ਉੱਤਰ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਵਿੱਚ ਇਸ ਵਾਰ ਹੈਦਰਾਬਾਦ ਤੋਂ ਸੰਸਦ ਮੈਂਬਰ ਅਸਦੁਦੀਨ ਓਵੈਸੀ ਦੀ ਪਾਰਟੀ ਆਲ ਇੰਡੀਆ ਮਜਲਿਸ-ਏ-ਇਤੇਹਾਦੁਲ ਮੁਸਲਿਮੀਨ (AIMIM) ਵੀ ਆਪਣੀ ਕਿਸਮਤ ਅਜ਼ਮਾ ਰਹੀ ਹੈ। ਓਵੈਸੀ ਨੇ ਯੂਪੀ ਚੋਣਾਂ ਲਈ ਆਪਣੇ 9 ਉਮੀਦਵਾਰਾਂ ਦੀ ਪਹਿਲੀ ਸੂਚੀ ਜਾਰੀ ਕਰ ਦਿੱਤੀ ਹੈ।
AIMIM ਵੱਲੋਂ ਜਾਰੀ ਕੀਤੀ ਗਈ ਪਹਿਲੀ ਸੂਚੀ ਵਿੱਚ ਡਾਕਟਰ ਮਹਿਤਾਬ ਨੂੰ ਲੋਨੀ (ਗਾਜ਼ੀਆਬਾਦ), ਫੁਰਕਾਨ ਚੌਧਰੀ ਨੂੰ ਗੜ੍ਹ ਮੁਕਤੇਸ਼ਵਰ (ਹਾਪੁੜ), ਹਾਜੀ ਆਰਿਫ਼ ਨੂੰ ਧੌਲੋਨਾ (ਹਾਪੁੜ), ਰਫ਼ਤ ਖ਼ਾਨ ਨੂੰ ਸਿਵਾਲ ਖਾਸ (ਮੇਰਠ), ਜ਼ੀਸ਼ਾਨ ਆਲਮ ਨੂੰ ਸਰਧਾਨਾ (ਮੇਰਠ), ਤਸਲੀਮ ਅਹਿਮਨੂੰ ਕਿਠੋਰ (ਮੇਰਠ), ਅਮਜ਼ਦ ਅਲੀ ਨੂੰ ਬੇਹਟ (ਸਹਾਰਨਪੁਰ), ਸ਼ਾਹੀਨ ਰਜ਼ਾ ਖਾਨ ਨੂੰ ਬਰੇਲੀ-124 (ਬਰੇਲੀ) ਅਤੇ ਮਰਗੁਬ ਹਸਨ ਨੂੰ ਸਹਾਰਨਪੁਰ ਦੇਹਾਤ (ਸਹਾਰਨਪੁਰ) ਵਿਧਾਨ ਸਭਾ ਹਲਕੇ ਤੋਂ ਆਪਣਾ ਉਮੀਦਵਾਰ ਬਣਾਇਆ ਹੈ।
