ਸਬਜ਼ੀਆਂ ਜਾਂ ਫਲਾਂ ਨੂੰ ਤਾਜ਼ਾ ਰੱਖਣ ਲਈ ਅਕਸਰ ਲੋਕ ਫਰਿੱਜ ਦੀ ਵਰਤੋਂ ਕਰਦੇ ਹਨ। ਜਿਨ੍ਹਾਂ ਲੋਕਾਂ ਕੋਲ ਹਰ ਰੋਜ਼ ਸਬਜ਼ੀਆਂ ਅਤੇ ਫਲ ਲਿਆਉਣ ਦਾ ਸਮਾਂ ਨਹੀਂ ਹੁੰਦਾ, ਉਹ ਇਨ੍ਹਾਂ ਨੂੰ ਫਰਿੱਜ ਵਿਚ ਲਿਆ ਕੇ ਸਟੋਰ ਕਰਦੇ ਹਨ। ਤਾਂ ਕਿ ਇਹ ਚੀਜ਼ਾਂ ਫਰਿੱਜ ਵਿੱਚ ਲੰਬੇ ਸਮੇਂ ਤੱਕ ਤਾਜ਼ੀਆਂ ਰਹਿ ਸਕਣ ਪਰ ਮਾਹਿਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਕੁਝ ਫਲ ਅਤੇ ਸਬਜ਼ੀਆਂ ਨੂੰ ਫਰਿੱਜ ਵਿੱਚ ਰੱਖਣ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਜੇਕਰ ਇਨ੍ਹਾਂ ਨੂੰ ਫਰਿੱਜ ‘ਚ ਰੱਖਿਆ ਜਾਵੇ ਤਾਂ ਇਹ ਫੂਡ ਪੋਇਜ਼ਨਿੰਗ ਦਾ ਕਾਰਨ ਵੀ ਬਣ ਸਕਦੇ ਹਨ। ਤਾਂ ਆਓ ਜਾਣਦੇ ਹਾਂ ਉਨ੍ਹਾਂ ਸਬਜ਼ੀਆਂ ਤੇ ਫਲਾਂ ਬਾਰੇ, ਜਿਨ੍ਹਾਂ ਨੂੰ ਫਰਿੱਜ ‘ਚ ਨਹੀਂ ਰੱਖਣਾ ਚਾਹੀਦਾ।
1.) ਖੀਰਾ (Cucumber)
ਖੀਰੇ ਨੂੰ ਆਮ ਤੌਰ ‘ਤੇ ਸਬਜ਼ੀ ਮੰਨਿਆ ਜਾਂਦਾ ਹੈ। ਕਾਲਜ ਆਫ਼ ਐਗਰੀਕਲਚਰ ਐਂਡ ਐਨਵਾਇਰਮੈਂਟਲ ਸਾਇੰਸਿਜ਼ ਦੇ ਮੁਤਾਬਕ ਜੇਕਰ ਖੀਰੇ ਨੂੰ ਤਿੰਨ ਦਿਨਾਂ ਤੋਂ ਵੱਧ ਸਮੇਂ ਲਈ 10 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਰੱਖਿਆ ਜਾਂਦਾ ਹੈ ਤਾਂ ਉਹ ਤੇਜ਼ੀ ਨਾਲ ਸੜ ਜਾਂਦੇ ਹਨ। ਇਸ ਲਈ ਖੀਰੇ ਨੂੰ ਫਰਿੱਜ ‘ਚ ਰੱਖਣ ਤੋਂ ਬਚੋ। ਖੀਰੇ ਨੂੰ ਫਰਿੱਜ ਵਿਚ ਰੱਖਣ ਦੀ ਬਜਾਏ ਸਿੱਧੀ ਧੁੱਪ ਤੋਂ ਦੂਰ ਕਿਸੇ ਸਾਧਾਰਨ ਥਾਂ ‘ਤੇ ਰਖਣਾ ਚਾਹੀਦਾ ਹੈ।
2.) ਟਮਾਟਰ (Tomato)
