ਕੈਪਟਨ ਦੀ ਵਧਾਈ ਤੋੰ ਬਾਅਦ ਨਵਜੋਤ ਸਿੱਧੂ ਸਟੇਜ ‘ਤੇ ਪੂਰੇ ਜੋਸ਼ ਨਾਲ ਗਰਜੇ | ਨਵਜੋਤ ਸਿੱਧੂ ਨੇ ਕਿਹਾ ਕਿ ਮਸਲਾ ਪ੍ਰਧਾਨਗੀ ਦਾ ਨਹੀਂ ਮਸਲਾ ਗੁਰੂ ਦਾ,ਬੇਰੂਜ਼ਗਾਰ ਅਧਿਆਪਕਾਂ ਦਾ,ਡਾਕਟਰਾਂ ਦੇ ਧਰਨਿਆ ਦਾ ਇਸ ਲਈ ਇਹ ਪ੍ਰਧਾਨਗੀ ਇਨ੍ਹਾਂ ਮਸਲਿਆਂ ਦੀ ਪੈਰਵਾਈ ਕਰੇਗੀ | ਇਸ ਦੇ ਨਾਲ ਹੀ ਸਿੱਧੂ ਨੇ ਕਿਹਾ ਕਿ ਜੇਕਰ ਗੁਰੂ ਦਾ ਇਨਸਾਫ ਨਾ ਹੋਇਆ ਤਾਂ ਇਹ ਪ੍ਰਧਾਨਗੀ ਕੱਖ ਨਹੀਂ | ਅਕਾਲੀ ਦਲ ਤੇ ਨਿਸ਼ਾਨਾਂ ਸਾਧਦੇ ਸਿੱਧੂ ਨੇ ਕਿਹਾ ਕਿ ਬਾਦਲਾਂ ਦਾ ਬਿਸਤਰਾਂ ਗੋਲ ਕਰ ਕੇ ਰਹਾਂਗੇ | ਨਵਜੋਤ ਸਿੱਧੂ ਹਰ ਵਾਰ ਦੀ ਤਰਾਂ ਇਸ ਵਾਰ ਫਿਰ ਬੋਲੇ ਕਿ ਜਾਜਾ ਸਾਲਾ ਰਹਿਣ ਨਹੀਂ ਦੇਣਾ ਕੋਠੀ ਤੇ ਤੋਤਾ ਬਹਿਣ ਨੀ ਦੇਣਾ ਉਨ੍ਹਾਂ ਵੱਲੋਂ ਇਹ ਕਹਿ ਕੇ ਮਜੀਠਿਆ ਤੇ ਸੁਖਬੀਰ ਬਾਦਲ ‘ਤੇ ਨਿਸ਼ਾਨੇ ਸਾਧੇ ਗਏ | ਉਨ੍ਹਾਂ ਕਿਹਾ ਕਿ ਇਨਾਂ ਦੀ ਸ਼ਹਿ ਤੇ ਪੰਜਾਬ ਦੇ ਵਿੱਚ ਚਿੱਟਾ ਵਿਕਦਾ ਹੈ |
ਆਪਣੇ ਪਿਤਾ ਨੂੰ ਯਾਦ ਕਰਦੇ ਸਿੱਧੂ ਨੇ ਕਿਹਾ ਕਿ ਮੈਂ ਸੁਤੰਤਰਤਾ ਸੈਨਾਨੀ ਦਾ ਪੁੱਤ ਹਾਂ ਮਰਦਾ ਮਰ ਜਾਊਂ ਸਿੱਧੂ ਪੰਜਾਬ ਦੀ ਲੜਾਈ ਲੜਦਾ ਰਹੇਗਾ,ਮਸਲੇ ਨੇ ਤੇ ਇਹ ਹੱਲ ਕਰਨੇ ਆ, ਤਾਂ ਅਸੀਂ ਸੱਚੇ ਸਿੱਖ ਹਾਂ |
ਇਸ ਮੌਕੇ ਸਿੱਧੂ ਨੇ ਕਿਸਾਨੀ ਅੰਦੋਲਨ ਤੇ ਵੀ ਵੱਡਾ ਬਿਆਨ ਦਿੱਤਾ ਕਿਹਾ ਕਿਸਾਨਾਂ ਦੀ ਸੰਘਰਸ਼ ਪਵਿੱਤਰ ਹੈ ਇਸ ਕਿਸਾਨ ਅੰਦੋਲਨ ਨੇ ਸਾਨੂੰ ਕੀ ਪੂਰੇ ਦੇਸ਼ ਨੂੰ ਏਕਤਾ ਦਿੱਤੀ ਹੈ | ਉਨਾਂ ਕਿਹਾ ਕਿ ਕਾਂਗਰਸ ਇੱਕ ਹੈ ਤੇ ਇਕਮੁੱਠ ਹੀ ਰਹੇਗੀ,ਮੈਂ ਜਿਆਦਾ ਨਹੀਂ ਬੋਲਣਾ ਸੀ ਬਸ ਵਿਸਫੋਟਕ ਬੋਲਣਾ ਸੀ ਤੇ ਜੋ ਗੱਲ ਕਹੀ ਉਹ ਰੂਹ ਤੋਂ ਕਹੀ ਹੈ | ਸਿਧੂ ਨੇ ਕਿਹਾ ਕਿ ਦਿੱਲੀ ਮਾਡਲ ਦੇ ਪਰਖੱਚੇ ਉਡਾ ਦੇਣੇ ਆ ਪੰਜਾਬ ਮਾਡਲ ਨੇ |ਮੇਰਾ ਦਿਲ ਚਿੜੇ ਦਾ ਨਹੀਂ ਜਿਹੜੇ ਵਿਰੋਧ ਕਰਦੇ ਰਹੇ ਉਹ ਵੇਖਣਗੇ ਤੇ ਹੌਸਲਾ ਦੇਣ ਵਾਲੇ ਮੇਰਾ ਸੁਰੱਖਿਆ ਕਵਜ ਹਨ |
