ਇਨ੍ਹੀਂ ਦਿਨੀਂ ਕੇਰਲ ਦੀ ਇਕ ਔਰਤ ਭਾਰਤੀ ਮੀਡੀਆ ਵਿਚ ਹੀ ਨਹੀਂ ਸਗੋਂ ਵਿਦੇਸ਼ੀ ਆਨਲਾਈਨ ਮੀਡੀਆ ਵਿਚ ਵੀ ਛਾਈ ਹੋਈ ਹੈ। ਇਹ ਔਰਤ ਇਨ੍ਹੀਂ ਦਿਨੀਂ ਆਪਣੀ ਸ਼ਾਨਦਾਰ ਅਤੇ ਨੋਕਦਾਰ ਮੁੱਛਾਂ ਲਈ ਚਰਚਾ ‘ਚ ਹੈ। ਔਰਤ ਦੀਆਂ ਮੁੱਛਾਂ ਦੇਖ ਕੇ ਲੱਗਦਾ ਹੈ ਕਿ ਇਹ ਮਰਦ ਦੀਆਂ ਮੁੱਛਾਂ ਹਨ, ਪਰ ਅਜਿਹਾ ਨਹੀਂ ਹੈ। ਫਿਲਹਾਲ ਸੋਸ਼ਲ ਮੀਡੀਆ ‘ਤੇ ਮਹਿਲਾ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ।
ਲੋਕ ਕਰਦੇ ਸਨ ਮਜ਼ਾਕ
ਦਰਅਸਲ, ਇਹ ਔਰਤ ਕੇਰਲ ਦੇ ਕੰਨੂਰ ਜ਼ਿਲ੍ਹੇ ਦੀ ਰਹਿਣ ਵਾਲੀ ਹੈ। ਇਕ ਰਿਪੋਰਟ ਮੁਤਾਬਕ ਇਸ 35 ਸਾਲਾ ਔਰਤ ਦਾ ਨਾਂ ਸ਼ਾਇਜ਼ਾ ਹੈ। ਸ਼ਾਇਜ਼ਾ ਦੀਆਂ ਮੁੱਛਾਂ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਪਹਿਲਾਂ ਕਈ ਲੋਕ ਉਸ ਦਾ ਮਜ਼ਾਕ ਉਡਾਉਂਦੇ ਸਨ ਪਰ ਹੁਣ ਸ਼ਾਇਜ਼ਾ ਲੋਕਾਂ ਦੀ ਪਰਵਾਹ ਨਹੀਂ ਕਰਦੀ। ਸ਼ਾਇਜ਼ਾ ਨੂੰ ਮੁੱਛਾਂ ਰੱਖਣਾ ਪਸੰਦ ਹੈ।
ਆਪਣੇ ਆਪ ਨੂੰ ਇਸੇ ਤਰ੍ਹਾਂ ਅਪਣਾਇਆ
ਰਿਪੋਰਟ ਵਿਚ ਇਹ ਵੀ ਦੱਸਿਆ ਗਿਆ ਹੈ ਕਿ ਉਸ ਦੇ ਉਪਰਲੇ ਬੁੱਲ੍ਹਾਂ ‘ਤੇ ਵਾਲਾਂ ਦਾ ਵਾਧਾ ਬਹੁਤ ਜ਼ਿਆਦਾ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਦੀਆਂ ਆਈਬ੍ਰੋ ਅਤੇ ਚਿਹਰੇ ਦੇ ਹੋਰ ਵਾਲ ਵੀ ਤੇਜ਼ੀ ਨਾਲ ਵਧਦੇ ਹਨ। ਹੌਲੀ-ਹੌਲੀ ਸ਼ਾਇਜ਼ਾ ਨੇ ਆਪਣੇ ਆਪ ਨੂੰ ਇਸ ਤਰ੍ਹਾਂ ਅਪਣਾ ਲਿਆ ਹੈ ਅਤੇ ਹੁਣ ਉਹ ਵਾਲਾਂ ਨੂੰ ਸਾਫ਼ ਨਹੀਂ ਕਰਦੀ ਹੈ। ਹਾਲਾਂਕਿ ਇਸ ਦੇ ਲਈ ਉਨ੍ਹਾਂ ਨੂੰ ਕਈ ਤਾਅਨੇ ਵੀ ਸੁਣਨੇ ਪਏ। ਲੋਕ ਉਸ ਨੂੰ ਜ਼ਰੂਰ ਪੁੱਛਦੇ ਹਨ ਕਿ ਉਹ ਆਪਣੇ ਵਾਲ ਕਿਉਂ ਨਹੀਂ ਸਾਫ਼ ਕਰਦੀ।
ਸ਼ਾਇਜ਼ਾ ਦਾ ਕਹਿਣਾ ਹੈ ਕਿ ਪਹਿਲਾਂ ਉਹ ਹਮੇਸ਼ਾ ਆਪਣੇ ਚਿਹਰੇ ਦੇ ਵਾਲਾਂ ਨੂੰ ਸਾਫ਼ ਕਰਵਾਉਂਦੀ ਸੀ ਪਰ ਕਰੀਬ ਪੰਜ ਸਾਲ ਪਹਿਲਾਂ ਉਸ ਨੂੰ ਲੱਗਾ ਕਿ ਹੁਣ ਉਸ ਨੂੰ ਆਪਣੇ ਵਾਲ ਸਾਫ਼ ਕਰਨ ਦੀ ਲੋੜ ਨਹੀਂ ਹੈ। ਜਦੋਂ ਉਸ ਦੇ ਵਾਲ ਸੰਘਣੇ ਹੋਣ ਲੱਗੇ ਤਾਂ ਸ਼ਾਇਜ਼ਾ ਨੇ ਵਾਲਾਂ ਨੂੰ ਪੂਰੀ ਤਰ੍ਹਾਂ ਸਾਫ਼ ਕਰਨਾ ਬੰਦ ਕਰ ਦਿੱਤਾ। ਅਤੇ ਹੁਣ ਉਹ ਆਪਣੇ ਵਾਲਾਂ ਨੂੰ ਪਸੰਦ ਕਰਦੀ ਹੈ, ਉਸਨੇ ਆਪਣੇ ਆਪ ਨੂੰ ਇਸ ਤਰ੍ਹਾਂ ਅਪਣਾ ਲਿਆ ਹੈ।
