Virat Kohli Video calls Wife Anushka Sharma: ਹੈਦਰਾਬਾਦ ਦੇ ਗਰਾਊਂਡ ਵਿੱਚ ਕਿੰਗ ਕੋਹਲੀ ਨੇ ਤਾਬੜਤੋੜ ਪਾਰੀ ਖੇਡਦੀਆਂ ਦੌੜਾਂ ਦੀ ਬਾਰਸ਼ ਕੀਤੀ। ਕੋਹਲੀ ਦੀ ਦਮਦਾਰੀ ਪਾਰੀ ਨੂੰ ਵੇਖ ਕੇ ਉਸ ਦੇ ਅਤੇ ਕ੍ਰਿਕਟ ਪ੍ਰੇਮੀਆਂ ਦੇ ਹੌਂਸਲੇ ਬੁਲੰਦੀਆਂ ‘ਤੇ ਪਹੁੰਚ ਗਏ।
ਦੱਸ ਦਈਏ ਕਿ ਸਨ ਰਾਈਜ਼ਰਜ਼ ਹੈਦਰਾਬਾਦ ਖਿਲਾਫ ਟੀਚੇ ਦਾ ਪਿੱਛਾ ਕਰਦੇ ਹੋਏ ਕਿੰਗ ਕੋਹਲੀ ਨੇ 63 ਗੇਂਦਾਂ ‘ਚ 12 ਚੌਕੇ ਅਤੇ 4 ਛੱਕੇ ਲਗਾ ਕੇ 100 ਦੌੜਾਂ ਬਣਾਈਆਂ। ਚਾਰ ਸਾਲ ਬਾਅਦ ਆਈਪੀਐਲ ਵਿੱਚ ਸੈਂਕੜਾ ਜੜਨ ਤੋਂ ਬਾਅਦ ਕਿੰਗ ਕੋਹਲੀ ਬੇਹੱਦ ਖੁਸ਼ ਨਜ਼ਰ ਆਏ।
ਕੋਹਲੀ ਨੇ ਵੀਡੀਓ ਕਾਲ ਅਨੁਸ਼ਕਾ ਨਾਲ ਸ਼ੇਅਰ ਕੀਤੇ ਇਮੋਸ਼ਨ
ਸੈਂਕੜਾ ਲਗਾਉਣ ਅਤੇ ਮੈਚ ਨੂੰ ਵੱਡੇ ਫਰਕ ਨਾਲ ਜਿੱਤਣ ਦੀ ਖੁਸ਼ੀ ਉਸ ਦੇ ਚਿਹਰੇ ‘ਤੇ ਸਾਫ ਝਲਕ ਰਹੀ ਸੀ। ਮੈਚ ਦੇਖਣ ਲਈ ਅਨੁਸ਼ਕਾ ਅਕਸਰ ਸਟੇਡੀਅਮ ‘ਚ ਮੌਜੂਦ ਰਹਿੰਦੀ ਹੈ ਪਰ ਇਸ ਵਾਰ ਉਹ ਉੱਥੇ ਨਹੀਂ ਸੀ, ਇਸ ਲਈ ਕੋਹਲੀ ਨੇ ਵੀਡੀਓ ਕਾਲ ਕਰਕੇ ਆਪਣੀਆਂ ਭਾਵਨਾਵਾਂ ਜ਼ਾਹਰ ਕੀਤੀਆਂ।
#ViratKohli𓃵
Kohli after match video call with Anushka #RCBvsSRH pic.twitter.com/xsrmE8Qak5— Ajeet Kumar (@ajeetkr03) May 18, 2023
ਇਸ ਦੇ ਨਾਲ ਹੀ ਅਨੁਸ਼ਕਾ ਨੇ ਵੀ ਆਪਣੇ ਪਤੀ ਦੇ ਸੈਂਕੜੇ ‘ਤੇ ਖੁਸ਼ੀ ਜਤਾਈ। ਉਸ ਨੇ ਕੋਹਲੀ ਦੀਆਂ ਤਸਵੀਰਾਂ ਦੇ ਨਾਲ ਇੰਸਟਾਗ੍ਰਾਮ ਸਟੋਰੀ ‘ਤੇ ਲਿਖਿਆ – ਉਹ ਇੱਕ ਬੰਬ ਹੈ। ਕੀ ਪਾਰੀ ਹੈ। ਅਨੁਸ਼ਕਾ ਨੇ ਇਸ ਦੇ ਨਾਲ ਦਿਲ ਦਾ ਇਮੋਜੀ ਲਗਾਇਆ।
