ਕੁਝ ਸਾਲ ਪਹਿਲਾਂ ਤੱਕ ਜੇਕਰ ਕਿਸੇ ਵਿਅਕਤੀ ਨੂੰ ਕਿਤੇ ਵੀ ਜਾਣਾ ਪੈਂਦਾ ਸੀ ਤਾਂ ਸਭ ਤੋਂ ਵੱਡੀ ਸਮੱਸਿਆ ਸਾਧਨਾਂ ਦੀ ਹੁੰਦੀ ਸੀ। ਹੁਣ ਸਮਾਂ ਬਦਲ ਗਿਆ ਹੈ ਅਤੇ ਵੱਖ-ਵੱਖ ਐਪਾਂ ਰਾਹੀਂ ਲੋਕ ਮਿੰਟਾਂ ਵਿੱਚ ਹੀ ਆਪਣੇ ਲਈ ਕੈਬ ਬੁੱਕ ਕਰਵਾ ਲੈਂਦੇ ਹਨ। ਇਸ ਸਹੂਲਤ ਕਾਰਨ ਨਾ ਤਾਂ ਉਨ੍ਹਾਂ ਨੂੰ ਜ਼ਿਆਦਾ ਸੰਘਰਸ਼ ਕਰਨਾ ਪੈਂਦਾ ਹੈ ਅਤੇ ਨਾ ਹੀ ਉਨ੍ਹਾਂ ਨੂੰ ਖੱਜਲ-ਖੁਆਰ ਹੋਣਾ ਪੈਂਦਾ ਹੈ, ਸਗੋਂ ਕਈ ਵਾਰ ਕੁਝ ਅਜਿਹੇ ਹਾਲਾਤ ਵੀ ਪੈਦਾ ਹੋ ਜਾਂਦੇ ਹਨ, ਜੋ ਆਮ ਨਾਲੋਂ ਵੱਖਰੇ ਹੁੰਦੇ ਹਨ।
ਇਹ ਵੀ ਪੜ੍ਹੋ- ਹਾਲੀਵੁੱਡ ਸਟਾਰ ਕਿਮ ਕਾਰਦਾਸ਼ੀਅਨ ਵਰਗਾ ਦਿੱਸਣ ਲਈ ਇਸ ਮਹਿਲਾ ਨੇ ਖਰਚੇ 46 ਲੱਖ ਰੁਪਏ, ਕਰਵਾ ਚੁਕੀ ਹੈ 15 ਸਰਜਰੀਆਂ!
ਤੁਸੀਂ ਸਾਰੀਆਂ ਰਾਈਡ ਬੁਕਿੰਗ ਐਪਸ ਬਾਰੇ ਵੱਖ-ਵੱਖ ਤਰ੍ਹਾਂ ਦੀਆਂ ਖਬਰਾਂ ਸੁਣੀਆਂ ਹੋਣਗੀਆਂ। ਸ਼ਾਇਦ ਇਹ ਵੀ ਦੇਖਿਆ ਹੋਣਾ ਕਿ ਜਦੋਂ ਮੰਗ ਜ਼ਿਆਦਾ ਹੁੰਦੀ ਹੈ ਤਾਂ ਫਿਰ ਉਹ ਕਿਵੇਂ ਮੋਟੀਆਂ ਦਰਾਂ ਵਸੂਲਣ ਲੱਗ ਜਾਂਦੇ ਹਨ। ਇਸੇ ਤਰ੍ਹਾਂ ਇੱਕ ਸ਼ਰਾਬੀ ਵਿਅਕਤੀ ਨੇ ਉਬਰ ਤੋਂ ਇੱਕ ਕੈਬ ਬੁੱਕ ਕਰਵਾਈ। ਕਰੀਬ ਸਾਢੇ 6 ਕਿਲੋਮੀਟਰ ਦੇ ਸਫ਼ਰ ਤੋਂ ਬਾਅਦ ਜਦੋਂ ਉਸ ਦੇ ਸਾਹਮਣੇ 32 ਲੱਖ ਰੁਪਏ ਦਾ ਬਿੱਲ ਆਇਆ ਤਾਂ ਉਹ ਦੇਖ ਕੇ ਹੈਰਾਨ ਰਹਿ ਗਿਆ।
15 ਮਿੰਟ ਦੀ ਸਵਾਰੀ ਲਈ 32 ਲੱਖ!
