ਆਮ ਲੋਕਾਂ ਲਈ ਜੂਨ ਦੇ ਮਹੀਨੇ ਦਾ ਪਹਿਲਾ ਦਿਨ ਵੱਡੀ ਰਾਹਤ ਲੈ ਕੇ ਆਇਆ ਹੈ।ਦੇਸ਼ ਦੀ ਪ੍ਰਮੁੱਖ ਗੈਸ ਕੰਪਨੀਆਂ ਬਿਨ੍ਹਾਂ ਸਬਸਿਡੀ ਵਾਲੇ ਐਲਪੀਜੀ ਦੀਆਂ ਕੀਮਤਾਂ ‘ਚ 135 ਰੁਪਏ ਦੀ ਭਾਰੀ ਕਟੌਤੀ ਕੀਤੀ ਹੈ।ਦੱਸਣਯੋਗ ਹੈ ਕਿ ਇਹ ਕਟੌਤੀ 19 ਕਿਲੋ ਵਾਲੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀਆਂ ਕੀਮਤਾਂ ‘ਚ ਹੋਈ ਹੈ, ਜਦੋਂ ਕਿ 14.2 ਕਿਲੋ ਵਾਲੇ ਘਰੇਲੂ ਗੈਸ ਸਿਲੰਡਰਾਂ ਦੇ ਭਾਅ ‘ਚ ਕਿਸੇ ਤਰਾਂ ਦਾ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਕਮਰਸ਼ੀਅਲ ਗੈਸ ਸਿਲੰਡਰ ਦੇ ਭਾਅ ‘ਚ ਹੋਈ ਇਸ ਕਟੌਤੀ ਤੋਂ ਬਾਅਦ ਰਾਜਧਾਨੀ ਦਿੱਲੀ ‘ਚ 19 ਕਿਲੋ ਵਾਲੇ ਐਲਪੀਜੀ ਸਿਲੰਡਰ ਦੀ ਕੀਮਤ 2,354 ਰੁਪਏ ਤੋਂ ਘਟ ਕੇ 2,219 ਰੁਪਏ ਹੋ ਗਈ ਹੈ।ਦਿੱਲੀ ‘ਚ 14.2 ਕਿਲੋ ਦੇ ਨਾਨ-ਸਬਸਿਡੀ ਸਿਲੰਡਰ ਦੀਆਂ ਕੀਮਤਾਂ 1,003 ਰੁਪਏ ਹੈ।ਮੁੰਬਈ ‘ਚ ਘਰੇਲੂ ਰਸੋਈ ਸਿਲੰਡਰ ਦੀ ਕੀਮਤ 1002.5 ਰੁਪਏ ਹੈ।
ਕੋਲਕਾਤਾ ‘ਚ ਇਸਦੀ ਕੀਮਤ 1,029 ਰੁਪਏ ਜਦੋਂਕਿ ਚੇਨੱਈ ‘ਚ ਭਾਅ 1018.5 ਰੁਪਏ ਹੈ।ਦੱਸਣਯੋਗ ਹੈ ਕਿ ਪਿਛਲੇ ਮਹੀਨੇ ਆਮ ਆਦਮੀ ਨੂੰ ਵੱਡਾ ਝਟਕਾ ਲੱਗਾ ਸੀ।ਤੇਲ ਕੰਪਨੀਆਂ ਨੇ ਮਈ ਮਹੀਨੇ ‘ਚ ਦੋ ਵਾਰ ਘਰੇਲੂ ਰਸੋਈ ਸਿਲੰਡਰ ਦੀਆਂ ਕੀਮਤਾਂ ‘ਚ ਵਾਧਾ ਕੀਤਾ ਸੀ।ਬਿਨ੍ਹਾਂ ਸਬਸਿਡੀ ਵਾਲੇ 14.2 ਕਿਲੋਗ੍ਰਾਮ ਰਸੋਈ ਗੈਸ ਸਿਲੰਡਰ ਦੇ ਭਾਅ ਪਹਿਲੀ ਵਾਰ 7 ਮਈ ਨੂੰ 50 ਰੁਪਏ ਵਧੇ ਸਨ ਅਤੇ ਫਿਰ 19 ਮਈ ਨੂੰ ਇਸ ‘ਚ 3.50 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ।
