ਚੰਡੀਗੜ੍ਹ 6 ਜੂਨ 2021- ਟੋਹਾਣਾ ਥਾਣੇ ਦੇ ਬਾਹਰ ਕਿਸਾਨਾਂ ਨੇ ਰਾਤ ਨੂੰ ਵੀ ਧਰਨਾ ਦਿੱਤਾ | ਬੀਤੇ ਦਿਨੀ ਕਿਸਾਨ ਆਗੂ ਗੁਰਨਾਮ ਸਿੰਘ ਚੜੂੰਨੀ ਨੇ ਕਿਹਾ ਸੀ ਕਿ ਅਸੀਂ ਗ੍ਰਿਫਤਾਰੀਆਂ ਦੇਣ ਲਈ ਟੋਹਾਣਾ ਜਾਵਾਂਗੇ,ਜਿਸ ਤੋਂ ਬਾਅਦ ਬੀਤੇ ਕੱਲ ਵੱਡੀ ਗਿਣਤੀ ‘ਚ ਵਿੱਚ ਰਾਕੇਸ਼ ਟਿਕੈਤ,ਗੁਰਨਾਮ ਸਿੰਘ ਚੜੂੰਨੀ ਅਤੇ ਯੋਗੇਂਦਰ ਯਾਦਵ ਰਾਤ ਭਰ ਧਰਨੇ ਤੇ ਬੈਠੇ ਰਹੇ | ਜਾਣਕਾਰੀ ਅਨੁਸਾਰ 2 ਕਿਸਾਨਾਂ ਦੀ ਰਿਹਾਈ ਨਾ ਹੋਣ ‘ਤੇ ਮਾਮਲਾ ਵਿਗੜ ਗਿਆ ਸੀ ,ਜਿਸ ਤੋਂ ਬਾਅਦ ਕਿਸਾਨਾਂ ਨੇ ਦੇਰ ਰਾਤ ਵੀ ਧਰਨਾ ਥਾਣੇ ਦੇ ਬਾਹਰ ਜਾਰੀ ਰੱਖਿਆ| ਵਿਧਾਇਕ ਦਵਿੰਦਰ ਬਬਲੀ ਦੇ ਕਿਸਾਨਾਂ ਨੂੰ ਗਲਤ ਬੋਲਣ ‘ਤੇ ਜੋ ਵਿਵਾਦ ਭਖਿਆ ਸੀ,ਉਸ ‘ਤੇ ਵਿਧਾਇਕ ਦਵਿੰਦਰ ਬਬਲੀ ਦੇ ਵੱਲੋਂ ਮੁਆਫੀ ਮੰਗ ਲਈ ਗਈ ਸੀ |
