Virat Kohli Shares Heart Touching Photo: ਭਾਰਤੀ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ (Virat Kohli) ਬੰਗਲਾਦੇਸ਼ ਦੌਰੇ ਤੋਂ ਬਾਅਦ ਛੁੱਟੀਆਂ ਖ਼ਤਮ ਕਰਨ ਤੋਂ ਬਾਅਦ ਸ਼੍ਰੀਲੰਕਾ ਖਿਲਾਫ ਘਰੇਲੂ ਵਨਡੇ ਸੀਰੀਜ਼ ਲਈ ਭਾਰਤੀ ਟੀਮ ‘ਚ ਪਰਤ ਆਏ ਹਨ।
ਵਿਰਾਟ ਸੋਮਵਾਰ ਸ਼ਾਮ ਟੀਮ ਦੇ ਨਾਲ ਗੁਹਾਟੀ ਪਹੁੰਚੇ ਤੇ ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਖੂਬਸੂਰਤ ਤਸਵੀਰ ਸ਼ੇਅਰ ਕੀਤੀ। ਇਸ ਤਸਵੀਰ ‘ਚ ਉਹ ਪਤਨੀ ਅਨੁਸ਼ਕਾ ਸ਼ਰਮਾ ਤੇ ਬੇਟੀ ਵਾਮਿਕਾ ਨਾਲ ਬੀਚ ‘ਤੇ ਆਰਾਮ ਦੇ ਪਲ ਬਿਤਾਉਂਦੇ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਵਿਰਾਟ ਕੋਹਲੀ ਨੇ ਪੰਜਾਬੀ ‘ਚ ਰੱਬ ਦਾ ਸ਼ੁਕਰਾਨਾ ਕੀਤਾ।
ਵਿਰਾਟ ਕੋਹਲੀ ਅਤੇ ਅਨੁਸ਼ਕਾ ਸ਼ਰਮਾ ਆਪਣੀ ਬੇਟੀ ਵਾਮਿਕਾ ਨਾਲ ਬੀਚ ਰੇਤ ‘ਤੇ ਇੱਕ-ਦੂਜੇ ਦਾ ਹੱਥ ਫੜ ਕੇ ਸੈਰ ਕਰ ਰਹੇ ਹਨ। ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਉਨ੍ਹਾਂ ਨੇ ਬੇਟੀ ਦਾ ਚਿਹਰਾ ਫੈਨਸ ਨਾਲ ਸਾਂਝਾ ਨਹੀਂ ਕੀਤਾ ਤੇ ਇਹ ਤਸਵੀਰ ਇਨ੍ਹਾਂ ਤਿੰਨਾਂ ਦੇ ਪਿੱਛੇ ਤੋਂ ਲਈ ਗਈ ਹੈ।
ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ ਕਿ ਵਿਰਾਟ ਦੁਨੀਆ ਦੇ ਕਿਸ ਹਿੱਸੇ ‘ਚ ਹਨ। ਪਰ ਤਸਵੀਰ ਵਿੱਚ, ਇਹ ਤਿੰਨੇ ਬੀਚ ਦੀ ਰੇਤ ਦੇ ਨਾਲ ਅਤੇ ਬੱਦਲਾਂ ਨਾਲ ਘਿਰੇ ਅਸਮਾਨ ਦੇ ਹੇਠਾਂ ਸੈਰ ਕਰਦੇ ਹੋਏ ਸ਼ਾਨਦਾਰ ਦਿਖਾਈ ਦੇ ਰਹੇ ਹਨ।
View this post on Instagram
ਇਸ ਤਸਵੀਰ ਦੇ ਕੈਪਸ਼ਨ ‘ਚ ਪ੍ਰਮਾਤਮਾ ਦਾ ਸ਼ੁਕਰਾਨਾ ਕਰਦੇ ਹੋਏ ਵਿਰਾਟ ਨੇ ਪੰਜਾਬੀ ‘ਚ ਲਿਖਿਆ, ‘ਰੱਬਾ ਬਖਸ਼ੀਆਂ ਤੂ ਇਨੀਆਂ ਮੇਹਰਬਾਨੀਆਂ, ਹੋਰ ਤੇਰਾ ਤੋਂ ਕੁਝ ਨਹੀਂ ਮਾਂਗਦਾ, ਬਸ ਤੇਰਾ ਸ਼ੁਕਰ ਅੱਦਾ ਕਰਦਾਂ।’
ਦੱਸ ਦੇਈਏ ਕਿ ਹਾਲ ਹੀ ‘ਚ ਵਿਰਾਟ ਕੋਹਲੀ ਵੀ ਮਥੁਰਾ-ਵਰਿੰਦਾਵਨ ਦੇ ਅਧਿਆਤਮਕ ਦੌਰੇ ‘ਤੇ ਸੀ। ਇੱਥੇ ਉਨ੍ਹਾਂ ਨੇ ਬਾਂਕੇ ਬਿਹਾਰੀ ਮੰਦਰ ਵਿੱਚ ਭਗਵਾਨ ਦੇ ਦਰਸ਼ਨ ਕੀਤੇ ਅਤੇ ਇਸ ਤੋਂ ਇਲਾਵਾ ਉਹ ਇੱਥੋਂ ਦੇ ਬਾਬਾ ਨਿੰਮ ਕਾਕੋਰੀ ਆਸ਼ਰਮ ਵਿੱਚ ਵੀ ਗਏ। ਵਿਰਾਟ ਆਪਣੇ ਪਰਿਵਾਰ ਦੇ ਨਾਲ ਇੱਥੇ ਪਹੁੰਚੇ ਸੀ ਅਤੇ ਸਵੇਰੇ ਤੜਕੇ ਧਿਆਨ ਅਤੇ ਪ੍ਰਵਚਨ ਵੀ ਸੁਣੇ।
ਇਸ ਤੋਂ ਬਾਅਦ ਹੁਣ ਉਹ ਟੀਮ ਇੰਡੀਆ ਦੇ ਤੈਅ ਪ੍ਰੋਗਰਾਮ ਮੁਤਾਬਕ ਸ਼੍ਰੀਲੰਕਾ ਖਿਲਾਫ 3 ਮੈਚਾਂ ਦੀ ਵਨਡੇ ਸੀਰੀਜ਼ ਖੇਡਣ ਲਈ ਗੁਹਾਟੀ ਪਹੁੰਚ ਗਏ ਹਨ। ਇੱਥੇ ਭਾਰਤੀ ਟੀਮ ਮੰਗਲਵਾਰ ਤੋਂ ਇਸ ਸੀਰੀਜ਼ ਦੀ ਸ਼ੁਰੂਆਤ ਕਰੇਗੀ। ਇਸ ਤੋਂ ਪਹਿਲਾਂ ਭਾਰਤ ਨੇ ਸ਼੍ਰੀਲੰਕਾ ਖਿਲਾਫ 3 ਮੈਚਾਂ ਦੀ ਟੀ-20 ਸੀਰੀਜ਼ ਵੀ ਖੇਡੀ ਸੀ, ਜਿਸ ‘ਚ ਉਸ ਨੇ ਮਹਿਮਾਨ ਸ਼੍ਰੀਲੰਕਾ ਨੂੰ 2-1 ਨਾਲ ਹਰਾਇਆ ਸੀ। ਵਿਰਾਟ ਕੋਹਲੀ ਅਤੇ ਰੋਹਿਤ ਸ਼ਰਮਾ ਇਸ ਸੀਰੀਜ਼ ਦਾ ਹਿੱਸਾ ਨਹੀਂ ਸੀ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
