ਟੋਕਿਓ ਓਲੰਪਿਕਸ ਦੇ ਵਿੱਚ ਬਹੁਤ ਸਾਰੇ ਪੰਜਾਬ ਦੇ ਖਿਡਾਰੀ ਮੱਲਾ ਮਾਰ ਰਹੇ ਹਨ | ਜਿਸ ਨੂੰ ਲੈ ਕੇ ਅੱਜ ਵੱਡੇ ਬਾਦਲ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆ ਹਨ | ਜਿਸ ‘ਚ ਉਹ ਟੋਕਿਓ ਉਲੰਮਿਕ ਦਾ ਮੈਚ ਦੇਖਦੇ ਨਜ਼ਰ ਆ ਰਹੇ ਹਨ | ਇਹ ਤਸਵੀਰਾ ਸ਼੍ਰੋਮਣੀ ਅਕਾਲੀ ਦਲ ਦੇ ਵੱਲੋਂ ਆਪਣੇ ਸੋਸ਼ਲ ਮੀਡੀਆ ਤੇ ਸਾਂਝੀ ਕਰ ਇਹ ਜਾਣਕਾਰੀ ਦਿੱਤੀ ਗਈ ਹੈ ਤੇ ਲਿਖਿਆ ਹੈ ਕਿ ਪ੍ਰਕਾਸ਼ ਸਿੰਘ ਬਾਦਲ ਦੀ ਅੱਜ 94 ਸਾਲ ਦੀ ਉਮਰ ‘ਚ ਵੀ ਓਲੰਪਿਕਸ ਖੇਡਾਂ ਪ੍ਰਤੀ ਪੂਰੀ ਦਿਲਚਸਪੀ ਹੈ। ਟੋਕੀਓ ਵਿਖੇ ਚੱਲ ਰਹੀਆਂ ਓਲੰਪਿਕਸ ਖੇਡਾਂ ‘ਚ ਦਸ਼ਮੇਸ਼ ਕਾਲਜ ਬਾਦਲ ਦੀ ਬੱਚੀ ਸਿਮਰਨਜੀਤ ਕੌਰ ਦਾ ਬਾਕਸਿੰਗ ਮੈਚ, ਅੱਜ ਸਵੇਰੇ ਉਨ੍ਹਾਂ ਵਿਸ਼ੇਸ਼ ਤੌਰ ‘ਤੇ ਸਮਾਂ ਕੱਢ ਕੇ ਦੇਖਿਆ। ਉਮਰ ਦੇ ਇਸ ਦੌਰ ‘ਚ ਵੀ ਪੰਜਾਬ ਪ੍ਰਤੀ ਉਨ੍ਹਾਂ ਦਾ ਸਮਰਪਣ ਬਰਕਰਾਰ ਹੈ, ਅਤੇ ਉਨ੍ਹਾਂ ਦੀਆਂ ਅਸੀਸਾਂ ਸਿਮਰਨਜੀਤ ਸਮੇਤ ਅਤੇ ਪੰਜਾਬ ਦੇ ਸਾਰੇ ਖਿਡਾਰੀਆਂ ਦੇ ਨਾਲ ਹਨ।