ਇੰਗਲੈਂਡ ਦੇ ਗ੍ਰੇਟ ਮਾਨਚੈਸਟਰ ‘ਚ ਰਹਿਣ ਵਾਲੇ 22 ਸਾਲਾ ਓਲੀਵਰ ਕਪਲਨ ਨਾਲ ਇਹ ਅਜੀਬ ਘਟਨਾ ਵਾਪਰੀ ਹੈ। ਉਹ ਆਪਣੇ ਦੋਸਤਾਂ ਨਾਲ ਪਾਰਟੀ ਕਰਨ ਦੇ ਮੂਡ ‘ਚ ਸੀ। ਅਜਿਹੀ ਸਥਿਤੀ ਵਿੱਚ, ਉਸਨੇ ਆਪਣੇ ਸਥਾਨ ਤੋਂ 6.4 ਕਿਲੋਮੀਟਰ ਦੀ ਯਾਤਰਾ ਬੁੱਕ ਕੀਤੀ, ਜਿਸਦਾ ਬਿੱਲ ਲਗਭਗ 10 ਪੌਂਡ ਯਾਨੀ 921 ਰੁਪਏ ਆਉਣਾ ਚਾਹੀਦਾ ਸੀ। ਹੈਰਾਨੀ ਦੀ ਗੱਲ ਹੈ ਕਿ ਜਦੋਂ ਉਹ ਅਗਲੇ ਦਿਨ ਜਾਗਿਆ ਤਾਂ ਪਤਾ ਲੱਗਾ ਕਿ ਉਬਰ ਵੱਲੋਂ ਉਸ ਦੇ ਖਾਤੇ ਵਿੱਚੋਂ £35,427.97 ਯਾਨੀ 32 ਲੱਖ ਰੁਪਏ ਕੱਟਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਉਸ ਦੀ ਰਾਈਡ ਸਿਰਫ 15 ਮਿੰਟ ਦੀ ਸੀ, ਫਿਰ ਆਖਿਰ ਇਹ 32 ਲੱਖ ਰੁਪਏ ਦਾ ਬਿਲ ਕਿਵੇਂ ਆ ਗਿਆ?
ਇਹ ਵੀ ਪੜ੍ਹੋ- ਬੱਚਾ ਪੁਲ ‘ਚ ਫਸਿਆ ਤਾਂ ਮਾਂ ਨੇ ਵੀ ਨਹੀਂ ਪੁੱਟਿਆ ਅੱਗੇ ਕਦਮ, ਤੁਹਾਨੂੰ ਵੀ ਭਾਵੁਕ ਕਰ ਦੇਵੇਗੀ ਇਹ ਵੀਡੀਓ…
ਛੋਟੀ ਗਲਤੀ, ਵੱਡਾ ਘਪਲਾ
ਓਲੀਵਰ ਮੁਤਾਬਕ ਉਹ ਹਰ ਰਾਤ ਉਬਰ ‘ਤੇ ਘਰ ਆਉਂਦਾ ਸੀ ਅਤੇ ਉਸ ਦਾ ਬਿੱਲ ਕਰੀਬ 900 ਰੁਪਏ ਬਣਦਾ ਸੀ, ਜੋ ਡੈਬਿਟ ਕਾਰਡ ਤੋਂ ਕੱਟਿਆ ਜਾਂਦਾ ਸੀ। ਜਦੋਂ ਉਸ ਨੇ ਇਸ ਹੈਰਾਨ ਕਰਨ ਵਾਲੇ ਬਿੱਲ ਬਾਰੇ ਕਸਟਮਰ ਕੇਅਰ ਤੋਂ ਪੁੱਛਿਆ ਤਾਂ ਪਤਾ ਲੱਗਾ ਕਿ ਉਸ ਨੇ ਆਸਟ੍ਰੇਲੀਆ ਦੇ ਐਸ਼ਟਨ-ਅੰਡਰ-ਲਾਈਨ ਦੀ ਡਰਾਪ ਲੋਕੇਸ਼ਨ ਰੱਖੀ ਸੀ, ਜੋ ਉਥੋਂ 16 ਹਜ਼ਾਰ ਕਿਲੋਮੀਟਰ ਦੂਰ ਸੀ। ਇਹ ਖੁਸ਼ਕਿਸਮਤੀ ਸੀ ਕਿ ਓਲੀਵਰ ਦੇ ਖਾਤੇ ਵਿੱਚ ਇੰਨੇ ਪੈਸੇ ਨਹੀਂ ਸਨ ਕਿ 32 ਲੱਖ ਰੁਪਏ ਕੱਟੇ ਜਾ ਸਕਣ, ਨਹੀਂ ਤਾਂ ਉਸ ਲਈ ਇਹ ਬਹੁਤ ਮੁਸ਼ਕਲ ਹੋ ਸਕਦਾ ਸੀ। ਫਿਲਹਾਲ ਕੰਪਨੀ ਦੀ ਤਰਫੋਂ ਉਨ੍ਹਾਂ ਦਾ ਫੇਅਰ ਠੀਕ ਕਰ ਮਾਮਲਾ ਸੁਲਝਾ ਲਿਆ ਗਿਆ ਹੈ।
