World’s Smallest Luxury Bag: ਪਿਛਲੇ ਕੁਝ ਸਮੇਂ ਤੋਂ ਸੋਸ਼ਲ ਮੀਡੀਆ ‘ਤੇ ਇੱਕ ਬਹੁਤ ਹੀ ਛੋਟੇ ਬੈਗ ਦੀ ਤਸਵੀਰ ਵਾਇਰਲ ਹੋ ਰਹੀ ਹੈ। ਇਹ ਬੈਗ ਲੂਣ ਦੇ ਇੱਕ ਦਾਣੇ ਤੋਂ ਵੀ ਛੋਟਾ ਹੈ। ਇਸ ਨੂੰ ਦੇਖਣ ਲਈ ਮਾਈਕ੍ਰੋਸਕੋਪ ਦੀ ਲੋੜ ਹੁੰਦੀ ਹੈ। ਹੁਣ ਇਹ ਇੱਕ ਨਿਲਾਮੀ ਵਿੱਚ 50 ਲੱਖ ਰੁਪਏ ਤੋਂ ਵੱਧ ਵਿੱਚ ਵਿਕਿਆ।
CNN ਦੀ ਰਿਪੋਰਟ ਦੇ ਅਨੁਸਾਰ, ਮਨੁੱਖੀ ਅੱਖ ਨੂੰ ਮੁਸ਼ਕਿਲ ਨਾਲ ਦਿਖਾਈ ਦੇਣ ਵਾਲਾ ਇਹ ਬੈਗ ਲੂਈ ਵਿਟਨ ਦੇ ਡਿਜ਼ਾਈਨ ‘ਤੇ ਅਧਾਰਤ ਹੈ। ਹਾਲਾਂਕਿ, ਇਸਨੂੰ ਨਿਊਯਾਰਕ ਆਰਟ ਗਰੁੱਪ MSCHF ਨੇ ਬਣਾਇਆ ਗਿਆ ਸੀ। MSCHF ਦੀ ਸਥਾਪਨਾ 2016 ਵਿੱਚ ਕੀਤੀ ਗਈ ਸੀ ਅਤੇ ਇਹ ਇਸਦੀਆਂ ਵਿਅੰਗਾਤਮਕ ਨਿਲਾਮੀ ਲਈ ਜਾਣੀ ਜਾਂਦੀ ਹੈ।
ਇਹ ਬੈਗ ਪਿਛਲੇ ਦਿਨ ਇੱਕ ਆਨਲਾਈਨ ਨਿਲਾਮੀ ਵਿੱਚ 63,000 ਡਾਲਰ (51.6 ਲੱਖ ਰੁਪਏ) ਵਿੱਚ ਵਿਕਿਆ। ਬੈਗ ਨੂੰ ਡਿਜੀਟਲ ਡਿਸਪਲੇ ਵਾਲੇ ਮਾਈਕ੍ਰੋਸਕੋਪ ਨਾਲ ਵੇਚਿਆ ਗਿਆ, ਤਾਂ ਜੋ ਖਰੀਦਦਾਰ ਇਸ ਨੂੰ ਦੇਖ ਸਕੇ। ਕਿਉਂਕਿ, ਇਸਦਾ ਆਕਾਰ ਸਿਰਫ 657×222×700 ਮਾਈਕ੍ਰੋਮੀਟਰ ਹੈ। ਬੈਗ ਫਲੋਰੋਸੈਂਟ ਪੀਲਾ-ਹਰਾ ਹੈ।
ਇਹ ਇੰਨਾ ਛੋਟਾ ਹੈ ਕਿ ਇਹ ਸੂਈ ਦੇ ਮੋਰੀ ਚੋਂ ਲੰਘ ਜਾਵੇਗਾ। ਇਸ ਮਹੀਨੇ ਦੇ ਸ਼ੁਰੂ ਵਿੱਚ, ਜਦੋਂ MSCHF ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ‘ਤੇ ਬੈਗ ਦੀ ਇੱਕ ਤਸਵੀਰ ਪੋਸਟ ਕੀਤੀ, ਤਾਂ ਇਸਨੇ ਆਨਲਾਈਨ ਬਹੁਤ ਸਾਰੀਆਂ ਸੁਰਖੀਆਂ ਬਣਾਈਆਂ। ਬੈਗ ‘ਚ Louis Vuitton ਕੰਪਨੀ ‘LV’ ਦਾ ਲੋਗੋ ਬਣਿਆ ਹੈ।
ਬੈਗ ਦੀ ਫੋਟੋ ‘ਤੇ ਕਮੈਂਟ ਕਰਦੇ ਹੋਏ ਇਕ ਯੂਜ਼ਰ ਨੇ ਲਿਖਿਆ- ਆਖਿਰ ਇਸ ਦਾ ਕੀ ਫਾਇਦਾ ਹੈ। ਦੂਜੇ ਨੇ ਕਿਹਾ – ਇਸ ਨੂੰ ਬਣਾਉਣ ਵਿੱਚ ਕਿੰਨਾ ਧਿਆਨ ਰੱਖਿਆ ਹੋਵੇਗਾ। ਤੀਜੇ ਨੇ ਲਿਖਿਆ- ਕੀੜੀ ਤੋਂ ਛੋਟਾ ਹੈਂਡਬੈਗ।
ਦੱਸ ਦੇਈਏ ਕਿ ਲੁਈਸ ਵਿਟਨ ਇੱਕ ਅੰਤਰਰਾਸ਼ਟਰੀ ਲਗਜ਼ਰੀ ਬ੍ਰਾਂਡ ਹੈ। ਇਸ ਦੇ ਹਰ ਬੈਗ ਦੀ ਕੀਮਤ ਲੱਖਾਂ ਰੁਪਏ ਹੈ। ਅਮੀਰ ਅਤੇ ਵੱਡੀਆਂ ਹਸਤੀਆਂ ਇਸ ਦੇ ਬੈਗ ਲੈਣਾ ਪਸੰਦ ਕਰਦੀਆਂ ਹਨ। ਲੂਈ ਵਿਟਨ ਬੈਗ ਬਣਾਉਣ ਵਾਲੀ ਕੰਪਨੀ ਦੀ ਸੂਚੀ ਵਿੱਚ ਇੱਕ ਮਸ਼ਹੂਰ ਅਤੇ ਸਥਾਪਿਤ ਬ੍ਰਾਂਡ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
