ਤਿਰੂਵਨੰਤਪੁਰਮ, 31 ਜੁਲਾਈ-ਵਿੰਡਸ਼ੀਲਡ (ਸ਼ੀਸ਼ਾ) ਟੁੱਟਣ ਕਾਰਨ ਸਾਊਦੀ ਅਰਬ ਜਾ ਰਹੇ ਏਅਰ ਇੰਡੀਆ ਐਕਸਪ੍ਰੈੱਸ ਦੇ ਜਹਾਜ਼ ਨੂੰ ਅੱਜ ਤਿਰੂਵਨੰਤਪੁਰਮ ਹਵਾਈ ਅੱਡੇ ‘ਤੇ ਹੰਗਾਮੀ ਹਾਲਤ ਵਿੱਚ ਉਤਾਰਨਾ ਪਿਆ। ਹਵਾਈ ਅੱਡੇ ਦੇ ਅਧਿਕਾਰੀ ਨੇ ਕਿਹਾ ਕਿ ਸਵੇਰੇ 7.52 ਵਜੇ ਉਡਾਣ ਭਰਨ ਤੋਂ ਇੱਕ ਘੰਟੇ ਦੇ ਅੰਦਰ ਪਾਇਲਟ ਨੇ ਸ਼ੀਸ਼ੇ ਵਿੱਚ ਤਰੇੜ ਵੇਖ ਕੇ ਤਿਰੂਵਨੰਤਪੁਰਮ ਪਰਤਣ ਦਾ ਫੈਸਲਾ ਕੀਤਾ। ਇਸ ਤੋਂ ਬਾਅਦ ਜਹਾਜ਼ ਸਵੇਰੇ 8.50 ਵਜੇ ਐਮਰਜੈਂਸੀ ਵਿੱਚ ਹਵਾਈ ਅੱਡੇ ‘ਤੇ ਉਤਰਿਆ। ਕੋਵਿਡ ਪਾਬੰਦੀਆਂ ਕਾਰਨ ਜਹਾਜ਼ ਵਿੱਚ ਕੋਈ ਯਾਤਰੀ ਨਹੀਂ ਸੀ ਤੇ ਇਸ ਨੂੰ ਮਾਲ ਢੋਆ ਢੁਆਈ ਲਈ ਵਰਤਿਆ ਜਾ ਰਿਹਾ ਸੀ। ਜਹਾਜ਼ ’ਚ ਅਮਲੇ ਦੇ 8 ਮੈਂਬਰ ਸਨ।
