨੂੰ ਕਰੋੜਾਂ ਰੁਪਏ ਮਿਲ ਜਾਂਦੇ ਹਨ ਤਾਂ ਉਹ ਆਪਣੇ ਸਾਰੇ ਸ਼ੌਕ ਪੂਰੇ ਕਰਨਾ ਚਾਹੁੰਦਾ ਹੈ। ਜਦੋਂ ਇੱਕ ਵਿਅਕਤੀ ਨੂੰ ਕਰੋੜਾਂ ਦੀ ਲਾਟਰੀ ਲੱਗੀ ਤਾਂ ਉਸ ਨੇ ਵੀ ਅਜਿਹਾ ਹੀ ਕੀਤਾ। ਉਸ ਨੇ ਇੰਨਾ ਖਰਚ ਕੀਤਾ ਕਿ ਉਹ ਆਪ ਹੀ ਬੋਰ ਹੋ ਗਿਆ।
ਕੁਰਸਤ ਯਿਲਡ੍ਰੀਮ (Kursat Yildrim) ਨੇ ਜਰਮਨੀ ਵਿੱਚ 75 ਕਰੋੜ ਦੀ ਲਾਟਰੀ ਜਿੱਤੀ, ਜਿਸ ਤੋਂ ਬਾਅਦ ਉਸਨੇ ਟਾਪ ਸਪੋਰਟਸ ਕਾਰਾਂ ਖਰੀਦੀਆਂ। ਜਦੋਂ ਉਹ ਇਸ ਪੈਸੇ ਨੂੰ ਖਰਚਣ ਤੋਂ ਅੱਕ ਗਿਆ ਤਾਂ ਉਸ ਨੇ ਅਜਿਹੀ ਲੜਕੀ ਦੀ ਭਾਲ ਸ਼ੁਰੂ ਕਰ ਦਿੱਤੀ ਜਿਸ ਨਾਲ ਉਹ ਵਿਆਹ ਕਰਵਾ ਕੇ ਘਰ ਵਸਾ ਸਕੇ। ਇਸ ਵਿਅਕਤੀ ਕੋਲ ਫਰਾਰੀ 448 ਪਿਸਟਾ ਅਤੇ ਪੋਰਸ਼ ਟਰਬੋ ਐਸ ਕੈਬਰੀਓਲੇਟ ਵਰਗੀਆਂ ਕਾਰਾਂ ਹਨ।
ਵਿਅਕਤੀ ਨੂੰ 75 ਕਰੋੜ ਦੀ ਲਾਟਰੀ ਲੱਗੀ
ਜਰਮਨੀ ਦੇ ਡਾਰਟਮੰਡ ‘ਚ ਰਹਿਣ ਵਾਲੇ ਕੁਰਸਤ ਯਿਲਡ੍ਰੀਮ ਪੇਸ਼ੇ ਤੋਂ ਬਿਲਡਰ ਹਨ ਅਤੇ ਉਨ੍ਹਾਂ ਨੇ 24 ਸਤੰਬਰ ਨੂੰ 75 ਕਰੋੜ ਦੀ ਲਾਟਰੀ ਜਿੱਤੀ ਸੀ। ਇਸ ਤੋਂ ਬਾਅਦ ਉਸ ਨੇ 4 ਕਰੋੜ ਅਤੇ 3 ਕਰੋੜ ਦੀਆਂ ਦੋ ਲਗਜ਼ਰੀ ਗੱਡੀਆਂ ਖਰੀਦੀਆਂ ਸਨ। ਇਸ ਤੋਂ ਬਾਅਦ ਉਸ ਨੇ ਆਪਣੀ ਲਗਜ਼ਰੀ ਘੜੀ ਅਤੇ ਹੋਰ ਸਾਮਾਨ ਵੀ ਖ਼ਰੀਦ ਲਿਆ ਅਤੇ ਅਖੀਰ ਜਦੋਂ ਉਹ ਇਸ ਤਰ੍ਹਾਂ ਦੇ ਪੈਸੇ ਖਰਚ ਕਰਨ ਤੋਂ ਬੋਰ ਹੋ ਗਿਆ ਤਾਂ ਉਸ ਨੇ ਵਿਆਹ ਕਰਵਾ ਕੇ ਆਪਣੀ ਜ਼ਿੰਦਗੀ ਨੂੰ ਸੈਟਲ ਕਰਨ ਬਾਰੇ ਸੋਚਿਆ।ਇੱਕ ਨਿੱਜੀ ਅਖਬਾਰ ਨਾਲ ਗੱਲਬਾਤ ਕਰਦੇ ਹੋਏ ਉਸ ਨੇ ਦੱਸਿਆ ਕਿ ਉਹ ਹੁਣ ਪਿਆਰ ਵਿੱਚ ਪੈ ਕੇ ਵਿਆਹ ਕਰਨਾ ਚਾਹੁੰਦਾ ਹੈ।
ਹੁਣ ਸਿਰਫ ਵਿਆਹ ਕਰਨਾ ਚਾਹੁੰਦਾ ਹੈ ਵਿਅਕਤੀ
ਕੁਰਸਤ, ਜੋ 15 ਸਾਲਾਂ ਤੋਂ ਲਾਟਰੀਆਂ ਖਰੀਦ ਰਿਹਾ ਸੀ , ਦਾ ਕਹਿਣਾ ਹੈ ਕਿ ਉਹ ਇਸ ਪੈਸੇ ਨਾਲ ਲੋਕਾਂ ਨੂੰ ਖੁਸ਼ ਕਰ ਸਕਦਾ ਹੈ। ਉਸ ਨੇ ਆਪਣੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਨੂੰ ਪੈਸੇ ਵੀ ਦਿੱਤੇ। ਉਸ ਦਾ ਕਹਿਣਾ ਹੈ ਕਿ ਹੁਣ ਉਹ ਸਿਰਫ਼ ਵਿਆਹ ਕਰਵਾ ਕੇ ਸੈਟਲ ਹੋਣਾ ਚਾਹੁੰਦਾ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਹੁਣ ਸਿਰਫ਼ ਅਜਿਹੀ ਲੜਕੀ ਦੀ ਤਲਾਸ਼ ਕਰ ਰਿਹਾ ਹੈ ਜਿਸ ‘ਤੇ ਉਹ ਭਰੋਸਾ ਕਰ ਸਕੇ। ਇੱਕ ਨਿੱਜੀ ਚੈਨਲ ਮੁਤਾਬਕ ਕੁਰਸਤ ਬਾਰੇ ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਸ਼ਰਾਬੀਆਂ, ਕਰਜ਼ਦਾਰਾਂ ਅਤੇ ਹਿੰਸਾ ਦੇ ਮਾਮਲਿਆਂ ਦੇ ਕੇਸਾਂ ਵਿਚ ਫਸਿਆ ਹੋਇਆ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
