ਸਥਾਨਕ ਸ਼ਹਿਰ ਦੇ ਇੱਕ ਨੌਜਵਾਨ ਨੂੰ ਆਪਣੇ ਦੀ ਵਿਆਹ ਵਰ੍ਹੇਗੰਢ ਮਨਾਉਣੀ ਉਸ ਸਮੇਂ ਮਹਿੰਗੀ ਪੈ ਗਈ ਜਦੋਂ ਉਹ ਆਪਣੀ ਪਤਨੀ ਨਾਲ ਸ਼ਹਿਰ ਦੇ ਇਕ ਮਸ਼ਹੂਰ ਢਾਬੇ ‘ਚੋਂ ਖਾਣਾ ਕੇ ਬਾਹਰ ਆਇਆ ਤਾਂ ਬਾਹਰ ਖੜ੍ਹਾ ਉਸਦਾ ਮੋਟਰ ਸਾਈਕਲ ਉਥੋਂ ਗਾਇਬ ਸੀ।
ਇਸ ਸਬੰਧੀ ਸਥਾਨਕ ਪੁਰਾਣੇ ਸ਼ਹਿਰਾਂ ਦੀ ਭਗਤਾਂ ਵਾਲੀ ਗਲੀ ਦੇ ਵਸਨੀਕ ਮਨੀਸ਼ ਕੁਮਾਰ, ਜੋ ਕਿ ਦਸਮੇਸ਼ ਮਾਰਕੀਟ ਨੇੜੇ ਮਨੀਸ਼ ਟੈਲੀਕਾਮ ਨਾਂ ਦੀ ਦੁਕਾਨ ਕਰਦਾ ਹੈ, ਨੇ ਦੱਸਿਆ ਕਿ ਕੱਲ੍ਹ ਉਸਦੀ ਵਿਆਹ ਦੀ ਵਰ੍ਹੇਗੰਢ ਸੀ ਅਤੇ ਇਹ ਖੁਸ਼ੀ ਸਾਂਝੀ ਕਰਨ ਲਈ ਉਹ ਆਪਣੀ ਪਤਨੀ ਨੂੰ ਨਾਲ ਲੈ ਕੇ ਮੋਗਾ ਰੋਡ ‘ਤੇ ਸਥਿਤ ਪ੍ਰਸਿੱਧ ਢਾਬੇ ‘ਤੇ ਰਾਤ ਦਾ ਖਾਣਾ ਖਾਣ ਗਿਆ ਸੀ।
ਉਸਨੇ ਦੱਸਿਆ ਕਿ ਉਨ੍ਹਾਂ ਨੇ ਖਾਣਾ ਖਾਧਾ ਅਤੇ ਜਦ ਉਹ ਬਾਹਰ ਨਿਕਲਿਆ ਤਾਂ ਉਥੋਂ ਉਸਦਾ ਮੋਟਰ ਸਾਈਕਲ ਸੀ.ਡੀ. ਡੀਲੇਕਸ ਪੀਬੀ 04 ਏ.ਏ . 8262 ਗਾਇਬ ਸੀ।ਉਸਨੇ ਦੱਸਿਆ ਕਿ ਮੋਟਰ ਸਾਈਕਲ ਸਬੰਧੀ ਉਨ੍ਹਾਂ ਦੇ ਆਲੇ ਦੁਆਲਿਓ ਅਤੇ ੳੇੁਥੇ ਖੜ੍ਹੇ ਕਈ ਲੋਕਾਂ ਤੋਂ ਪੁੱਛ ਗਿੱਛ ਕੀਤੀ ਪ੍ਰੰਤੂ ਉਨ੍ਹਾਂ ਨੂੰ ਮੋਟਰਸਾਈਕਲ ਨਹੀਂ ਮਿਲਿਆ।ਉਸਨੇ ਦੱਸਿਆ ਕਿ ਉਹ ਗਿਆ ਤਾਂ ਆਪਣੇ ਵਿਆਹ ਦੀ ਵਰ੍ਹੇਗੰਢ ਮੌਕੇ ਖੁਸ਼ੀ ਨੂੰ ਵਧਾਉਣ ਸੀ ਪਰ ਕਿਸੇ ਅਣਪਛਾਤੇ ਵਿਅਕਤੀ ਵਲੋਂ ਉਸਦਾ ਮੋਟਰਸਾਈਕਲ ਚੋਰੀ ਕਰ ਲਏ ਜਾਣ ਕਾਰਨ ਉਸਦੀ ਖੁਸ਼ੀਆਂ ‘ਚ ਭੰਗ ਪੈ ਗਈ।
