Yograj Singh in Indian 2: ਯੋਗਰਾਜ ਸਿੰਘ (Yograj Singh) ਦੇ ਫੈਨਸ ਲਈ ਵੱਡੀ ਖ਼ਬਰ ਹੈ। ਦੱਸ ਦਈਏ ਕਿ ਜਲਦ ਹੀ ਅਸੀਂ ਇਸ ਲੈਜੇਂਡ ਪੰਜਾਬੀ ਕਲਾਕਾਰ (Punjabi artist) ਨੂੰ ਸਾਊਥ ਦੇ ਵੱਡੇ ਐਕਟਰ ਕਮਲ ਹਾਸਨ ਦੇ ਨਾਲ ਸਕਰੀਨ ਸ਼ੇਅਰ ਕਰਦੇ ਵੇਖਾਂਗੇ। ਜੀ ਹਾਂ, ਇਹ ਸੱਚ ਹੈ। ਤਾਜ਼ਾ ਜਾਣਕਾਰੀ ਮੁਤਾਬਕ ਕਮਲ ਹਾਸਲ ਜਲਦ ਹੀ ਯੋਗਰਾਜ ਦੇ ਨਾਲ ਉਨ੍ਹਾਂ ਦੀ ਸੁਪਰਹਿੱਟ ਫਿਲਮ ‘ਇੰਡੀਅਨ 2’ (Indian 2) ‘ਚ ਨਜ਼ਰ ਆਉਣਗੇ। ਐਕਟਰ ਯੋਗਰਾਜ ਨੇ ਇਸ ਦੀ ਜਾਣਕਾਰੀ ਖੁਦ ਸੋਸ਼ਲ ਮੀਡੀਆ ‘ਤੇ ਇੱਕ ਪੋਸਟ ਸ਼ੇਅਰ ਕਰਕੇ ਦਿੱਤੀ ਹੈ। ਜਿਸ ‘ਚ ਯੋਗਰਾਜ ਮੇਕਅੱਪ ਕਰਵਾਉਂਦੇ ਨਜ਼ਰ ਆ ਰਹੇ ਹਨ।
ਉਨ੍ਹਾਂ ਨੇ ਇਸ ਤਸਵੀਰ ਨੂੰ ਕੈਪਸ਼ਨ ਦਿੱਤਾ, “ਪੰਜਾਬ ਦਾ ਸ਼ੇਰ (ਆਪਣੇ ਆਪ ਦਾ ਹਵਾਲਾ ਦਿੰਦੇ ਹੋਏ) ਕਮਲ ਹਾਸਨ ਜੀ ਦੇ ਨਾਲ ਇੰਡੀਅਨ 2 ਲਈ ਤਿਆਰ ਹੈ!”
View this post on Instagram
ਦਿਲਚਸਪ ਗੱਲ ਇਹ ਹੈ ਕਿ ਯੋਗਰਾਜ ਦੀ ਤਾਮਿਲ ਵਿੱਚ ਆਖਰੀ ਫਿਲਮ ਰਜਨੀਕਾਂਤ ਦੀ ਦਰਬਾਰ (2020) ਹੈ। ਪੰਜਾਬੀ ਅਤੇ ਹਿੰਦੀ ਵਿੱਚ ਸੌ ਤੋਂ ਵੱਧ ਫਿਲਮਾਂ ਵਿੱਚ ਕੰਮ ਕਰਨ ਤੋਂ ਬਾਅਦ ਯੋਗਰਾਜ ਨੂੰ ਭਾਰਤੀ ਕ੍ਰਿਕਟਰ ਯੁਵਰਾਜ ਸਿੰਘ ਦੇ ਪਿਤਾ ਵਜੋਂ ਜਾਣਿਆ ਜਾਂਦਾ ਹੈ। ਯੋਗਰਾਜ ਆਪਣੀਆਂ ਹਿੰਦੀ ਫਿਲਮਾਂ ਤੀਨ ਥੇ ਭਾਈ, ਸਿੰਘ ਇਜ਼ ਬਲਿੰਗ, ਅਤੇ ਭਾਗ ਮਿਲਖਾ ਭਾਗ ਲਈ ਕਾਫੀ ਫੇਮਸ ਹਨ।
ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਇੰਡੀਅਨ 2 ਦੀ ਸ਼ੂਟਿੰਗ ਲਗਪਗ ਦੋ ਸਾਲਾਂ ਤੱਕ ਰੁਕਣ ਤੋਂ ਬਾਅਦ ਹਾਲ ਹੀ ਵਿੱਚ ਮੁੜ ਸ਼ੁਰੂ ਹੋਈ ਹੈ। ਇਹ ਸ਼ੰਕਰ-ਕਮਲ ਹਾਸਨ ਕੰਬੋ ਦੀ 1996 ਦੀ ਤਮਿਲ ਵਿਜੀਲੈਂਟ ਐਕਸ਼ਨ ਫਿਲਮ, ਭਾਰਤੀ ਦਾ ਸੀਕਵਲ ਹੈ। ਆਗਾਮੀ ਫਿਲਮ ਦਾ ਨਿਰਦੇਸ਼ਨ ਵੀ ਸ਼ੰਕਰ ਵਲੋਂ ਆਪਣੇ ਪੁਰਾਣੇ ਸਹਾਇਕ, ਵਸੰਤਬਲਨ, ਚਿੰਬੂਦੇਵਨ ਅਤੇ ਅਰਿਵਾਜ਼ਗਨ ਦੇ ਸਮਰਥਨ ਨਾਲ ਕੀਤਾ ਗਿਆ ਹੈ।
ਸੀਕਵਲ ਵਿੱਚ ਕਮਲ ਟਾਈਟਲ ਰੋਲ ਨੂੰ ਮੁੜ ਤੋਂ ਨਿਭਾ ਰਿਹਾ ਹੈ। ਸਿਧਾਰਥ, ਕਾਜਲ ਅਗਰਵਾਲ, ਪ੍ਰਿਆ ਭਵਾਨੀ ਸ਼ੰਕਰ, ਰਕੁਲ ਪ੍ਰੀਤ ਸਿੰਘ, ਗੁਲਸ਼ਨ ਗਰੋਵਰ, ਬੌਬੀ ਸਿਮਹਾ ਅਤੇ ਗੁਰੂ ਸੋਮਸੁੰਦਰਮ ਵੀ ਫਿਲਮ ਦਾ ਹਿੱਸਾ ਹਨ। ਫਿਲਮ ਨੂੰ ਲਾਇਕਾ ਪ੍ਰੋਡਕਸ਼ਨ ਦੇ ਸੁਬਾਸਕਰਨ ਅਲੀਰਾਜਾ ਅਤੇ ਡੀਐਮਕੇ ਯੂਥ ਵਿੰਗ ਦੇ ਸਕੱਤਰ ਅਤੇ ਵਿਧਾਇਕ ਉਧਯਨਿਧੀ ਸਟਾਲਿਨ ਦੁਆਰਾ ਰੈੱਡ ਜਾਇੰਟ ਮੂਵੀਜ਼ ਦੁਆਰਾ ਸਮਰਥਨ ਪ੍ਰਾਪਤ ਹੈ।
ਇਹ ਵੀ ਪੜ੍ਹੋ: PM ਮੋਦੀ ਪੰਜਾਬ ਆਉਣ ਦੀ ਤਿਆਰੀ ‘ਚ, ਰਾਧਾ ਸੁਆਮੀ ਡੇਰੇ ‘ਚ ਕਰਨਗੇ ਸ਼ਿਰਕਤ, ਕੀ ਹਿਮਾਚਲ ਚੋਣਾਂ ‘ਤੇ ਪਵੇਗਾ ਅਸਰ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
