2 ਸਾਲ ਬਾਅਦ ਸ਼ੁਰੂ ਹੋਣ ਜਾ ਰਹੀ ਅਮਰਨਾਥ ਯਾਤਰਾ ਦੇ ਦੌਰਾਨ ਲੰਗਰਾਂ ‘ਚ ਫ੍ਰਾਈਡ ਫੂਡ, ਜੰਕ ਫੂਡ, ਸਵੀਟ ਡਿਸ਼, ਚਿਪਸ, ਸਮੋਸੇ ਵਰਗੀਆਂ ਚੀਜ਼ਾਂ ਨਹੀਂ ਮਿਲਣਗੀਆਂ।ਅਜਿਹੀਆਂ ਦਰਜਨਾਂ ਚੀਜ਼ਾਂ ਬੈਨ ਕਰ ਦਿੱਤੀਆਂ ਗਈਆਂ ਹਨ।
ਸ਼੍ਰਾਈਨ ਬੋਰਡ ਨੇ ਸਾਰੀਆਂ ਲੰਗਰ ਕਮੇਟੀਆਂ ਨੂੰ ਪੱਤਰ ਲਿਖਿਆ ਹੈ ਕਿ ਯਾਤਰੀਆਂ ਨੂੰ ਹਰੀ ਸਬਜ਼ੀਆਂ, ਮੱਕੀ ਦੀ ਰੋਟੀ, ਸਾਦੀ ਦਾਲ, ਲੋ ਫੈਟ ਦੁੱਧ ਅਤੇ ਦਹੀ ਵਰਗੀਆਂ ਪੌਸ਼ਟਿਕ ਚੀਜ਼ਾਂ ਹੀ ਦਿੱਤੀਆਂ ਜਾਣ।ਸਿਹਤ ਮਾਹਿਰਾਂ ਦੀ ਰਾਇ ‘ਤੇ ਲਏ ਗਏ ਇਸ ਫੈਸਲੇ ‘ਚ ਦੱਸਿਆ ਗਿਆ ਹੈ ਕਿ ਹੈਲਦੀ ਫੂਡ ਯਾਤਰੀਆਂ ਦੀ ਸਿਹਤ ਠੀਕ ਰੱਖੇਗਾ।ਉਨਾਂ੍ਹ ਦਾ ਐਨਰਜੀ ਲੈਵਲ ਠੀਕ ਰਹੇਗਾ, ਜਿਸ ਨਾਲ ਯਾਤਰਾ ‘ਚ ਪ੍ਰੇਸ਼ਾਨੀ ਨਹੀਂ ਹੋਵੇਗੀ।
ਇਸ ਦੌਰਾਨ, ਸ੍ਰੀ ਅਮਰਨਾਥ ਯਾਤਰਾ ਗੁਫਾ ਦੇ ਰਾਹ ‘ਚ ਲਗਾਤਾਰ ਮੌਸਮ ਬਦਲ ਰਿਹਾ ਹੈ, ਦੋ ਦਿਨ ਤੋਂ ਬਰਫ਼ ਜਾਰੀ ਹੈ।ਅਜਿਹੇ ‘ਚ ਯਾਤਰਾ ਸ਼ੁਰੂ ਕਰਨ ‘ਚ ਦੇਰੀ ਵੀ ਹੋ ਸਕਦੀ ਹੈ।ਸ਼੍ਰਾਈਨ ਬੋਰਡ ਨੇ 7 ਲੱਖ ਤੋਂ ਜਿਆਦਾ ਸ਼ਰਧਾਲੂਆਂ ਦੇ ਪਹੁੰਚਣ ਦੀ ਉਮੀਦ ਜਤਾਈ ਹੈ।2019 ‘ਚ ਕੁਲ 3.5 ਲੱਖ ਸ਼ਰਧਾਲੂ ਪਹੁੰਚੇ ਸਨ।
ਇਸ ਭੋਜਨ ‘ਤੇ ਪਾਬੰਦੀ
ਮਾਸਾਹਾਰ, ਸ਼ਰਾਬ, ਤੰਬਾਕੂ ਅਤੇ ਗੁਟਖਾ ‘ਤੇ ਪਾਬੰਦੀ ਰਹਿੰਦੀ ਹੀ ਹੈ, ਪਰ ਇਸ ਵਾਰ ਪੁਲਾਵ, ਫ੍ਰਾਈਡ ਰਾਈਸ, ਪੂਰੀ, ਭਟੂਰਾ, ਪਿੱਜ਼ਾ, ਬਰਗਰ, ਤਲੇ ਪਰੌਂਠੇ, ਡੋਸਾ, ਤਲੀ ਹੋਈ ਰੋਟੀ, ਅਚਾਰ, ਚਟਨੀ ਪਾਪੜ, ਨੂਡਲਸ, ਕੋਲਡ ਡ੍ਰਿੰਕ, ਹਲਵਾ, ਜਲੇਬੀ, ਚਿਪਸ, ਮੱਠੀ, ਨਮਕੀਨ, ਮਿਕਸਚਰ, ਪਕੌੜਾ, ਸਮੋਸਾ ਅਤੇ ਹਰ ਤਰ੍ਹਾਂ ਦੀ ਡੀਪ ਫ੍ਰਾਈਡ ਚੀਜ਼ਾਂ ਨਹੀਂ ਮਿਲਣਗੀਆਂ।
120 ਸੰਸਥਾਵਾਂ ਲਗਾਉਣਗੀਆਂ ਲੰਗਰ
ਦੇਸ਼ਭਰ ‘ਚ 120 ਸਮਾਜਸੇਵੀ ਸੰਸਥਾਵਾਂ ਯਾਤਰਾ ਮਾਰਗ ‘ਤੇ ਲੰਗਰ ਲਗਾਉਣਗੀਆਂ।ਇਹ ਲੰਗਰ ਬਾਲਟਾਲ ਕੈਂਪ, ਬਾਲਟਾਲ-ਡੋਮੇਲ ਦੇ ਵਿਚਾਲੇ, ਡੋਮੇਲ, ਰੇਲਪੱਤਰੀ, ਬਰਾਰੀਮਾਰਗ, ਸੰਗਮ, ਨੁਨਵਨ, ਚੰਦਨਵਾੜੀ, ਚੰਦਨਵਾੜੀ-ਪਿਸਸੁਟਾਪ ਦੇ ਵਿਚਾਲੇ, ਪਿਸਸੁਟਾਪ,ਜੋਜੀਬਲ, ਨਾਗਾਕੋਟੀ, ਸ਼ੇਸ਼ਨਾਗ, ਵਾਵਬਲ, ਪੋਸ਼ਪੱਤਰੀ, ਕੇਲਨਾਰ, ਪੰਚਤਰਣੀ ਅਤੇ ਪਵਿਤ ਗੁਫਾ ਦੇ ਕੋਲ ਲੱਗਣਗੇ।