ਮਾਹਿਰਾਂ ਮੁਤਾਬਕ ਟਮਾਟਰਾਂ ਨੂੰ ਵੀ ਹਮੇਸ਼ਾ ਕਮਰੇ ਦੇ ਤਾਪਮਾਨ ‘ਤੇ ਹੀ ਸਟੋਰ ਕਰਨਾ ਚਾਹੀਦਾ ਹੈ। ਇਸ ਨੂੰ ਫਰਿੱਜ ਵਿਚ ਰੱਖਣ ਨਾਲ ਟਮਾਟਰ ਦੇ ਸਵਾਦ, ਬਣਤਰ ਅਤੇ ਮਹਿਕ ‘ਤੇ ਅਸਰ ਪੈਂਦਾ ਹੈ, ਇਸ ਲਈ ਟਮਾਟਰਾਂ ਨੂੰ ਧੁੱਪ ਤੋਂ ਦੂਰ ਠੰਡੀ ਅਤੇ ਹਨੇਰੀ ਜਗ੍ਹਾ ‘ਤੇ ਰੱਖੋ।
3.) ਪਿਆਜ਼ (Onion)
ਨੈਸ਼ਨਲ ਓਨੀਅਨ ਐਸੋਸੀਏਸ਼ਨ (NOA) ਦੇ ਅਨੁਸਾਰ, ਪਿਆਜ਼ ਨੂੰ ਠੰਡੇ, ਸੁੱਕੇ, ਹਨੇਰੇ ਅਤੇ ਚੰਗੀ ਤਰ੍ਹਾਂ ਹਵਾਦਾਰ ਕਮਰੇ ਵਿੱਚ ਸਟੋਰ ਕਰਨਾ ਚਾਹੀਦਾ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਪਿਆਜ਼ ਆਸਾਨੀ ਨਾਲ ਨਮੀ ਨੂੰ ਸੋਖ ਲੈਂਦੇ ਹਨ। ਜੇਕਰ ਤਾਪਮਾਨ ਜਾਂ ਨਮੀ ਬਹੁਤ ਜ਼ਿਆਦਾ ਹੋਵੇ ਤਾਂ ਪਿਆਜ਼ ਪੁੰਗਰਨਾ ਜਾਂ ਸੜਨਾ ਸ਼ੁਰੂ ਹੋ ਸਕਦਾ ਹੈ। ਜੇ ਪਿਆਜ਼ ਨੂੰ ਠੰਢੇ ਕਮਰੇ ‘ਚ ਰੱਖਿਆ ਜਾਂਦਾ ਹੈ ਤਾਂ ਪਿਆਜ਼ ਦੋ ਮਹੀਨਿਆਂ ਤੋਂ ਵੱਧ ਸਮੇਂ ਲਈ ਰਹਿ ਸਕਦੇ ਹਨ।
4.) ਆਲੂ (Potato)
ਕੱਚੇ ਆਲੂਆਂ ਨੂੰ ਟੋਕਰੀ ਵਿੱਚ ਖੁੱਲ੍ਹੇ ਵਿੱਚ ਰੱਖਣਾ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਇਸ ਨੂੰ ਫਰਿੱਜ ‘ਚ ਰੱਖਣ ਤੋਂ ਬਚੋ। ਠੰਡਾ ਤਾਪਮਾਨ ਕੱਚੇ ਆਲੂਆਂ ਵਿੱਚ ਪਾਏ ਜਾਣ ਵਾਲੇ ਸਟਾਰਕੀ ਕੰਪਲੈਕਸ ਕਾਰਬੋਹਾਈਡਰੇਟ ਦੀ ਥਾਂ ਲੈਂਦਾ ਹੈ ਅਤੇ ਪਕਾਏ ਜਾਣ ‘ਤੇ ਆਲੂ ਦਾ ਸੁਆਦ ਮਿੱਠਾ ਹੋ ਜਾਂਦਾ ਹੈ। ਇਸ ਲਈ ਇਨ੍ਹਾਂ ਨੂੰ ਫਰਿੱਜ ‘ਚ ਰੱਖਣ ਤੋਂ ਬਚੋ। ਜੀ ਹਾਂ, ਸਬਜ਼ੀ ਬਣਾਉਣ ਤੋਂ ਬਾਅਦ ਤੁਸੀਂ ਚਾਹੋ ਤਾਂ ਇਨ੍ਹਾਂ ਨੂੰ ਫਰਿੱਜ ‘ਚ ਰੱਖ ਸਕਦੇ ਹੋ।
5.) ਲਸਣ (Garlic)