ਹੈਦਰਾਬਾਦ ‘ਚ RCB-ਕੋਹਲੀ ਦੇ ਲੱਗੇ ਨਾਅਰੇ
ਕੋਹਲੀ ਭੁਵਨੇਸ਼ਵਰ ਕੁਮਾਰ ਦੀ ਗੇਂਦ ‘ਤੇ ਵੱਡਾ ਸ਼ਾਟ ਲਗਾਉਣ ਦੀ ਕੋਸ਼ਿਸ਼ ਕਰਦੇ ਬਾਉਂਡਰੀ ਲਾਈਨ ਕੋਲ ਕੈਚ ਆਊਟ ਹੋਏ। ਵਿਰਾਟ ਦੀ ਇਸ ਸ਼ਾਨਦਾਰ ਪਾਰੀ ਨੂੰ ਦੇਖ ਕੇ ਹੈਦਰਾਬਾਦ ਦਾ ਸਟੇਡੀਅਮ ਆਰਸੀਬੀ ਅਤੇ ਕੋਹਲੀ ਦੇ ਨਾਅਰਿਆਂ ਨਾਲ ਗੂੰਜ ਉੱਠਿਆ। ਸੈਂਕੜਾ ਲਗਾਉਣ ਤੋਂ ਬਾਅਦ ਕੋਹਲੀ ਵੀ ਕੁਝ ਭਾਵੁਕ ਨਜ਼ਰ ਆਏ। ਇਸ ਦੇ ਨਾਲ ਹੀ ਜਦੋਂ ਉਹ ਸ਼ਾਨਦਾਰ ਪਾਰੀ ਖੇਡ ਕੇ ਮੈਦਾਨ ਤੋਂ ਪਰਤ ਰਿਹਾ ਸੀ ਤਾਂ ਸਨ ਰਾਈਜ਼ਰਜ਼ ਦੇ ਖਿਡਾਰੀ ਉਨ੍ਹਾਂ ਨੂੰ ਵਧਾਈ ਦਿੰਦੇ ਨਜ਼ਰ ਆਏ।
RCB 14 ਅੰਕਾਂ ਨਾਲ ਚੌਥੇ ਸਥਾਨ ‘ਤੇ ਪਹੁੰਚ ਗਿਆ ਹੈ
ਇਸ ਮੈਚ ‘ਚ 8 ਵਿਕਟਾਂ ਦੀ ਸ਼ਾਨਦਾਰ ਜਿੱਤ ਤੋਂ ਬਾਅਦ ਆਰਸੀਬੀ ਦੀ ਟੀਮ 14 ਅੰਕਾਂ ਨਾਲ ਅੰਕ ਸੂਚੀ ‘ਚ ਚੌਥੇ ਸਥਾਨ ‘ਤੇ ਪਹੁੰਚ ਗਈ ਹੈ। RCB ਦੀ ਨੈੱਟ ਰਨ ਰੇਟ 0.180 ਹੈ। ਉਹ 14 ਅੰਕਾਂ ਅਤੇ -0.128 NRR ਦੇ ਨਾਲ ਮੁੰਬਈ ਇੰਡੀਅਨਜ਼ ਤੋਂ ਹੇਠਾਂ ਖਿਸਕ ਗਿਆ ਹੈ। ਹੁਣ ਸਾਰੀਆਂ ਟੀਮਾਂ ਦਾ ਇੱਕ-ਇੱਕ ਮੈਚ ਹੈ।
ਅਜਿਹੇ ‘ਚ ਦਿੱਲੀ ਕੈਪੀਟਲਸ ਅਤੇ ਸਨ ਰਾਈਜ਼ਰਸ ਹੈਦਰਾਬਾਦ ਦੇ ਬਾਹਰ ਹੋਣ ਤੋਂ ਬਾਅਦ ਪਲੇਆਫ ਮੈਚ ਦਿਲਚਸਪ ਹੋ ਗਿਆ ਹੈ। ਹੁਣ ਤੱਕ ਸਿਰਫ਼ ਗੁਜਰਾਤ ਟਾਈਟਨਸ ਹੀ 18 ਅੰਕਾਂ ਨਾਲ ਕੁਆਲੀਫਾਈ ਕਰ ਸਕੀ ਹੈ। ਅਜਿਹੇ ‘ਚ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਇਸ ਟੂਰਨਾਮੈਂਟ ‘ਚ ਕਿਹੜੀਆਂ 4 ਟੀਮਾਂ ਅੱਗੇ ਵਧਦੀਆਂ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
