ਮਹਾਨਗਰ ਦੇ ਥਾਣਾ ਡਿਵੀਜ਼ਨ ਪੰਜ ਦੇ ਬਸਤੌ ਦਾਨਿਸ਼ਮੰਦਾ ‘ਚ ਸ਼ਹਿਰ ਦੀ ਬਹਾਦੁਰ ਬੇਟੀ ਅੰਜ਼ਲੀ ਦੇ ਅੱਗੇ ਸਨੈਚਰ ਦੀ ਇੱਕ ਨਾ ਚੱਲੀ।ਉਸਦਾ ਮੋਬਾਇਲ ਖੋਹਣ ‘ਤੇ ਉਹ ਉਸ ਨਾਲ ਭਿੜ ਗਈ।ਸਕੂਟੀ ਸਵਾਰ ਸਨੈਚਰ ਉਸ ਨੂੰ ਘੜੀਸਦਾ ਹੋਇਆ ਲੈ ਗਿਆ ਤੇ ਉਸ ਨੇ ਉਸਨੂੰ ਛੱਡਿਆ ਨਹੀਂ।ਬਾਅਦ ‘ਚ ਲੋਕਾਂ ਨੇ ਸਨੈਚਰ ਨੂੰ ਫੜ ਲਿਆ ਅੇਤ ਖੂਬ ਕੁਟਾਪਾ ਚਾੜਿਆ ਅਤੇ ਬਾਅਦ ‘ਚ ਪੁਲਿਸ ਦੇ ਹਵਾਲੇ ਕਰ ਦਿੱਤਾ।ਘਟਨਾ ਰਸੀਲਾ ਨਗਰ ਦੀ ਹੈ।ਐਤਵਾਰ ਸਵੇਰੇ 10 ਵਜੇ ਦੇ ਕਰੀਬ ਅੰਜ਼ਲੀ ਕੰਮ ‘ਤੇ ਕੁਟੀਆ ਰੋਡ ‘ਤੇ ਜਾ ਰਹੀ ਸੀ।
ਇਸ ਦੌਰਾਨ ਉਹ ਮੋਬਾਇਲ ‘ਤੇ ਗੱਲ ਕਰ ਰਹੀ ਸੀ ਤਾਂ ਪਿੱਛੇ ਤੋਂ ਸਕੂਟੀ ‘ਤੇ ਸਵਾਰ ਹੋ ਕੇ ਆਏ ਇੱਕ ਝਪਟਮਾਰ ਨੇ ਉਸਦਾ ਮੋਬਾਇਲ ਖੋਹ ਲਿਆ ਅਤੇ ਮੌਕੇ ਤੋਂ ਫਰਾਰ ਹੋਣ ਦੀ ਕੋਸ਼ਿਸ਼ ਕਰਨ ਲੱਗਾ।ਅੰਜ਼ਲੀ ਨੇ ਹੌਸਲਾ ਦਿਖਾਉਂਦੇ ਹੋਏ ਉਸ ਨੂੰ ਫੜ ਲਿਆ।ਸਕੂਟੀ ਸਵਾਰ ਸਨੈਚਰ ਨੇ ਉਸ ਨੂੰ ਕਾਫੀ ਦੂਰ ਤੱਕ ਘਸੀੜਦਾ ਹੋਇਆ ਲੈ ਗਿਆ।ਅੰਜ਼ਲੀ ਦੇ ਸ਼ੋਰ ਮਚਾਉਣ ‘ਤੇ ਸਥਾਨਕ ਲੋਕਾਂ ਨੇ ਸਨੈਚਰ ਨੂੰ ਫੜ ਲਿਆ।ਉਨਾਂ੍ਹ ਨੇ ਉਸਦੀ ਕੁੱਟਮਾਰ ਕਰਨ ਤੋਂ ਬਾਅਦ ਪੁਲਿਸ ਨੂੰ ਸੂਚਨਾ ਦਿੱਤੀ।
ਥਾਣਾ ਡਿਵੀਜ਼ਨ ਪੰਜ ਦੀ ਪੁਲਿਸ ਘਟਨਾ ਦੇ ਕਾਫੀ ਦੇਰ ਬਾਅਦ ਤੱਕ ਵੀ ਮੌਕੇ ‘ਤੇ ਨਾ ਪਹੁੰਚੀ।ਉਦੋਂ ਤੱਕ ਲੋਕ ਸਨੈਚਰ ਦੀ ਕੁੱਟਮਾਰ ਕਰਦੇ ਰਹੇ। ਘਟਨਾ ਦੇ ਕਰੀਬ 45 ਮਿੰਟ ਬਾਅਦ ਜਦੋਂ ਮੌਕੇ ‘ਤੇ ਪੁਲਿਸ ਪਹੁੰਚੀ ਤਾਂ ਲੋਕਾਂ ਨੇ ਉਸ ਉਸਨੂੰ ਪੁਲਿਸ ਹਵਾਲੇ ਕਰ ਦਿੱਤਾ।ਸਨੈਚਰ ਦੀ ਸਕੂਟੀ ‘ਤੇ ਕੋਈ ਨੰਬਰ ਨਹੀਂ ਲੱਗਾ ਸੀ।ਸਕੂਟੀ ਨੂੰ ਵੀ ਪੁਲਿਸ ਨੇ ਆਪਣੇ ਕਬਜ਼ੇ ‘ਚ ਲੈ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।ਥਾਣਾ ਡਿਵੀਜ਼ਨ ਪੰਜ ਦੇ ਮੁਖੀ ਰਵਿੰਦਰ ਕੁਮਾਰ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਜਾਂਚ ਤੋਂ ਬਾਅਦ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