ਲਸਣ ਨੂੰ ਵੀ ਫਰਿੱਜ ਵਿੱਚ ਨਹੀਂ ਰੱਖਣਾ ਚਾਹੀਦਾ। ਕਿਉਂਕਿ ਇਹ ਨਮੀ ਨੂੰ ਵੀ ਬਹੁਤ ਜਲਦੀ ਸੋਖ ਲੈਂਦੇ ਹਨ। ਇਸ ਲਈ, ਪਿਆਜ਼ ਦੀ ਤਰ੍ਹਾਂ ਇਨ੍ਹਾਂ ਨੂੰ ਵੀ ਠੰਢੇ ਤੇ ਸੁੱਕੇ ਥਾਂ ‘ਤੇ ਰੱਖੋ। ਇਸ ਦੇ ਨਾਲ ਹੀ ਉਨ੍ਹਾਂ ਨੂੰ ਹਵਾ ਦੀ ਜ਼ਰੂਰਤ ਹੁੰਦੀ ਹੈ, ਇਸ ਲਈ ਕਦੇ ਵੀ ਲਸਣ ਨੂੰ ਬੈਗ ‘ਚ ਬੰਦ ਨਾ ਰੱਖੋ।
ਫਰਿੱਜ ‘ਚ ਨਾ ਰੱਖੋ ਇਹ ਫੱਲ
1.) ਕੇਲਾ (Banana)
ਕਈ ਲੋਕਾਂ ਨੂੰ ਇਹ ਸਮਝ ਨਹੀਂ ਆਉਂਦੀ ਕਿ ਫਰਿੱਜ ਵਿਚ ਕਿਹੜੇ ਫਲ ਅਤੇ ਸਬਜ਼ੀਆਂ ਰੱਖਣੀਆਂ ਚਾਹੀਦੀਆਂ ਹਨ ਅਤੇ ਕਿਹੜੀਆਂ ਨਹੀਂ। ਅਜਿਹੇ ‘ਚ ਕੁਝ ਲੋਕ ਕੇਲੇ ਨੂੰ ਫਰਿੱਜ ‘ਚ ਵੀ ਰੱਖਦੇ ਹਨ। ਜਿਸ ਕਾਰਨ ਕੇਲਾ ਜਲਦੀ ਪਿਘਲ ਕੇ ਕਾਲਾ ਹੋ ਜਾਂਦਾ ਹੈ। ਫਰਿੱਜ ‘ਚ ਰੱਖੇ ਕੇਲੇ ਨੂੰ ਖਾਣ ਨਾਲ ਵੀ ਤੁਹਾਡੀ ਸਿਹਤ ਖਰਾਬ ਹੋ ਸਕਦੀ ਹੈ।
2.) ਤਰਬੂਜ (Watermelon)
ਬਹੁਤ ਸਾਰੇ ਲੋਕ ਤਰਬੂਜ ਦੀ ਇੱਕ ਵਾਰ ਵਿੱਚ ਪੂਰੀ ਵਰਤੋਂ ਨਹੀਂ ਕਰ ਪਾਉਂਦੇ ਹਨ। ਅਜਿਹੇ ‘ਚ ਕੱਟੇ ਹੋਏ ਫਲਾਂ ਨੂੰ ਫਰਿੱਜ ‘ਚ ਰੱਖ ਦਿੰਦੇ ਹਨ ਪਰ ਤੁਹਾਨੂੰ ਇਹ ਗਲਤੀ ਨਹੀਂ ਕਰਨੀ ਚਾਹੀਦੀ। ਕੱਟੇ ਹੋਏ ਤਰਬੂਜ ਨੂੰ ਕਦੇ ਵੀ ਫਰਿੱਜ ਵਿੱਚ ਸਟੋਰ ਨਾ ਕਰੋ। ਇਸ ਨਾਲ ਫਲਾਂ ‘ਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟਸ ਖਤਮ ਹੋ ਜਾਂਦੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਦਾ ਸਵਾਦ ਵੀ ਬਦਲ ਜਾਂਦਾ ਹੈ।
3.) ਖਰਬੂਜਾ (Melon)
ਖਰਬੂਜੇ ਨੂੰ ਵੀ ਕੱਟ ਕੇ ਫਰਿੱਜ ‘ਚ ਨਹੀਂ ਰਖਣਾ ਚਾਹੀਦਾ। ਇਸ ਨਾਲ ਫਲਾਂ ‘ਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟਸ ਖਤਮ ਹੋ ਜਾਂਦੇ ਹਨ। ਜਦੋਂ ਵੀ ਤੁਸੀਂ ਇਨ੍ਹਾਂ ਫਲਾਂ ਨੂੰ ਖਾਣਾ ਹੋਵੇ ਤਾਂ ਇਨ੍ਹਾਂ ਨੂੰ ਪਹਿਲਾਂ ਹੀ ਫਰਿੱਜ ‘ਚ ਰੱਖ ਠੰਡਾ ਕਰ ਲੋ।
