IND vs BAN 1st ODI: ਟੀਮ ਇੰਡੀਆ ਅਤੇ ਬੰਗਲਾਦੇਸ਼ ਵਿਚਾਲੇ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਦਾ ਪਹਿਲਾ ਮੈਚ ਐਤਵਾਰ ਨੂੰ ਢਾਕਾ ‘ਚ ਖੇਡਿਆ ਗਿਆ। ਭਾਰਤੀ ਬੱਲੇਬਾਜ਼ ਮੈਚ ਵਿੱਚ ਪੂਰੀ ਤਰ੍ਹਾਂ ਫਲਾਪ ਸਾਬਤ ਹੋਏ। ਸਿਰਫ਼ ਕੇਐਲ ਰਾਹੁਲ ਨੇ ਫਿਫਟੀ ਲਗਾ ਕੇ ਟੀਮ ਨੂੰ 186 ਦੌੜਾਂ ਦੇ ਸਕੋਰ ਤੱਕ ਪਹੁੰਚਾਇਆ।
ਸਾਬਕਾ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਵੀ ਇਸ ਮੈਚ ‘ਚ ਆਪਣੀ ਕਾਬਲੀਅਤ ਨਹੀਂ ਦਿਖਾ ਸਕੇ। ਜਦੋਂ ਕੋਹਲੀ ਕ੍ਰੀਜ਼ ‘ਤੇ ਸਨ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਅਜ ਵੀ ਸ਼ਾਨਦਾਰ ਦੌੜਾਂ ਬਣਾਉਣਗੇ। ਪਰ ਬੰਗਲਾਦੇਸ਼ੀ ਕਪਤਾਨ ਲਿਟਨ ਦਾਸ ਨੇ ਵਿਰਾਟ ਕੋਹਲੀ ਦਾ ਬਾਜ਼ ਵਾਂਗ ਹਵਾ ‘ਚ ਝਪਟ ਕੇ ਸ਼ਾਨਦਾਰ ਕੈਚ ਫੜਿਆ।
ਲਿਟਨ ਨੇ ਹਵਾ ਵਿੱਚ ਡਾਈਵਿੰਗ ਵਾਲਾ ਕੈਚ ਲਿਆ
ਇਸ ਕੈਚ ਨੂੰ ਦੇਖ ਕੇ ਵਿਰਾਟ ਕੋਹਲੀ ਵੀ ਹੈਰਾਨ ਰਹਿ ਗਏ। ਕੋਹਲੀ 14 ਗੇਂਦਾਂ ‘ਤੇ 9 ਦੌੜਾਂ ਬਣਾ ਕੇ ਖੇਡ ਰਹੇ ਸਨ ਪਰ ਆਪਣੀ 15ਵੀਂ ਗੇਂਦ ‘ਤੇ ਕੋਹਲੀ ਨੇ ਆਫ ਸਾਈਡ ‘ਚ ਐਕਸਟਰਾਂ ਕਵਰ ਵੱਲ ਡਰਾਈਵ ਸ਼ਾਟ ਲਗਾਈ। ਇਸ ਦੌਰਾਨ ਉਸ ਦਾ ਇੱਕ ਹੱਥ ਬੱਲੇ ਨਾਲ ਰਹਿ ਗਿਆ। ਐਕਸਟਰਾਂ ਕਵਰ ‘ਤੇ ਖੜ੍ਹੇ ਹੋਏ ਲਿਟਨ ਦਾਸ ਨੇ ਹਵਾ ‘ਚ ਛਾਲ ਲਾਉਂਦੇ ਹੋਏ ਇਹ ਕੈਚ ਫੜਿਆ। ਇਹ ਘਟਨਾ ਭਾਰਤੀ ਪਾਰੀ ਦੇ 11ਵੇਂ ਓਵਰ ਦੀ ਚੌਥੀ ਗੇਂਦ ‘ਤੇ ਵਾਪਰੀ।
Captain Litton Das takes a magnificent catch. #ViratKohli𓃵 #IndiavsBangladesh pic.twitter.com/t3VZUH1P2P
— Sharnam Monga (@SharnamMonga31) December 4, 2022
ਕੋਹਲੀ ਅਤੇ ਪ੍ਰਸ਼ੰਸਕ ਵੀ ਹੈਰਾਨ ਸਨ
ਇਹ ਓਵਰ ਬੰਗਲਾਦੇਸ਼ੀ ਸਪਿਨਰ ਸ਼ਾਕਿਬ ਅਲ ਹਸਨ ਨੇ ਕੀਤਾ। ਇਸ ਕੈਚ ਨੂੰ ਦੇਖ ਕੇ ਖੁਦ ਵਿਰਾਟ ਕੋਹਲੀ ਵੀ ਹੈਰਾਨ ਰਹਿ ਗਏ ਅਤੇ ਕੁਝ ਦੇਰ ਕ੍ਰੀਜ਼ ‘ਤੇ ਖੜ੍ਹੇ ਹੋ ਕੇ ਇਸ ਘਟਨਾ ਨੂੰ ਦੇਖਦੇ ਰਹੇ। ਮੈਦਾਨ ‘ਤੇ ਕੁਮੈਂਟੇਟਰਾਂ ਅਤੇ ਖਿਡਾਰੀਆਂ ਦੇ ਨਾਲ-ਨਾਲ ਸਟੈਂਡ ‘ਤੇ ਬੈਠੇ ਪ੍ਰਸ਼ੰਸਕ ਵੀ ਇਸ ਕੈਚ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਇਸ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਕੈਚ ਲਈ ਪ੍ਰਸ਼ੰਸਕ ਵੀ ਲਿਟਨ ਦਾਸ ਦੀ ਤਾਰੀਫ ਕਰ ਰਹੇ ਹਨ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
