Oye Makhna Trailer: ਐਮੀ ਵਿਰਕ ਆਪਣੀ ਆਉਣ ਵਾਲੀ ਪੰਜਾਬੀ ਫਿਲਮ ‘ਓਏ ਮੱਖਣ’ ਦੇ ਨਾਲ ਇੱਕ ਵਾਰ ਫਿਰ ਔਡੀਅੰਸ ਦਾ ਐਂਟਰਟੇਨਮੈਂਟ ਕਰਨ ਲਈ ਤਿਆਰ ਹਨ। ਐਮੀ ਦੇ ਨਾਲ ਇਸ ਫਿਲਮ ‘ਚ ਮੁੜ ਤੋਂ ਤਾਨੀਆ ਵੀ ਨਜ਼ਰ ਆਉਣ ਵਾਲੀ ਹੈ। ਇਸ ਦੇ ਨਾਲ ਹੀ ਇਨ੍ਹਾਂ ਦੇ ਨਾਲ ਇਸ ਵਾਰ ਫਿਲਮ ‘ਚ ਗੁੱਗੂ ਗਿੱਲ ਵੀ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।
ਦੱਸ ਦਈਏ ਕਿ ‘ਓਏ ਮਖਨਾ’ ਵਿੱਚ ਐਮੀ ਅਤੇ ਤਾਨੀਆ ਤੀਜੀ ਵਾਰ ਕਿਸੇ ਪੰਜਾਬੀ ਫਿਲਮ ਵਿੱਚ ਲੀਡ ਜੋੜੀ ਵਜੋਂ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਉੱਘੇ ਅਭਿਨੇਤਾ ਗੁੱਗੂ ਗਿੱਲ ਇਸ ਵਾਰ ਐਮੀ ਵਿਰਕ ਨਾਲ ਸਕ੍ਰੀਨ ਸਪੇਸ ਸ਼ੇਅਰ ਕਰਦੇ ਹੋਏ ਨਜ਼ਰ ਆਉਣਗੇ। ਐਮੀ, ਗੁੱਗੂ ਅਤੇ ਤਾਨੀਆ ਦੀ ਇਹ ਫਿਲਮ 4 ਨਵੰਬਰ, 2022 ਨੂੰ ਵੱਡੇ ਪਰਦੇ ‘ਤੇ ਆਉਣ ਲਈ ਤਿਆਰ ਹੈ।
ਇੱਥੇ ਵੇਖੋ ਫਿਲਮ ਦਾ ਟ੍ਰੇਲਰ:
Oye Makhna ‘ਚ ਐਮੀ ਵਿਰਕ ਦੇ ਅੰਕਲ ਦੇ ਰੋਲ ‘ਚ ਅਸੀਂ ਗੁੱਗੂ ਗਿੱਲ ਨੂੰ ਵੇਖਾਂਗੇ। ਟ੍ਰੇਲਰ ਦੀ ਸ਼ੁਰੂਆਤ ‘ਚ ਗੁੱਗੂ ਗਿੱਲ ਐਮੀ ਦੇ ਵਿਆਹ ਲਈ ਕੁੜੀ ਲੱਭਦੇ ਨਜ਼ਰ ਆਉਣਗੇ। ਜਿਸ ਦੀ ਬਾਅਦ ‘ਚ ਤਾਨੀਆ ਦੇ ਕਿਰਦਾਰ ਨਾਲ ਮੁਲਾਕਾਤ ਹੁੰਦੀ ਹੈ ਅਤੇ ਉਸ ਲਈ ਫੀਲਿੰਗ ਸ਼ੁਰੂ ਹੋ ਜਾਂਦੀਆਂ ਹਨ। ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਟ੍ਰੇਲਰ ਦਾ ਦੂਸਰਾ ਮੁੱਖ ਹਿੱਸਾ ਗੁੱਗੂ ਗਿੱਲ ਅਤੇ ਹਰਦੀਪ ਗਿੱਲ ਦੇ ਪਰਿਵਾਰ ਦੀ ਦੁਸ਼ਮਣੀ ਹੈ ਜੋ ਇਸਨੂੰ ਦੇਖਣ ‘ਚ ਹੋਰ ਵੀ ਰੋਮਾਂਚਕ ਬਣਾਉਂਦੀ ਹੈ।
ਦੱਸ ਦਈਏ ਕਿ ਇਸ ਫਿਲਮ ਦੇ ਟ੍ਰੇਲਰ ਦੀ ਤੁਲਨਾ ਐਮੀ ਵਿਰਕ ਦੀ ਪੁਰਾਣੀ ਫਿਲਮ ਨਿੱਕਾ ਜ਼ੈਲਦਾਰ ਨਾਲ ਵੀ ਕੀਤੀ ਗਈ ਹੈ ਕਿਉਂਕਿ ਕਹਾਣੀ ਵਿਚ ਇਕੋ ਤਰ੍ਹਾਂ ਦਾ ਟਵਿਸਟ ਹੈ। ਹਾਲਾਂਕਿ, ਓਏ ਮੱਖਣ ਦੇ ਗੀਤ ਅਤੇ ਪਿਛੋਕੜ ਸਾਨੂੰ ਨਜ਼ਰਾਂ ਨਾ ਹੱਟਾਉਣ ਲਈ ਵੀ ਮਜ਼ਬੂਰ ਕਰਦੀਆਂ ਹਨ।
ਪੰਜਾਬੀ ਸਿਨੇਮਾ ਦੇ ਫੈਨਸ ਓਏ ਮਖਨਾ ਦੇ ਟ੍ਰੇਲਰ ਨੂੰ ਪਿਆਰ ਕਰ ਰਹੇ ਹਨ ਅਤੇ ਲੋਕਾਂ ਨੂੰ ਐਮੀ-ਤਾਨੀਆ ਦੇ ਰੋਮਾਂਸ ਤੋਂ ਬਹੁਤ ਉਮੀਦਾਂ ਹਨ। ਇਹ ਖੂਬਸੂਰਤ ਔਨ-ਸਕ੍ਰੀਨ ਜੋੜੀ ਪਹਿਲਾਂ ਹੀ ਹਿੱਟ ਹੈ ਕਿਉਂਕਿ ਇਸ ਤੋਂ ਪਹਿਲਾਂ ਇਹ ਦੋਵੇਂ ਆਪਣੀ ਐਕਟਿੰਗ ਦਾ ਜਾਦੂ ਸੁਫਨਾ ਅਤੇ ਬਾਜਰੇ ਦਾ ਸਿੱਟਾ ਵਰਗੀਆਂ ਸ਼ਾਨਦਾਰ ਫਿਲਮਾਂ ਵਿੱਚ ਵਖੇਰ ਚੁੱਕੇ ਹਨ।
